|
|
 |
| (GMT+08:00)
2006-03-14 11:31:33
|
 |
|
ທ່ານເວີນເຈ່ຍປາວກ່າວວ່າ ຈີນຈະຊຸກຍູ້ການປະຕິຮູບແລະໄຂປະຕູສູ່ພາຍນອກຢ່າງຫມັ້ນຫນຽວບໍ່ປ່ຽນແປງ
cri
Author: sayvanny
ວິທະຍຸສາກົນແຫ່ງປະເທດຈີນລາຍງານວ່າ: ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ໄຂຂຶ້ນຢູ່ປັກກິ່ງໄດ້ອັດລົງໃນຕອນເຊົ້າວັນທີ 14 ມີນາ. ໃນງານໃຫ້ສຳພາດຕໍ່ນັກຂ່າວຈີນແລະຕ່າງປະເທດຫລັງກອງປະຊຸມ, ທ່ານເວີນເຈ່ຍປາວ ນາຍົກລັດຖະມົນຕີຈີນເວົ້າວ່າ, ຈີນຈະຊຸກຍູ້ການປະຕິຮູບແລະໄຂປະຕູສູ່ພາຍນອກຢ່າງຫມັ້ນຫນຽວບໍ່ປ່ຽນແປງ.
ທ່ານເວີນເຈ່ຍປາວເວົ້າວ່າ, ຜົນງານຂອງການພັດທະນາເສດຖະກິດແລະສັງຄົມຈີນພຽງແຕ່ແມ່ນບາດກ້າວທຳອິດໃນຂະບວນວິວັດຫັນເປັນທັນສະໄຫມ, ໄລຍະທາງຕໍ່ໄປພາຍຫນ້າຍັງຈະຍາວໄກແລະລຳບາກກວ່າເກົ່າ. ຈີນຈະຊຸກຍູ້ການປະຕິຮູບແລະໄຂປະຕູສູ່ພາຍນອກຢ່າງຫມັ້ນຫນຽວບໍ່ປ່ຽນແປງ, ກຽມຮັບມືກັບການທ້າທາຍຂອງຄວາມຫຍຸ້ງຍາກແລະການສ່ຽງຕ່າງໆນາໆ.ທ່ານເວີນເຈ່ຍປາວຍັງກ່າວວ່າ, ເຖິງວ່າໃນການກ້າວເດີນຍັງຈະມີຄວາມຫຍຸ້ງຍາກກໍ່ຕາມ,ແຕ່ຈະຢຸດຢັ້ງບໍ່ໄດ້,ຖອຍຄືນຫລັງຍິ່ງບໍ່ມີທາງອອກ.
|
|
|
