|
|
 |
| (GMT+08:00)
2006-03-14 14:11:59
|
 |
|
ທ່ານເວີ່ນເຈຍປາວກ່າວວ່າສ້າງຊົນນະບົດແບບໃໝ່ແມ່ນໃຫ້ຊາວກະສິກອນຮັ່ງມີ
cri
ຕາມຂ່າວCRI, ໃນງານຊຸມນຸມນັກຂ່າວທີ່ຈັດຂຶ້ນພາຍຫຼັງກອງປະຊຸມຄັ້ງທີ4ຂອງສະພາປະຊາຊົນແຫ່ງຊາດຈີນສະໄໝທີ10ໄດ້ປິດປະຊຸມໃນວັນທີ14ມີນາ, ທ່ານເວີ່ນເຈຍປາວ ນາຍົກລັດຖະມົນຕີຈີນກ່າວວ່າ, ຈີນວາງເປົ້າໝາຍສ້າງສາຊົນນະບົດໃໝ່ສັງຄົມນິຍົມແມ່ນເພື່ອພັດທະນາກະສິກຳ, ປັບປຸງເງື່ອນໄຂການຜະລິດແລະຊີວິດການເປັນຢູ່ຂອງຊາວກະສິກອນໃຫ້ດີຂຶ້ນ.
ທ່ານເວີ່ນເຈຍປາວກ່າວວ່າ, ການສ້າງສາຊົນນະບົດໃໝ່ສັງຄົມນິຍົມແມ່ນເອົາກະສິກຳແລະວຽກງານຊົນນະບົດໄວ້ຢູ່ໃນຖານະພົ້ນເດັ່ນກວ່າເກົ່າໃນພາກສ່ວນທັງໝົດຂອງການສ້າງສາທັນສະໄໝຂອງຈີນ. ຜ່ານຈາກການເອົາອຸດສາຫະກຳຫຼໍ່ລ້ຽງກະສິກຳຕົວເມືອງສະໜັບສະໜູນຊົນນະບົດ, ຊຸກຍູ້ຊົນນະບົດເຫຼືອຢູ່ເຫຼືອກິນແລະກະສິກຳເປັນແບບທັນສະໄໝ, ສ້າງການພັດທະນາເສດຖະກິດຂອງຈີນບົນພື້ນຖານທີ່ໝັ້ນແກ່ນກວ່າເກົ່າ.
ທ່ານກ່າວເນັ້ນວ່າ, ໃນຂະບວນການສ້າງສາຊົນນະບົດໃໝ່ສັງຄົມນິຍົມນັ້ນ, ຕ້ອງຮັບປະກັນສິດທິປະຊາທິປະໄຕຂອງຊາວກະສິກອນ, ແລະໃຫ້ຊາວກະສິກອນໄດ້ຮັບຜົນປະໂຫຍດແທ້ຈິງ.
|
|
|
