|
|
 |
| (GMT+08:00)
2006-03-14 14:59:28
|
 |
|
ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 4ສະໄໝທີ 10 ປິດປະຊຸມ
cri
Author: min
|
ຕາມຂ່າວCRI: ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ ອົງການອຳນາດລັດສູງສຸດຂອງຈີນທີ່ຈັດຂຶ້ນຢູ່ປັກກິ່ງເປັນເວລາ 10 ມື້ໄດ້ອັດລົງ ໃນຕອນເຊົ້າວັນທີ 14 ມີນາ. ກ່ອນປິດປະຊຸມ, ກອງປະຊຸມໃຫຍ່ໄດ້ລົງມະຕິ, ອະນຸມັດໂຄງຮ່າງແຜນພັດທະນາເສດຖະກິດແລະສັງຄົມແຫ່ງຊາດໃນ 5 ປີຂ້າງໜ້າແລະບົດລາຍງານວຽກງານຂອງລັດຖະບານທີ່ຜູ້ແທນສະພາປະຊາຊົນ ໄດ້ສຳຫຼວດພິຈາລະນາແລະດັດແກ້ແລ້ວ.
ໂຄງຮ່າງແຜນພັດທະນາຊີ້ອອກວ່າ, ຈຸດໝາຍການເຕີບໂຕຂອງເສດຖະກິດຈີນໃນ 5 ປີຂ້າງໜ້າແມ່ນ 7.5% ສະເລ່ຍຕໍ່ປີ. ແຜນພັດທະນາຍັງໄດ້ກຳນົດເປົ້າໝາຍຫຼຸດການສິ້ນເປືອງພະລັງງານແລະຫຼຸດບໍລິມາດສິ່ງເສື່ອມພິດຕົ້ນຕໍທີ່ລະບາຍອອກ. ຕາມການຈັດວາງ, ໃນ 5 ປີຂ້າງໜ້າ, ການສ້າງຊົນນະບົດແບບໃໝ່, ຂ້ຽວເລັ່ງຊຸກຍູ້ການສັບຊ້ອນອົງປະກອບເສດຖະກິດແລະຫັນປ່ຽນຮູບການເຕີບໂຕ, ຊຸກຍູ້ການພັດທະນາຂອງເຂດແຄ້ວນໃກ້ກົມກຽວກັນ, ອອກແຮງເພີ່ມຄວາມສາມາດປະດິດສ້າງໃໝ່ຂອງຕົນເອງແລະອື່ນໆ, ຈະກາຍເປັນຈຸດໜັກຍຸດທະສາດແລະໜ້າທີ່ຕົ້ນຕໍຂອງຈີນ.
ບົດລາຍງານວຽກງານລັດຖະບານທີ່ກອງປະຊຸມອະນຸມັດຊີ້ອອກວ່າ, ລັດຖະ ບານຈີນຈະຫັນຈຸດໜັກການລົງທຶນສ້າງສາພື້ນຖານໂຄງລ່າງໄປສູ່ຊົນນະບົດ, ແລະປະຕິບັດການສຶກສາພາກບັງຄັບທີ່ຍົກເລີກຄ່າຮຽນຄ່າໃສ່ສາລະພັດໃນຊົນນະບົດທົ່ວປະເທດ. ບົດລາຍງານໄດ້ກຳນົດຈຸດໝາຍເຕີບໂຕຂອງເສດຖະກິດຈີນປີນີ້ໃຫ້ຢູ່ລະຫວ່າງ 8%.
|
|
|
