|
|
 |
| (GMT+08:00)
2006-03-14 15:46:46
|
 |
|
ຜູ່ແທນສະພາປະຊາຊົນແຫ່ງຊາດຈີນລົມບັນຫາການສຶກສາພາກບັງຄັບ
cri
|
ໃນແຜນພັດທະນາເສດຖະກິດສັງຄົມແຫ່ງຊາດໃນຫ້າປີຂ້າງໜ້າທີ່ພວມສະເໜີໃຫ້ຜູ່ແທນປະພາປະຊາຊົນແຫ່ງຊາດພິຈາລະນານັ້ນ,ກໍ່ໄດ້ຈັດເອົາການເຜີຍແຜ່ແລະປັບປຸງການສຶກສາພາກບັງຄັບ9ປີເຂົ້າເປັນຈຸດໝາຍຕົ້ນຕໍໜຶ່ງແຫ່ງການພັດທະນາເສດຖະກິດ ສັງຄົມແຫ່ງຊາດ,ທັງນີ້ກໍ່ໝາຍຄວາມວ່າ,ໃນ5ປີຂ້າງໜ້າ, ການເຜີຍແຜ່ການສຶກສາພາກບັງຄັບ9ປີຍັງແມ່ນໜ້າທີ່ສຳຄັນຂອງລັດຖະບານຈີນຢູ່ຄືເກົ່າ.
ໃນສະຖານທີ່ປະຊຸມ,ນັກຂ່າວວິທະຍຸພວກເຮົາໄດ້ເຂົ້າສຳພາດທ່ານລິວອິ້ງ ມິງຜູ່ແທນສະພາປະຊາຊົນແຫ່ງຊາດ ຮອງປະທານຄະນະກຳມາທິການການສຶກສາ ວິທະຍາສາດ ວັດທະນະທຳແລະສາທາລະນະສຸກຂອງສະພາປະຊາຊົນແຫ່ງຊາດຈີນກ່ຽວກັບສະພາບປັດຈຸບັນຂອງການເຜີຍແຜ່ການສຶກສາພາກບັງຄັບຂອງຈີນໃນສະເພາະໜ້ານີ້,ທ່ານເວົ້າວ່າ,
ໃນ10ປີທີ່ຜ່ານມາ,ລັດຖະບານຈີນແລະປະຊາຊົນອັນໄພສານໄດ້ທຳຄວາມພະຍາຍາມຢ່າງບໍ່ລົດລະເພື່ອເຜີຍແຜ່ການສຶກສາພາກບັງຄັບ9ປີໂດຍພື້ນຖານ,ນັບມາຮອດທ້າຍປີ2004,ມີປະຊາກອນ94%ໄດ້ຮັບການສຶກສາພາກບັງຄັບ9ປີໃນທົ່ວປະເທດ,ປີ2005ຍິ່ງມີການຄືບໜ້າຫຼາຍສົມຄວນ,ໃນດ້ານຮັບປະກັນຄ່າໃຊ້ຈ່າຍການສຶກສາພາກບັງຄັບກໍໄດ້ທຳຄວາມພະຍາຍາມຢ່າງຫຼວງຫຼາຍ,ປີນີ້ຍັງໄດ້ປະຕິບັດນະໂຍບາຍຍົກເວັ້ນຄ່າມະຍິກມະຍ່ອຍ,ຄ່າປຶ້ມຮຽນແລະເບີກຄ່າອຸດໜູນນັກຮຽນກິນນອນຢູ່ໂຮງ ຮຽນເປັນຕົ້ນ,ທັງໝົດເຫຼົ່ານີ້ລ້ວນແຕ່ແມ່ນຄວາມກ້າວໜ້າອັນໃຫຍ່ຫຼວງ, ພວກເຮົາເຮັດຫຍັງກໍບໍ່ຄວນເຫີນຫ່າງຈາກສະພາບຕົວຈິງຂອງຈີນ,ແຕ່ກໍ່ຕ້ອງຮູ້ວ່າຄວາມພະຍາຍາມ ຂອງພວກເຮົາໃນດ້ານນີ້ຍັງບໍ່ພໍເທື່ອ.
ໃນຫຼາຍປີມານີ້,ການສຶກສາທົ່ວປວງຊົນຂອງຈີນໄດ້ຮັບຜົນສຳເລັດທີ່ປະຈັກຕາ,ແຕ່ຍ້ອນຈີນມີປະຊາກອນຢ່າງຫຼວງຫຼາຍ,ກຳລັງແຫ່ງຊາດຂ້ອນຂ້າງຫຼ້າຫຼັງ,ເຂດ8%ໃນທົ່ວປະເທດຍັງບໍ່ທັນເຜີຍແຜ່ການສຶກສາພາກບັງຄັບ9ປີໃຫ້ທົ່ວເຖິງ,ແລະສ່ວນຫຼາຍໂຮມສູນຢູ່ເຂດທຸກຍາກທາງພາກຕາເວັນຕົກຂອງຈີນ.ຜູ່ແທນຂັ້ນຮາກຖານທີ່ມາຈາກຊົນນະບົດພາກຕາເວັນຕົກທີ່ພວມເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຢູ່ປັກກິ່ງເຫັນວ່າ,ເຖິງວ່າລັດໄດ້ມີຄວາມກ້າວໜ້າຂ້ອນຂ້າງຫຼາຍໃນການເຜີຍແຜ່ການສຶກສາພາກບັງຄັບກໍຕາມ,ແຕ່ຢູ່ເຂດຊົນນະບົດພາກຕາເວັນຕົກຍັງມີບັນຫາບໍ່ໜ້ອຍໃນດ້ານການສຶກສາ.ທ່ານນາງກ່ານຢີງຈື່ ຜູ່ແທນສະພາປະຊາຊົນທີ່ມາຈາກເມືອງມາຫຼິງເຈິ້ນເຂດເຜົ່າຈ້ວງປົກຄອງຕົນເອງພາກຕາເວັນຕົກສຽງໃຕ້ຂອງຈີນບອກນັກຂ່າວວ່າ,
"ຢູ່ຊົນນະບົດ,ຫຼາຍຄອບຄົວທຸກຍາກທີ່ສຸດ,ນັກຮຽນບາງຄົນຈຳເປັນຕ້ອງເຊົາຮຽນຍ້ອນບໍ່ມີເງິນຈ່າຍຄ່າຮຽນ,ທາງໂຮງຮຽນກໍ່ຈຳເປັນຕ້ອງໃຊ້ວິທີອະນຸຍາດໃຫ້ຜ່ອນຈ່າຍຄ່າຮຽນເພື່ອໃຫ້ນັກຮຽນກັບຄືນສູ່ໂຮງຮຽນ.ນອກນີ້,ຢູ່ບາງເຂດໃນຊົນນະບົດ,ຂາດເຂີນຄູທີ່ສຸດ,ກໍລະນີທີ່ຫາຄົນມາສອນແທນຊົ່ວຄາວນັ້ນມີຢູ່ທົ່ວໄປ,ອັນໄດ້ຜູກມັດການແຜ່ເຜີຍການສຶກສາໃນລະດັບໃດໜຶ່ງ."
ໂດຍແນໃສ່ບັນຫາຕ່າງໆທີ່ການສຶກສາພາກບັງຄັບໃນເຂດດ້ອຍພັດທະນາພວມປະເຊີນ.ທ່ານຫຼິວປີ່ນ ຜູ່ແທນສະພາປະຊາຊົນແຫ່ງຊາດ ຜູ່ວ່າການຕິດຕາມກວດກາການສຶກສາແຫ່ງລັດຂອງກະຊວງສຶກສາທິການທັງແມ່ນນັກການສຶກສາຜູ່ມືຊື່ສຽງໄດ້ສະເໜີຄວາມເຫັນຂອງຕົນວ່າ,
ໃນຫຼາຍສິບປີມານີ້,ຈັງຫວະພັດທະນາຂອງການສຶກສາພາກບັງຄັບຂອງປະເທດພວກເຮົາພັດທະນາໄວສົມຄວນ,ແຕ່ນັ້ນແມ່ນພັດທະນາພາຍໃຕ້ສະພາບທີ່ເກັບຄ່າຮຽນ, ຄືໄດ້ບັນລຸເປົ້າໝາຍພັດທະນາການສຶກສາພາກບັງຄັບດ້ວຍການເພີ່ມການຫາບແບກຂອງຜູ່ຮັບການສຶກສາໃນລະດັບໃດໜຶ່ງ.ຍ້ອນມີລາຍໄດ້ໜ້ອຍ,ການຫາບແບກດ້ານການສຶກສາຢູ່ຊົນນະບົດແມ່ນໜັກທີ່ສຸດ.ການບັນລຸການສຶກສາພາກບັງຄັບໂດຍບໍ່ຕ້ອງເສຍຄ່າຮຽນ,ແມ່ນບາດກ້າວສຳຄັນຫຼາຍໃນການແກ້ໄຂບັນຫາການສຶກສາຢູ່ເຂດຊົນນະບົດທີ່ທຸກຍາກ.
ປີນີ້ອົງການນິຕິບັນຍັດຂອງຈີນຈະດັດແກ້ ກົດໝາຍວ່າດ້ວຍການສຶກສາພາກບັງຄັບທີ່ປະຕິບັດໃນປັດຈຸບັນ.ຕາມໄດ້ຊາບ,ພາຍຫຼັງໄດ້ປະກາດໃຊ້"ກົດໝາຍວ່າດ້ວຍການສຶກສາພາກບັງຄັບ"ສະບັບໃໝ່ແລ້ວ,ຈີນຈະກ້າວໄປສູ່ໄລຍະໃໝ່ຂອງປະຫວັດສາດ ທີ່ຫັນປ່ຽນຈາກການສືກສາພາກບັງຄັບເກັບຄ່າໄປເປັນການສຶກສາພາກບັງຄັບຟີ.ການສຶກສາພາກບັງຄັບຟິຈະເລີ່ມປະຕິບັດຢູ່ເຂດທຸກຍາກກ່ອນເພິ່ນ.ຄຽງຄູ່ກັບການສຶກສາພາກບັງຄັບຟີເຜີຍແຜ່ຢ່າງທົ່ວເຖິງຢູ່ຊົນນະບົດ,ບວກກັບການເພີ່ມທາງດ້ານການເງິນ,ຄວາມຜິດໂຕນກັນດ້ານຄຸນນະພາບການສຶກສາລະຫວ່າງຊົນນະບົດກັບຕົວເມືອງຈະຫຼຸດໜ້ອຍລົງເທື່ອລະກ້າວ,ທັງນີ້ຈະສ້າງພື້ນຖານອັນດີທີ່ສຸດໃຫ້ແກ່ການສ້າງສັງຄົມໃຫ້ມີຄວາມທ່ຽງທຳແລະຍຸດຕິທຳ.
ວັນທີ5ມີນາ,ໃນເວລາອ່ານບົດລາຍງານວຽກງານລັດຖະບານໃນກອງປະຊຸມຄັ້ງທີ4ຂອງສະພາປະຊາຊົນແຫ່ງຊາດຈີນສະໄໝທີ10,ທ່ານເວີ່ນເຈ່ຍປາວ ນາຍົກລັດ ຖະມົນຕີຈີນເວົ້າວ່າ:"ຕ້ອງສຸມກຳລັງເຜີຍແຜ່ແລະບູລະນະກາສຶກສາພາກບັງຄັບ9ປີ,ແກ້ໄຂບັນຫາທີ່ລູກຂອງຊາວກະສິກອນເຂົ້າຮຽນຍາກໃນຂັ້ນຕອນການສຶກສາພາກບັງຄັບ,ໃຫ້ເດັກນ້ອຍທຸກໆຄົນລ້ວນແຕ່ມີໂອກາດທີ່ສະເໝີພາບກັນໃນການຮັບເອົາການສຶກສາ.ແຕ່ປີນີ້ເປັນຕົ້ນໄປ,ໃຊ້ເວລາສອງປີ,ຍົກເວັ້ນຄ່າຮຽນແລະຄ່າອື່ນໆໃນໄລຍະການສຶກສາພາກບັງຄັບໃຫ້ໝົດໃຫ້ແກ່ນັກຮຽນທີ່ຢູ່ໃນຊົນນະບົດ,ອັນນີ້ແມ່ນຂີດໝາຍອັນສຳຄັນໃນປະຫວັດຂະຫຍາຍຕົວແຫ່ງການສຶກສາຂອງຈີນ,ຍ່ອມຈະເກີດຜົນສະທ້ອນອັນສຳຄັນແລະເລິກເຊິ່ງຕໍ່ການຍົກສູງຄຸນທາດຂອງພົນລະເມືອງຢ່າງຮອບດ້ານ."
|
|
|
