|
ຜູ້ແທນສະພາປະຊາຊົນແຫ່ງຊາດຈີນກ່າວວ່າ,ການສ້າງສາຊົນນະບົດແບບໃໝ່ຕ້ອງຊອກຫາເສັ້ນທາງທີ່ມີຈຸດພິເສດທີ່ສອດຄ່ອງກັບສະພາບຂອງທ້ອງຖິ່ນ
cri
|
ບຸນກຸດຈີນປີນີ້ຫາກໍ່ຜ່ານໄປ,ລັດຖະບານຈີນກໍ່ໄດ້ປະກາດເອກະສານສູນກາງເລກໜຶ່ງທີ່ມີຫົວຂໍ້"ສ້າງສາຊົນນະບົດແບບໃໝ່ສັງຄົມນິຍົມ".ວັນທີ 5 ມີນາ,ໃນເວລາທ່ານເວີ່ນເຈຍປາວ ນາຍົກລັດຖະມົນຕີຈີນອ່ານບົດລາຍງານວຽກງານລັດຖະບານໃນພິທີໄຂກອງປະຊຸມສະພາປະຊາຊົນແຫ່ງຊາດຈີນຄັ້ງທີ 4 ສະໄໝທີ 10ນັ້ນ, ທ່ານກ່າວເນັ້ນວ່າ,ຕ້ອງຈະຊຸກຍູ້ການສ້າງສາຊົນນະບົດແບບໃໝ່ສັງຄົມນິຍົມຢ່າງໜັກແໜ້ນ.ຜູ້ແທນສະພາປະຊາຊົນແຫ່ງຊາດຈີນທີ່ພວມເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຢູ່ປັກກິ່ງກ່າວວ່າ,ໂຄງຄວາມຄຶດ"ສ້າງສາ ຊົນນະບົດແບບໃໝ"ໄດ້ສ່ອງແສງໃຫ້ເຫັນລັດຖະບານຈີນໄດ້ເອົາໃຈໃສ່ໃນລະດັບສູງຕໍ່ການພັດທະນາຂອງຊົນນະບົດ,ຊົນນະບົດແຫ່ງຕ່າງໆຕ້ອງ ຕັ້ງໜ້າຊອກຫາທີ່ເໝາະກັບການພັດທະນາຂອງທ້ອງຖິ່ນຕົນ,ເຜີຍແຜ່ບົດຮຽນທີ່ມີຈຸດພິເສດຂອງຕົນ.ຕໍ່ໄປເຊີນຟັງບົດແຈ້ງຂ່າວຂອງນັກຂ່າວວິທະຍຸພວກເຮົາ.
ແຂວງຢຸນນານທີ່ຕັ້ງຢູ່ພາກຕາເວັນຕົກສຽງໃຕ້ຂອງຈີນມີສິ່ງແວດລ້ອມພູມສາດແລະເງື່ອນໄຂດິນຟ້າອາກາດທີ່ຫາອັນປຽບບໍ່ໄດ້,ແມ່ນເຂດທີ່ຊີວະນານາພັນອຸດົມສົມບູນກວ່າໝູ່ຂອງຈີນ.ໃນທ້າຍສະຕະວັດແລ້ວນີ້,ແຂວງຢຸນນານກໍ່ໄດ້ວາງເປົ້າໝາຍສ້າງເປັນແຂວງໃຫຍ່ດ້ານຊີວະພາບ,ພັດທະນາກະສິກຳທີ່ມີສີສັນພິເສດທີ່ຖືກະສິກຳຊີວະພາບເປັນເສົາຄ້ຳຕາມເງື່ອນໄຂຂອງແຂວງຕົນເອງ.
ທ່ານປາຍປ່າວຊິງ ຜູ້ແທນສະພາປະຊາຊົນແຫ່ງຊາດຈີນ ປະທານຄະນະປະຈຳສະພາປະຊາຊົນກິ່ງແຂວງຫົງເຫີແຂວງຢຸນນານເວົ້າວ່າ:
"ກິ່ງແຂວງຫົງເຫີພວກຂ້າພະເຈົ້າພັດທະນາກະສິກຳຊີວະພາບແມ່ນຢູ່ໃຕ້ເງື່ອນໄຂເບື້ອງຕົ້ນທີ່ບໍ່ປ່ຽນແປງແລະບໍ່ທຳລາຍພືດພັນຊີວະຊາດທີ່ມີຢູ່ເດີມ,ອີງໃສ່ຊັບພະຍາກອນທ້ອງຖິ່ນ,ເລືອກເອົາພືດພັນຊີວະຊາດທີ່ມີທ່າແຮງທີ່ສອດຄ່ອງກັບການພັດທະນາຂອງທ້ອງຖິ່ນຕົນ,ແລ້ວປູກຝັງດ້ວຍເຕັກນິກຢ່າງຂະໜາດໃຫຍ່,ຈໍ່ຕົວຂຶ້ນເປັນເບົ້າແບບພັດທະນາກະສິກແບບອຸດສາຫະກຳ,ເຮັດໃຫ້ກະສິກຳມີມູນຄ່າເພີ່ມແລະຫັນເປັນຕະຫລາດ,ເພື່ອ ເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ."
ຢູ່ກິ່ງແຂວງຫົງເຫີໃນຊູ່ມື້ນີ້,ໄດ້ພັດທະນາກະສິກຳຊີວະພາບ.ຊາວກະສິກອນພາກັນປູກພືດເສດຖະກິດ,ໄຮ່ຈີນໜຶ່ງຢ່າງໜ້ອຍຂາຍໄດ້ຫລາຍພັນຢວນ ຫລາຍທີ່ສຸດໄດ້ຮອດໝື່ນຢວນ.ຄວາມກະຕືລືລົ້ນຂອງຊາວກະສິກອນໃນການປູກໝາກອະງຸ່ນເຮັດໃຫ້ໂຮງງານເຫົ້ຼາແວງຢຸນນານແລະໂຮງງານເຫົ້ຼາເສີນ ສວນຢຸນນານຂອງກິ່ງແຂວງຫົງເຫີມີຄວາມສາມາດຜະລິດເຫົ້ຼາແວງຫຼາຍຂຶ້ນຢ່າງຫຼວງຫຼາຍ,ສຳເລັດມູນຄ່າການຜະລິດອຸດສາຫະກຳ 190 ລ້ານຢວນ.ການເຜີຍແຜ່ພືດເສດຖະກິດ,ປະເພດໝາກກ້ວຍ,ໝາກອະງຸ່ນ,ໝາກພິລາ,ໝາກກ້ຽງແລະພືດເປັນຢາເຫຼົ່ານັ້ນ,ກໍແມ່ນສິ່ງພິສູດທີ່ດີທີ່ສຸດຂອງການພັດທະນາກະສິກຳຊີວະພາບຂອງກິ່ງແຂວງຫົງເຫີ.
ທ່ານປາຍປ່າວຊິງກ່າວວ່າ,ເວົ້າສຳລັບເຂດຊາຍແດນຄືຫົງເຫີນີ້ແລ້ວ, ກະສິກຳຊີວະພາບແມ່ນວິຖີທາງທີ່ດີທີ່ສຸດແຫ່ງການຊຸກຍູ້ໃຫ້ຊາວກະສິກອນມີລາຍໄດ້ເພີ່ມຂຶ້ນແລະສ້າງສາຊົນນະບົດແບບໃໝ່.
"ຜ່ານການພັດທະນາກະສິກຳຊີວະພາບ,ໄດ້ປ່ຽນແປງວິທີປູກຝັງແບບຈູດປ່າເຮັດໄຮ່,ຊາວກະສິກອນຮັ່ງຍ້ອນພູ,ພູກໍຂຽວງາມ,ການປຸງແຕ່ງຂອງໂຮງງານເຊື່ອມຕໍ່ກັບຕະຫລາດ,ຜ່ານການປຸງແຕ່ງຂອງໂຮງງານເຮັດໃຫ້ຜົນຜະລິດກະສິກຳມີມູນຄ່າເພີ່ມຂຶ້ນ,ນີ້ແມ່ນວົງໝູນວຽນເສດຖະກິດລະ ຫວ່າງຊີວະພາບກັບການປຸງແຕ່ງທີ່ໝູນໃນແງ່ດີ."
ເມື່ອທຽບກັບແຂວງຢຸນນານແລ້ວ,ເຂດກວາງຊີເຜົ່າຈ້ວງປົກຄອງຕົນເອງທີ່ຕັ້ງຢູ່ເຂດຊາຍແດນພາກຕາເວັນຕົກສຽງໃຕ້ເຊັ່ນດຽວກັນນັ້ນແມ່ນແຂວງໃຫຍ່ດ້ານກະສິກຳທີ່ຂາດເຂີນພະລັງງານທຳມະດາ,ໃນທ້າຍສະຕະວັດແລ້ວນີ້,ອົງການປົກຄອງເຂດກວາງຊີໄດ້ຕົກລົງແນວຄິດສ້າງສາບ້ານເມືອງຊີວະພາບທີ່ຖືການບຳບັດຄວາມທຸກຍາກດ້ວຍການສ້າງອ່າງອາຍເມຕານເປັນຈຸດເລີ່ມຕົ້ນ.
ບ້ານຝູໂຕຖາງຕາແສງເປີຍຖົ່ງເມືອງຜູເປີຍແມ່ນບ້ານອະນຸລັກສິ່ງແວດລ້ອມຊີວະພາບທີ່ມີຊື່ລືນາມຂອງເມືອງຊິນໂຈ່ວເຂດກວາງຊີ,ບ້ານນີ້ມີ30 ຄອບຄົວ,ດຽວນີ້ຄອບຄົວໃດກໍ່ມີອາຍເມຕານໃຊ້.ທ່ານເວິ່ງໂສວຢວນ ເລຂາພັກບ້ານຝູໂຕຖາງບອກນັກຂ່າວວ່າ,ການໃຊ້ອາຍເມຕານສຳຄັນແມ່ນແກ້ໄຂບັນຫາພະລັງງານຂອງຊົນນະບົດ,ຖ້າບໍ່ດັ່ງນັ້ນ,ຕົ້ນໄມ້ຢູ່ເທີງພູຫລາຍປານໃດກໍ່ບໍ່ພໍໃຫ້ຟັນມາດັງໄຟ.ການສ້າງອາຍເມຕານໃນບ້ານແມ່ນປະສານສົມທົບກັບການດັດສ້າງສ້ວມຖ່າຍ ແປງທາງແລະສ້າງຄອກໝູ,ພ້ອມກັນນັ້ນເພື່ອສ້າງບ້ານໃຫ້ສວຍງາມ.ຢູ່ບ້ານຝູໂຕຖາງ,ອາຍເມຕານສາມາດໃຊ້ມາດັງໄຟຫຸງເຂົ້າ ເຍືອງຮຸ່ງ,ກາກເຫຍື້ອເມຕານ ນ້ຳເມຕານຍັງແມ່ນຝຸ່ນອິນຊີທີ່ດີທີ່ສຸດສຳລັບລ້ຽງປາແລະປູກຕົ້ນໄມ້ກິນໝາກ,ໃສ່ກາກເຫຍື້ອເມຕານແລະນ້ຳເມຕານ,ໝາກໄມ້ເປັນໝາກຫຼາຍແລະໃຫຍ່ທີ່ສຸດ, ທັງຫວານພິເສດ,ທັງບໍ່ມີການເຊື່ອມພິດ,ໝາກລິ້ນຈີ່ຂອງບ້ານນີ້ກໍແມ່ນຕົວຢ່າງ,ທ່ານເວິງແນະນຳວ່າ,
"ດຽວນີ້,ຢູ່ຕະຫລາດ,ໝາກລິ້ນຈີ່ຂອງພວກເຮົາຂາຍໄດ້ຮອດກິໂລລະສອງຢວນສາມຢວນປາຍ,ແຕ່ໝາກລິ້ນຈີ່ທຳມະດາພັດຂາຍໄດ້ແຕ່ຢວນໜຶ່ງຢວນປາຍ.ປີ2004,ຍັງໄດ້ສົ່ງອອກໄປຂາຍຢູ່ຕ່າງປະເທດເປັນເທື່ອທຳອິດ."
ການສ້າງບ້ານຊີວະພາບໄດ້ເຮັດໃຫ້ສະພາບເຮືອນຢູ່ໃນຊົນນະບົດເຂດກວາງຊີຄືເມືອງຜູເປີຍພວກເຮົາມີການປ່ຽນແປງຢ່າງໃຫຍ່ຫລວງ, ສະພາບເປິເປື້ອນ ບໍ່ມີລະບຽບແລະຂີ້ຮ້າຍໃນເມື່ອກ່ອນໄດ້ສູນຫາຍໄປແລ້ວທັດສະນະຄະຕິແບບເກົ່າຂອງຊາວກະສິກອນໄດ້ຮັບການດັດແປງ,ຄຸນນະພາບຊີວິດການເປັນຢ່ກໍດີຂຶ້ນ;ຜ່ານຈາກການພັດທະນາເສດຖະກິດໝູນວຽນອາຍເມຕານ,ການປູກຕົ້ນໄມ້ກິນໝາກແລະປູກຜັກຂອງຊາວກະສິກອນໄດ້ພັດທະນາຈາກແບບດັ້ງເດີມໄປສູ່ທິດບໍ່ມີການເຊື່ອມພິດຊີວະພາບ,ເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ,ແລະກໍ່ເຮັດໃຫ້ອັດຕາປ່າໄມ້ປົກຫຸ້ມຂອງເຂດກວາງຊີຈາກ 22%ໃນປີ 1980 ຂະຫຍາຍ ຮອດ 41%ໃນປະຈຸບັນ.
ບໍ່ວ່າແມ່ນການພັດທະນາກະສິກຳຊີວະພາບ,ຫລືວ່າແມ່ນການສ້າງບ້ານຊີວະພາບ,ຈຸດປະສົງກໍແມ່ນເພື່ອຊຸກຍູ້ໃຫ້ການຜະລິດຂອງຊົນນະບົດມີການພັດທະນາ.ມີແຕ່ເຮັດໃຫ້ຊາວກະສິກອນຮັ່ງມີຂຶ້ນແລ້ວ,ຈິ່ງຈະສາ ມາດຊຸກຍູ້ໃຫ້ຊົນນະບົດຮີດດີຄອງງາມສະອາດສະອາງແລະການຄຸ້ມຄອງເປັນແບບປະຊາທິປະໄຕຕື່ມອີກ,ຕົວຢ່າງແບບນີ້ໄດ້ມີຫຼາຍຂຶ້ນເປັນກ້າວໆຢູ່ເຂດພາກຕາເວັນຕົກຂອງຈີນຄືເຂດກວາງຊີແລະແຂວງຢຸນນານທີ່ຫລ້າຫຼັງ ໂດຍທຽບຖານ.
ທ່ານຈ້າວລີ້ຊົງ ຜູ້ແທນສະພາປະຊາຊົນແຫ່ງຊາດຈີນທີ່ມາຈາກແຂວງຢຸນນານ ເຈົ້າຄອງກິ່ງແຂວງຕ້າຫລີແນະນຳວ່າ,ຕາແສງສີຈົ່ງຂອງກິ່ງແຂວງຕ້າຫລີແປະກັບເຂດທີວທັດບໍ່ແມງກະເບື້ອ,ໃນການພັດທະນາຜະລິດຕະພັນທ່ອງທ່ຽວທີ່ມີສີສັນເຜົ່າປາຍເຊັ່ນເຄື່ອງສິນລະປະແມງກະເບື້ອແລະຜ້າພິມຍ້ອມດ້ວຍໄຂເປັນຕົ້ນໄດ້ຊອກພົບເສັ້ນທາງພັດທະນາພິເສດຂອງຕົນ,ແຕ່ລະປີ,ສະເລ່ຍແລ້ວ,ຊາວກະສິກອນຢູ່ແຫ່ງນີ້ມີລາຍໄດ້ເກືອບໜຶ່ງໝື່ນຢວນ.ຄຽງຄູ່ກັບຊີວິດການເປັນຢູ່ໄດ້ດີຂຶ້ນ,ທາງຕາແສງໄດ້ຊັກນຳຊາວບ້ານອອກແຮງງານພັນທະແລະສົມທົບທຶນ,ຫົນທາງໃນບ້ານໄດ້ປູກຕົ້ນໄມ້ໃສ່ໝົດແລ້ວ,ຄອບຄົວໃດກໍ່ມີນ້ຳປະປາໃຊ້,ໂສມໜ້າບ້ານສະອາດຮຽບຮ້ອຍບໍ່ຕ່າງຫຍັງກັບໃນເມືອງ.
ຄອບຄົວໃດຢູ່ແຫ່ງນີ້ກໍໄດ້ປຸກເຮືອນໃຫຍ່ມຸງດິນຂໍແບບເຜົ່າປ໋າຍ,ເງື່ອນໄຂເຮືອນຢູ່ຂອງໄທບ້ານ 95%ໄດ້ຮັບການປົວແປງໃຫ້ດີຂຶ້ນ,ທາງນອກແມ່ນເຮືອນແບບເຜົ່າປ໋າຍ,ໃນເຮືອນພັດຕົກແຕ່ງແບບທັນສະໄໝ,ຈົນແຂກຜູ່ມາທ່ຽວແຫ່ງນີ້,ກໍມັກທີ່ສຸດ.ຢູ່ໃນບ້ານ,ການຄຸ້ມຄອງແບບປະຊາທິປະໄຕແລະອົງການຈັດຕັ້ງຕ່າງໆກໍລ້ວນແຕ່ສົມບູນທີ່ສຸດ,ຢູ່ໃນບ້ານມີກົດລະບຽບການຄຸ້ມຄອງຂອງຂະແໜງການຕ່າງໆ,ຮັບປະກັນໃຫ້ມີຄວາມສາ ມາດຊຳລະແກ້ໄຂວຽກງານ,ເຮັດວຽກຕາມກົດລະບຽບ,ແລະມີເງິນເຮັດວຽກ.ຜູ້ເຖົ້າຜູ້ແກ່ລ້ວນແຕ່ມີເບັ້ຍລ້ຽງແລະຄ່າຄອງຊີບ,ຮີດຄອງທາງບ້ານກໍດີງາມທີ່ສຸດ,ການຄຸ້ມຄອງກໍ່ເປັນແບບປະຊາທິປະໄຕແລະມີລະບຽບ."
ຜູ້ແທນທັງຫລາຍທີ່ມາຈາກຊົນນະບົດທີ່ພວມເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຢູ່ປັກກິ່ງຍັງໄດ້ແນະນຳບົດຮຽນອັນສຸກງອມແຫ່ງການພັດທະນາກະສິກຳຂອງທ້ອງຖິ່ນຕົນ,ບັນດາຜູ່ແທນເຫັນວ່າ,ບົດຮຽນພິເສດໃນການພັດທະນາຊົນນະບົດແຫ່ງຕ່າງໆແມ່ນຊົນນະບົດອັນປະເສີດທີ່ສຸດໃນການສ້າງສາຊົນນະບົດແບບໃໝ່,ການ ສ້າງສາຊົນນະບົດແບບໃໝ່ຍັງຕ້ອງຊອກຫາວິທີພິເສດທີ່ສອດຄ່ອງກັບສະພາບຕົວຈິງ.
ທ່ານຫວັງໂຢ້ເຟີຍ ຜູ້ແທນສະພາປະຊາຊົນແຫ່ງຊາດຈີນທີ່ມາຈາກເຂດກວາງຊີກ່າວວ່າ:
ການສ້າງສາຊົນນະບົດແບບໃໝ່ມີຫລາຍວິທີ,ແຫ່ງຕ່າງໆຄວນປະສານສົມທົບກັບສະພາບຕົວຈິງຂອງທ້ອງຖິ່ນຕົນ,ຊອກຫາທາງເສັ້ນໃໝ່ພັດທະນາຊົນນະບົດໃຫ້ເໝາະກັບຈຸດພິເສດຂອງທ້ອງຖິ່ນຕົນ.ການສ້າງສາຊົນນະບົດແບບໃໝ່ແມ່ນການສ້າງສາຮອບດ້ານ,ບໍ່ພຽງແຕ່ຕ້ອງໃຫ້ຊີວິດການເປັນຢູ່ມີການພັດທະນາແລະຢູ່ດີມີສຸກເທົ່ານັ້ນ,ຍັງຕ້ອງທຳຄວາມພະຍາຍາມຫລາຍກວ່າເກົ່າໃຫ້ຊົນນະບົດມີຮີດດີຄອງງາມແລະການຄຸ້ມຄອງເປັນແບບປະຊາທິປະໄຕ,ເຮັດແນວນີ້ ໂສມໜ້າຊົນນະບົດຈິ່ງໄດ້ຮັບການປ່ຽນແປງຢ່າງແທ້ຈິງ."
|
|
