|
ຕາມຂ່າວCRI: ໃນງານໃຫ້ສຳພາດຂ່າວທີ່ຈັດຂຶ້ນຢູ່ທີ່ປັກກິ່ງໃນວັນທີ 14 ມີນາ, ທ່ານເວິນເຈຍປາວ ນາຍົກລັດຖະມົນຕີຈີນກ່າວວ່າ, ໃນຂະບວນການປະຕິຮູບທະນາຄານການຄ້າແຫ່ງລັດ, ຈີນຈະຍຶດໝັ້ນໃຫ້ລັດຄວບຄຸມຫຸ້ນຢ່າງເດັດຖານ, ເພື່ອຮັບປະກັນໃຫ້ລັດມີສິດຄວບຄຸມສາຍຊີວິດເສດຖະກິດ, ປ້ອງກັນຄວາມສ່ຽງຂອງທະນາຄານ, ແລະເພີ່ມທະວີການຄຸ້ມຄອງຕະຫຼອດຂະບວນການປະຕິຮູບ, ປ້ອງກັນບໍ່ໃຫ້ຊັບສິນແຫ່ງລັດຫົ່ວໄຫຼ.
ທ່ານເວິນເຈຍປາວແມ່ນກ່າວຄວາມດັ່ງກ່າວໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວອາເມລິກາ. ທ່ານຍັງກ່າວເນັ້ນວ່າ, ຈຸດປະສົງຂອງການປະຕິຮູບລະບອບຫຸ້ນສ່ວນຂອງທະນາຄານການຄ້າແຫ່ງລັດ ແມ່ນເພື່ອຮ່ຳຮຽນແລະຖອດຖອນເອົາບົດຮຽນການຄຸ້ມຄອງທີ່ກ້າວໜ້າ. ແລ້ວຍົກລະດັບຄຸ້ມຄອງແລະປະສິດທິຜົນທຸລະກິດຂອງທະນາຄານການຄ້າແຫ່ງລັດໃຫ້ສູງຂຶ້ນ.
|
