|
|
 |
| (GMT+08:00)
2006-03-14 18:13:19
|
 |
|
ຂ່າວກ່ຽວກັບຈີນກັບອາຊຽນສອງຂ່າວ
cri
Author: lm
ຂ່າວກ່ຽວກັບຈີນກັບອາຊຽນສອງຂ່າວ:
1.ຄະນະຜູ່ແທນອົງການປົກຄອງເຂດກວາງຊີຢ້ຽມຢາມສີ່ປະເທດອາຊຽນເພື່ອເຜີຍແຜ່ງານເອັກສໂປຈີນອາຊຽນຄັ້ງທີສາມ
ວັນທີ 28 ມີນາ ທ່ານລູ້ປິນ ປະທານອົງການປົກຄອງເຂດກວາງຊີເຜົ່າຈວ້າງປົກຄອງຕົນເອງຈີນນຳພາຄະນະຜູ່ແທນອົງການປົກຄອງເຂດກວາງຊີໄປຢ້ຽມຢາມຟິລິບປິນ ບຼູໄນ ສິງກະໂປແລະມຽນມາ,ເພື່ອໂຄສະນະເຜີຍແຜ່ງານເອັກສໂປຈີນອາຊຽນຄັ້ງທີສາມ.
ໃນເວລາໃຫ້ສຳພາດຕໍ່ນັກຂ່າວນານນິງ, ທ່ານລູ້ປິນເວົ້າວ່າ, ໃນໄລຍະຢ້ຽມຢາມ,ທ່ານຈະພົບປະກັບຜູ່ນຳຂອງສີ່ປະເທດດັ່ງກ່າວ,ແລະຈະເຊື້ອນເຊີນນັກທຸລະກິດຂອງຫລາຍປະເທດເຂົ້າຮ່ວມງານເອັກສໂປຈີນອາຊຽນຄັ້ງ ທີສາມ. ຄະນະຜູ່ແທນກວາງຊີຍັງຈະສົນທະນາກັບນັກທຸລະກິດທີ່ຜູ່ສຳຄັນຂອງສີ່ປະເທດດັ່ງກ່າວ, ຂໍຄວາມເຫັນນຳນັກທຸລະກິດທີ່ຮ່ວມງານ, ເຮັດແນວໃດຈະສ້າງງານເອັກສໂປໃຫ້ດີ,ໂດຍສະເພາະແມ່ນເຮັດແນວໃດຈໍ່ຕົວຂຶ້ນເປັນກົນໄກ,ຊຸກຍູ້ງານເອັກສໂປນີ້ພັດທະນາຢ່າງດີງາມເປັນເວລາຍາວນານ, ເພື່ອສະແດງໃຫ້ເຫັນສີສັນພິເສດທີ່ຈີນກັບສິບປະເທດອາຊຽນພ້ອມກັນຈັດງານວາງສະແດງ.
ຕາມເຜີຍໃຫ້ຮູ້ວ່າ, ງານເອັກສໂປຈີນອາຊຽນຄັ້ງທີສາມແລະກອງປະ ຊຸມສຸດຍອດການຄ້າແລະການລົງທຶນລະຫວ່າງຈີນອາຊຽນຈະຈັດຂຶ້ນຢູ່ເມືອງນານນິງ ເທດສະບານເຂດກວາງຊີໃນຫົກເດືອນທ້າຍປີນີ້,ການເຄື່ນອໄຫວລະລຶກຈີນກັບອາຊຽນສ້າງການພົວພັນຄູ່ຂາສົນທະນາຄົບຮອບ 15 ປີກໍ່ຈະຈັດຂຶ້ນຢູ່ເມືອງນານນິງໃນໄລຍະດຽວກັນ, ປັດຈຸບັນ, ເຂດກວາງຊີກຳລັງທຳການກະກຽມເພື່ອການເຄື່ອນໄຫວດັ່ງກ່າວ.
ທ່ານລູ້ປິນແນະນຳວ່າ, ແຕ່ວັນທີ 30 ມີນາຮອດວັນທີ 2 ເມສາ,ຄະນະຜູ່ແທນເຂດກວາງຊີຈະຈັດງານສະແດງແລະຂາຍສິນຄ້າຢູ່ເມືອງມານີລາແຫ່ງຟິລິບປິນ,ແຕ່ວັນທີ 7 ຫາວັນທີ 9 ເມສາ, ງານວາງສະແດງແລະຂາຍສິນຄ້າດັ່ງກ່າວຈະຍ້າຍໄປຈັດຢູ່ສິງກະໂປ.ໃນເວລານັ້ນ, ຄະນະສິນລະປະກອນລິວຊານເຈຂອງເຂດກວາງຊີກໍ່ຈະຈັດງານສະແດງສິນລະປະກຳຢູ່ສອງແຫ່ງດັ່ງກ່າວ ເພື່ອສະແດງໃຫ້ເຫັນຮີດຄອງປະເພນີຊົນເຜົ່ນອັນເຂັ້ມຂຸ້ນຂອງກວາງຊີ.
ສິນຄ້າທີ່ຈະວາງສະແດງໃນງານວາງສະແດງແລະຂາຍສິນຄ້ານັ້ນມີເຄື່ອງດິນເຜົາ ອາຫານກະປ໋ອງ ກົນຈັກກະເສດ ກົນຈັກກິດຈະການ ລົດຍົນ ເຈ້ຍ ວັດສະດຸກໍ່ສ້າງແລະຜະລິດຕະພັນອຸດສາຫະກຳເຄມີ ເປັນຕົ້ນ, ເຊິ່ງເປັນຜະລິດຕະພັນດັ້ງເດີມຂອງເຂດກວາງຊີ, ພ້ອມກັນນັ້ນ ກໍ່ຈະວາງສະແດງຜະລິດຕະພັນໄຮເທັກຄື ຢຸກຢາຊະນິດໃຫມ່ແລະຂໍ້ມູນຂ່າວສານເອເລັກໂຕຼນິກເປັນຕົ້ນ.
2.ລາຍການໂທລະພາບຂະຫນາດໃຫຍ່ກ່ຽວກັບແມ່ນ້ຳລ້ານຊ້າງແມ່ນ້ຳຂອງສາຍເລີ່ມຖ່າຍຢູ່ເຂດກວາງຊີຂອງຈີນ
ລາຍການໂທລະພາບຂະຫນາດໃຫຍ່ 20 ຕອນທີ່ມີຫົວເລື່ອງວ່າ: ແມ່ນ້ຳລ້ານຊ້າງ ແມ່ນ້ຳຂອງ ເຊິ່ງສະແດງສະພາບຮອບດ້ານຂອງຈີນ ໄທ ຫວຽດນາມ ມຽນມາ ລາວ ກຳປູເຈຍແລະເຂດກວາງຊີ ແຂວງຢຸນນານຂອງຈີນນັ້ນຈະຖ່າຍຢູ່ເມືອງກຸ້ຍລິນ ເມືອງລາຍປິນ ເມືອງຊົງໂຈ ເມືອງທ່າຟາງເຊິງ ເມືອງຊິນໂຈວແລະເມືອງໄປຫາຍຂອງເຂດກວາງຊີໃນໄວໆນີ້.
ລາຍການດັ່ງກ່າວແມ່ນສະຖານີໂທລະພາບສູນກາງຈີນເປັນຜູ່ລົງທຶນຫມົດ.ການໄປຖ່າຍລາຍການເລື່ອງແມ່ນ້ຳລ້ານຊ້າງ ແມ່ນ້ຳຂອງຢູ່ເຂດກວາງຊີຈະແມ່ນສະຖານີໂທລະພາບສູນກາງຈີນຖ່າຍເຂດກວາງຊີດ້ວຍເຕັກນິກແຈ້ງສຸດເປັນຄັ້ງທຳອິດ.
ຕາມຊາບວ່າ, ເມືອງກຸ້ຍລິນແມ່ນຕົວເມືອງຕົ້ນຕໍໃນອະນຸພາກພື້ນແມ່ນ້ຳຂອງ,ຈະໃຊ້ຍົນເຮລິກົບຖ່າຍແມ່ນ້ຳລີຈ່ຽງ,ນີ້ແມ່ນຄັ້ງທຳອິດທີ່ສະແດງພາບວິວທິວທັດອັນສວຍງາມທີ່ຖ່າຍທາງອາກາດຕໍ່ຄົນທັງຫລາຍ.ລາຍການພາບພົດ.ລິວຊານເຈຂອງເມືອງກຸ້ຍລິນແລະຖະຫນົນຊີເຈຂອງເມືອງຢາງໂຊລ້ວນແຕ່ແມ່ນເນື້ອໃນຂອງລາຍການແມ່ນ້ຳລ້ານຊາງ ແມ່ນ້ຳຂອງ.
ນອກນັ້ນ, ວັດທະນະທຳຜານກູເມືອງລາຍປິນ ຮູບແຕ້ມຜາພູຫວາຊານນິງມິງຂອງເມືອງຊົງໂຈ ດ່ານມິດຕະພາບເມືອງຜິງຊຽງ ນຳຕົກຕາດເຕີຕຽນຕ້າຊິນ ເຊິ່ງເປັນນ້ຳຕົກຕາດຂາມຊາດໃຫຍ່ທີສອງໃນໂລກ ການກໍ່ ສ້າງທ່າກຳປັ່ນຂອງເມືອງຟາງເຊິງແລະເມືອງຊິງໂຈວ ຫາດຊາຍອິນຖານແລະເກາະເວີຍໂຈວທີ່ສວຍງາມຂອງເມືອງໄປຫາຍ,ລ້ວນແຕ່ແມ່ນຈຸດຫນັກຂອງການຖ່າຍລາຍການແມ່ນ້ຳລ້ານຊ້າງແມ່ນ້ຳຂອງ.
ທ່ານຈ່າງໂອ ຫົວຫນ້າຜະລິດລາຍການແມ່ນ້ຳລ້ານຊ້າງແມ່ນ້ຳຂອງຂອງສະຖານີໂທລະພາບສູນກາງຈີນເຜີຍໃຫ້ນັກຂ່າວຮູ້ວ່າ, ພາຍຫລັງຖ່າຍລາຍການນີ້ສຳເລັດແລ້ວ, ຈະອອກອາກາດໃນເວລາທອງຄຳຂອງສະຖານີໂທ ລະພາບສູນກາງຈີນຊ່ອງຫນຶ່ງແລະຊ່ອງສາກົນ,ໂທລະພາບແຫ່ງຊາດຂອງໄທ ຫວຽດນາມ ມຽນມາ ລາວ ແລະກຳປູເຈຍກໍ່ຈະອອກອາກາດໃນໄລຍະດຽວ.
|
|
|
