|
ຕາມຂ່າວCRI: ວັນທີ 14 ມີນາຢູ່ທີ່ປັກກິ່ງ, ໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດ, ທ່ານເວິນເຈຍປາວ ນາຍົກລັດຖະມົນຕີຈີນກ່າວວ່າ, ທະແນມແຕ່ຍຶດໝັ້ນຫຼັກການຈີນດຽວ, ທະແນມແຕ່ພັກໝິນຈິ້ນຕັງໄຕ້ຫວັນປະລະໂຄງການ "ແຍກໄຕ້ຫວັນໃຫ້ເປັນເອກະລາດ", ຝ່າຍແຜ່ນດິນໃຫຍ່ຍິນດີໃຫ້ຄຳຕອບໂດຍທາງບວກ, ຕິດຕໍ່ພົວພັນແລະປຶກສາຫາລືກັບເຂົາ.
ຂະນະດຽວກັນ ທ່ານເວິນເຈຍປາວຊີ້ອອກວ່າ, ບົນພື້ນຖານຫຼັກການຈີນດຽວ, ສອງຝັ່ງຈັດການປຶກສາຫາລືແລະເຈລະຈາກັນແມ່ນສະເໝີພາບ, ບໍ່ມີບັນຫາຜູ່ໃດກືນກິນຜູ່ໃດ.
ແຕ່ທ່ານເວິນເຈຍປາວກ່າວເນັ້ນວ່າ, ຝ່າຍແຜ່ນດິນໃຫຍ່ພວມຕິດຕາມຢ່າງໃກ້ຊິດນຳສະພາບການທີ່ເຈົ້າໜ້າທີ່ໄຕ້ຫວັນຂ້ຽວເລັ່ງດຳເນີນການເຄື່ອນໄຫວແຍກໄຕ້ຫວັນໃຫ້ເປັນເອກະລາດ, ໄດ້ທຳການກະກຽມເປັນຢ່າງດີເພື່ອຮັບມືກັບຜົນຮ້າຍຢ້ອນຫຼັງທຸກອັນທີ່ອາດຈະເກີດຂຶ້ນ.
|
