|
ຕາມຂ່າວcri:ທ່ານຊິງກ່າງ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນສະໜັບສະໜູນຄວາມພະຍາຍາມທັງໝົດທີ່ມີຜົນດີຕໍ່ການແກ້ໄຂບັນຫານິວເຄຼຍອີຣານໂດຍຜ່ານການເຈລະຈາ.ຝ່າຍຈີນພວມແລະຈະສືບຕໍ່ປະສານງານກັບບັນດາຝ່າຍກ່ຽວຂ້ອງຢ່າງແໜ້ນແຟ້ນ,ເພື່ອເສີມຂະຫຍາຍບົດບາດທີ່ມີລັກສະນະສ້າງສັນໃນການແກ້ໄຂບັນຫານິວເຄຼຍອີຣານດ້ວຍພາຫະນະການຕ່າງປະເທດ.
ວັນທີ14 ມີນາ,ໃນງານໃຫ້ສຳພາດຂ່າວທີ່ຈັດຂຶ້ນຢູ່ປັກກິ່ງ,ທ່ານຊິງກ່າງກ່າວວ່າ,ຝ່າຍຈີນເຫັນວ່າ,ໃຕ້ສະພາບການສະເພາະໜ້ານີ້,ຂໍ້ສະເໜີຂອງຣັດເຊຍຈະແມ່ນການທົດລອງທີ່ມີຜົນປະໂຫຍດເພື່ອທັບມ້າງສະພາບແຂງກະດ້າງຂອງບັນຫານິວເຄຼຍອີຣານ.ຝ່າຍຈີນສະໜັບສະໜູນການເຈລະຈາລະຫວ່າງອີຣານກັບຣັດເຊຍໂດຍຕະຫຼອດ,ແລະຫວັງໃຫ້ການເຈລະຈານີ້ຈະໄດ້ຮັບຄວາມຄືບໜ້າໂດຍໄວ.
|
