|
|
 |
| (GMT+08:00)
2006-03-15 10:31:28
|
 |
|
ທ່ານວາງກວງຢາບັນລະຍາຍທັດສະນະຂອງຈີນກ່ຽວກັບການສ້າງສາອາຟການີສະຖານຄືນໃຫມ່ໂດຍສັນຕິ
cri
Author: sayvanny
ວິທະຍຸສາກົນແຫ່ງປະເທດຈີນລາຍງານວ່າ: ໃນງານອະພິປາຍເປີດເຜີຍກ່ຽວກັບບັນຫາອາຟການີສະຖານທີ່ສະພາຄວາມຫມັ້ນຄົງສະຫະປະຊາຊາດຈັດຂຶ້ນໃນວັນທີ 14 ມີນາ, ທ່ານວາງກວງຢາ ເອກອັກຄະລັດຖະທູດຈີນປະຈຳອົງການສະຫະປະຊາຊາດໄດ້ປະກອບຄຳຄິດຄຳເຫັນ,ບັນລະຍາຍທັດສະນະຂອງຈີນກ່ຽວກັບການສ້າງສາອາຟການີສະຖານຄືນໃຫມ່ໂດຍສັນຕິ.
ທ່ານວາງກວງຢາເວົ້າວ່າ, ປະຈຸບັນ, ອາຟການີສະຖານໄດ້ສຳເລັດໄລຍະຂ້າມຜ່ານການເມືອງທີ່ກຳນົດໄວ້ໃນສັນຍາບອນແລ້ວ, ໄດ້ສ້າງໂຄງຮ່າງອຳນາດລັດຍຸກປະຈຸບັນ, ແຕ່ການສ້າງສາຄືນໃຫມ່ໂດຍສັນຕິຍັງປະເຊີນກັບຄວາມຫຍຸ້ງຍາກແລະການທ້າທາຍຕ່າງໆນາໆ.ສະນັນ, ລັດຖະບານອາຟການີສະຖານຄວນສືບຕໍ່ຖືການສະແຫວງຫາສະຖຽນລະພາບ, ຊຸກຍູ້ການພັດທະນາເປັນຫນ້າທີ່ຕົ້ນຕໍ,ສ້າງສາພື້ນຖານໃນຂົງເຂດຕ່າງໆໃຫ້ດີ;ອົງການ ສະຫະປະຊາຊາດຄວນສືບຕໍ່ພະຍາຍາມເສີມຂະຫຍາຍບົດບາດໃຈກາງແລະປະສານງານໃນການສ້າງສາອາຟການີສະຖານຄືນໃຫມ່ໂດຍສັນຕິແລະການຊ່ອຍເຫລືອຂອງສາກົນ;ປະຊາຄົມໂລກຄວນສືບຕໍ່ເອົາໃຈໃສ່ແລະລົງທຶນໃຫ້ອາຟການີສະຖານ, ຮັບປະກັນໃຫ້ການຊ່ອຍເຫລືອຕາມຄຳຫມັ້ນສັນຍາຢ່າງທັນການ.
ທ່ານວາງກວງຢາເວົ້າວ່າ, ໃນຖານເປັນປະເທດບ້ານໃກ້ເຮືອນຄຽງທີ່ມີໄມຕີຈິດ, ຈີນໄດ້ເອົາໃຈໃສ່ນຳຂະບວນວິວັດສ້າງສາອາຟການີສະຖານຄືນໃຫມ່ໂດຍສັນຕິຕະຫລອດມາ.ຈີນຈະອີງຕາມນ້ຳໃຈຕ່າງຝ່າຍຕ່າງມີຜົນປະໂຫຍດແລະເກາະແຂນກັນກ້າວໄປຫນ້າ, ຮ່ວມມືແລະຊ່ອຍເຫລືອອາຟການີສະຖານເປັນເວລາຍາວນານຄືແຕ່ກ່ອນທີ່ຜ່ານມາ.
|
|
|
