|
ຕາມຂ່າວໜັງສືພິມຊິນຈິ່ງປ້າວຂອງຈີນ: ຫວ່າງມໍ່ໆນີ້ ໂຄງການວັດແທກແລະແຕ້ມແຜນທີ່ກຳແພງເມືອງຈີນຍ່ານປັກກິ່ງໄດ້ເລີ່ມຕົ້ນຢ່າງ ຮອບດ້ານ, ພາຍຫຼັງສຳເລັດການວັດແທກແລ້ວ, ຮູບໂສມກຳແພງເມືອງຈີນຍ່ານປັກກິ່ງຈະຖືກແຕ້ມເປັນແຜນທີ່ເອເລັກໂຕຼນິກ, ໃຫ້ເປັນຂໍ້ມູນຂ່າວສານທີ່ມີອິດທິພົນກວ່າໝູ່ຂອງນະຄອນປັກກິ່ງໃນການອະນຸລັກກຳແພງເມືອງຈີນ.
ໂຄງການວັດແທກຈະໃຊ້ພາຫະນະເຕັກນິກສູງ ເຊັ່ນ ຢັ່ງແທກຈາກໄລຍະໄກແລະກຳນົດຈຸດດ້ວຍດາວທຽມເປັນຕົ້ນ, ຕົ້ນຕໍຈະວັດແທກກຳແພງເມືອງຈີນຍ່ານທີ່ຍັງບໍ່ທັນໄດ້ສ້າງເປັນສະຖານທີ່ທ່ອງທ່ຽວ. ໂຄງການດັ່ງກ່າວຍັງຈະສ້ອມແປງກຳແພງເມືອງຈີນທີ່ຢູ່ສອງຂ້າງດ່ານປ່າຕາຫຼິງ ເຊິ່ງຖືວ່າເປັນ "ຍ່ານກຳແພງເມືອງຈີນລະດັບມິ່ງເມືອງ" ຕາມມາດຖານໄລຍະທ້າຍລາຊະວົງໝິງ, ຄາດວ່າຈະສຳເລັດການວັດແທກໃນທ້າຍປີໜ້າ.
|
