|
ຕາມຂ່າວCRI: ວັນທີ 14 ມີນາ, ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນໄດ້ສິ້ນສຸດລົງຢູ່ທີ່ປັກກິ່ງ. ໜັງສືພິມຮົງກົງແລະມາກາວສະບັບວັນທີ 15 ມີນາ ໄດ້ເອົາໃຈໃສ່ໃນລະດັບສູງຕໍ່ແຜນກຳນົດພັດທະນາຂອງຈີນໃນ 5 ປີຂ້າງໜ້າທີ່ຖືກຮັບຮອງເອົາໃນກອງປະຊຸມເທື່ອນີ້.
ບົດນຳໜັງສືພິມ "ເຫວິນຮຸ້ຍປ້າວ" ຂອງຮົງກົງຂຽນວ່າ, ແຜນກຳນົດການພັດທະນາໃນ 5 ປີຂ້າງໜ້າໄດ້ພິຈາລະນາເຖິງຖານະສັບພະຄຸນແລະຄວາມຕ້ອງການຂອງການພັດທະນາຂອງຮົງກົງຢ່າງເຕັມທີ່. ຮົງກົງຄວນຄົ້ນຄວ້າແຜນກຳນົດດັ່ງກ່າວຢ່າງເອົາຈິງເອົາຈັງ, ລົງເລິກຕາບຈູນທ່າແຮງເຊັ່ງກັນແລະກັນກັບເຂດໃນ, ສ້າງໂອກາດຫຼາຍກວ່າເກົ່າເຮັດໃຫ້ທັງສອງຝ່າຍໄດ້ຜົນປະໂຫຍດພ້ອມກັນ, ຊຸກຍູ້ໃຫ້ເສດຖະກິດຮົງກົງພັດທະນາ.
ບົດນຳໜັງສືພິມ "ຕ້າກົ່ງປ້າວ" ຂອງຮົງກົງຂຽນວ່າ, ແຜນກຳນົດການພັດທະນາແຫ່ງຊາດໄດ້ຈັດເອົາເນື້ອໃນກ່ຽວກັບເຂດພິເສດຮົງກົງແລະມາກາວເຂົ້າໃນຫັ້ນເປັນຄັ້ງທຳອິດ, ທັງນີ້ໄດ້ສະແດງໃຫ້ເຫັນວ່າ ຕ້ອງຮັກສາຖານະສູນສາກົນຂອງຮົງກົງດ້ານການທະນາຄານ ການເດີນທະເລແລະການຄ້າ. ນີ້ບໍ່ຕ້ອງສົງໄສເລີຍວ່າແມ່ນຢືນຢັນອະນາຄົດຂອງຮົງກົງ, ຈະເຊີດຊູກຳລັງໃຈຂອງຊາວຮົງກົງ.
ບົດນຳໜັງສືພິມມາກາວລາຍວັນຂຽນວ່າ, ແຜນກຳນົດການພັດທະນາໃນ 5 ປີຂ້າງໜ້າໄດ້ສະແດງເຖິງອະນາຄົດອັນດີງາມກວ່າເກົ່າໃຫ້ແກ່ປະຊາຊົນຈີນ, ມີແຕ່ຍຶດໝັ້ນພະຍາຍາມຢ່າງບໍ່ລົດລະແລ້ວ, ເປົ້າໝາຍໃນແຜນກຳນົດຈຶ່ງຈະປະກົດຜົນເປັນຈິງໄດ້.
|
