|
|
 |
| (GMT+08:00)
2006-03-16 09:09:44
|
 |
|
ຈັກຊັກເຄື່ອງທີ່ບໍ່ຕ້ອງໃສ່ຜົງຊັກຟອກ(ສຽງ)
cri
Author: shuo
|
ທຳມະດາແລ້ວວ່າ,ຈັກຊັກເຄື່ອງຕ້ອງໃສ່ຜົງຊັກຟອກຈຶ່ງຊັກເຄື່ອງໃຫ້ສະອາດໄດ້.ແຕ່ປະຈຸບັນນີ້,ມີຈັກຊັກເຄື່ອງຊະນິດໜຶ່ງຂາຍດິບຂາຍດີຢູ່ຕະຫຼາດແຫ່ງຕ່າງໆຂອງຈີນ,ຈັກຊັກເຄື່ອງດັ່ງກ່າວບໍ່ຕ້ອງໃສ່ຜົງຊັກຟອກກໍຊັກເຄື່ອງໃຫ້ສະອາດໄດ້.
ຢູ່ຮ້ານຂາຍເຄື່ອງໄຟຟ້າຮ້ານໜຶ່ງຂອງປັກກິ່ງ,ນັກຂ່າວໄດ້ເຫັນຈັກຊັກເຄື່ອງແບບໃໝ່ດັ່ງ ກ່າວ.ເຄື່ອງຈັກເຄື່ອງນີ້ຍາວ60ເຊັນ ກວ້າງ50ເຊັນ ສູງ90ເຊັນ.ຮູບນອກເປັນສີເງິນ ຝາພັບຢູ່ເທີງເປັນສີນ້ຳທະເລ,ທັນສະໄໝທີ່ສຸດ.ຈັກຊັກເຄື່ອງທີ່ງາມຕາເຄື່ອງນີ້,ຍັງມີສັບພະຄຸນທີ່ບໍ່ທຳມະດາ.
ນັກຂ່າວໄດ້ເຫັນວ່າ,ຜູ້ຈຳໜ່າຍໄດ້ເອົາຜ້າຂົນໜູທີ່ຂາວສະອາດຜຶນໜຶ່ງໄປຈຸບສິ່ງເປິະເປື້ອນຕ່າງໆ ເຊັ່ນນ້ຳໂກລາ ນ້ຳຊີອິວແລະນ້ຳສົ້ມເປັນຕົ້ນ,ແລ້ວເອົາຜ້າຂົນໜູຜືນນີ້ຖິ້ມລົງໃສ່ໃນຈັກຊັກເຄື່ອງທີ່ປ່ອຍນ້ຳໃສ່ເຕັມ.ເມື່ອໄດ້ປັ່ນໄປຫຼາຍນາທີແລ້ວ,ຜ້າຂົນໜູຜືນນີ້ກໍສະອາດຄືເກົ່າປານຫຼິ້ນກົນ.ທັງນີ້ແມ່ນຍ້ອນຫຍັງ?ບໍ່ໃຊ້ຜົງຊັກຟອກກໍລ້າງເຄື່ອງໃຫ້ສະອາດໄດ້ຫວະ?ຍ້ອນວ່າມີຂໍ້ສົງໄສດັ່ງກ່າວ, ນັກຂ່າວໄດ້ນຳເອົາບັນຫາໄປຫາກຸ່ມໄຫເອີຈີນ ເຊິ່ງເປັນວິສາຫະກິດທີ່ຜະລິດຈັກຊັກເຄື່ອງດັ່ງກ່າວ.ທ່ານຫຼູເພີ້ຍຊື່ ຫົວໜ້າພະແນກພັດທະນາຜະລິດຕະພັນຈັກຊັກເຄື່ອງຂອງກຸ່ມດັ່ງກ່າວໄດ້ບອກຄວາມລັບຂອງຈັກຊັກເຄື່ອງດັ່ງກ່າວໃຫ້ນັກຂ່າວຊາບວ່າ:"ຈັກຊັກເຄື່ອງຊະນິດນີ້ຕ່າງກັນຫຼາຍກັບຈັກຊັກເຄື່ອງທຳມະດາໃນດ້ານອົງປະກອບແລະຫຼັກມູນ.ເຄື່ອງອາໄຫຼ່ແກນກາງຂອງຈັກຊັກເຄື່ອງຊະນິດນີ້ແມ່ນຮາງແຍກທາດດ້ວຍໄຟຟ້າ."
ທ່ານຫຼູເພີ້ຍຊື່ອະທິບາຍວ່າ,ເມື່ອມີຮາງແຍກທາດດ້ວຍໄຟຟ້າແລ້ວ,ນ້ຳປະປາກໍຈະຖືກແຍກທາດເປັນນ້ຳທາດດັ່ງອ່ອນໆ,ສ່ວນສິ່ງເປິະເປື້ອນທີ່ຕິດຢູ່ຕາມເສື້ອຜ້າ,ສ່ວນຫຼາຍເປັນທາດກົດອ່ອນໆ,ເມື່ອທາດດັ່ງກັບພົບກັບທາດກົດຈະເກີດປະຕິກິລິຍາເຄມີ,ສິ່ງເປິະເປື້ອນຕາມເສື້ອຜ້າກໍຖືກແຍກອອກ,ເສື້ອຜ້າກໍສະອາດໂລດ."
ກຸ່ມໄຫເອີຜະລິດຈັກຊັກເຄື່ອງທີ່ບໍ່ຕ້ອງໃສ່ຜົງຊັກຟອກຊະນິດນີ້ສຳຄັນແມ່ນອີງໃສ່ທັດສະ ນະຄະຕິທີ່ຮັກສາສຸຂະພາບຂອງຜູ້ໃຊ້ແລະອະນຸລັກສິ່ງແວດລ້ອມ".ໃຜໆກໍຮູ້ວ່າ,ໃນຜົງຊັກຟອກມີວັດຖຸເຄມີຢ່າງຫຼວງຫຼາຍ,ຖ້າວັດຖຸເຫຼົ່ານີ້ຕິດຄ້າງຢູ່ຕາມເຄື່ອງນຸ່ງກໍຈະກະຕຸກຜິວ ໜັງຂອງຄົນ,ແລ້ວພາໃຫ້ຜິວແຫ້ງແລະຄັນເປັນຕົ້ນ.ບໍ່ພຽງແຕ່ທໍ່ນີ້,ນ້ຳໂສໂຄກທີ່ເກີດຈາກການໃຊ້ຜົງຊັກຟອກຈະເຊື່ອມພິດສິ່ງແວດລ້ອມ.
ເພື່ອຄົ້ນຄວ້າຜະລິດຈັກຊັກເຄື່ອງທີ່ບໍ່ຕ້ອງໃຊ້ຜົງຊັກຟອກ,ກຸ່ມໄຫເອີໄດ້ຈັດຕັ້ງຄະນະປະ ດິດສ້າງທີ່ປະກອບດ້ວຍ8ພະແນກ ເຊັ່ນພະແນກບຸກເບີກຕະຫຼາດ,ສູນຄົ້ນຄວ້າພັດທະນາ,ການບໍລິການຫຼັງການຈຳໜ່າຍແລະສິດຊັບສິນທາງປັນຍາເປັນຕົ້ນ.ເມື່ອໄດ້ທຳຄວາມພະ ຍາຍາມສີ່ປີແລ້ວ,ໄດ້ຜະລິດຈັກຊັກເຄື່ອງທີ່ບໍ່ຕ້ອງໃຊ້ຜົງຊັກຟອກດັ່ງກ່າວ.ຈັກຊັກເຄື່ອງຊະນິດນີ້ມີສິດທິບັດເຕັກນິກ32ລາຍ,ເມື່ອສູນຕິດຕາມກວດສອບຄຸນນະພາບເຄື່ອງໄຟຟ້າໃຊ້ໃນເຮືອນແຫ່ງຊາດຈີນກວດສອບແລ້ວເຫັນວ່າ,ໃຕ້ສະພາບທີ່ບໍ່ໃຊ້ຢາຊັກຟອກ,ອັດຕາຊັກເຄື່ອງໃຫ້ສະອາດໄດ້ບັນລຸ0,875,ສູງກວ່າຈັກຊັກເຄື່ອງທຳມະດາ25%.
ຍ້ອນມີສັບພະຄຸນເຕັກນິກອັນດີງາມ,ໃນຕົ້ນປີນີ້,ຈັກຊັກເຄື່ອງຊະນິດນີ້ໄດ້ຮັບລາງວັນ ກ້າວໜ້າດ້ານວິທະຍາສາດເຕັກນິກລະດັບຊາດຂອງຈີນ,ກາຍເປັນຜະລິດຕະພັນຊະນິດໜຶ່ງຊະນິດດຽວທີ່ໄດ້ຮັບລາງວັນດັ່ງກ່າວໃນຂະແໜງເຄື່ອງໄຟຟ້າໃຊ້ໃນເຮືອນຂອງຈີນ.ແຕ່ເລີ່ມນຳອອກຈຳໜ່າຍໃນຕະຫຼາດເມື່ອປີ2005ເປັນຕົ້ນມາ,ຈັກຊັກເຄື່ອງຊະນິດນີ້ໄດ້ກາຍເປັນຜະລິດຕະພັນທີ່ຂາຍດິບຂາຍດີໃນຕະຫຼາດຢ່າງວ່ອງໄວ.
ທ່ານຢາງຊິ່ງລີນພວມເລືອກຊື້ຈັກຊັກເຄື່ອງໃນຮ້ານຂາຍເຄື່ອງໄຟຟ້າຮ້ານນີ້,ເມື່ອໄດ້ຟັງຄຳແນະນຳອັນລະອຽດຂອງຜູ້ຂາຍ,ແລະເຫັນຜົນການໃຊ້ເຄື່ອງຢູ່ກັບບ່ອນແລ້ວ,ທ່ານຕົກ ລົງໂລດວ່າຈະຊື້ຈັກຊັກເຄື່ອງຊະນິດນີ້.
"ຈັກຊັກເຄື່ອງຊະນິດນີ້ດີສົມຄວນ,ດ້ານໜຶ່ງເວົ້າສຳລັບພວກເຮົາແລ້ວ,ປະຢັດເງິນ,ບໍ່ຕ້ອງຊື້ຜົງຊັກຟອກ,ເວົ້າໃນພາກສ່ວນໃຫຍ່ແລ້ວ,ກໍມີຜົນດີຕໍ່ການອະນຸລັກສິ່ງແວດລ້ອມຂອງບ້ານເມືອງ."
ທ່ານຈ່າງຢາງຫາກໍ່ສ້າງຄອບຄົວ,ທ່ານໄດ້ຊື້ຈັກຊັກເຄື່ອງຊະນິດນີ້ເມື່ອໃຊ້ເດືອນປາຍແລ້ວ,ປັດຈຸບັນທ່ານຮູ້ສຶກເພີ່ງພໍໃຈຫຼາຍຕໍ່ຈັກຊັກເຄື່ອງຊະນິດນີ້,ທ່ານເວົ້າວ່າ:"ໃນຫົວທີຂ້ອຍຍັງລັ່ງເລໃຈຢູ່ວ່າ,ຈັກຊັກເຄື່ອງຊະນິດນີ້ມັນຈະດີຄືການໂຄສະນາຫຼືບໍ່?ພາຍຫຼັງມາ,ມີໝູ່ສະເໜີໃຫ້ຊື້,ຂ້ອຍກໍຊື້ເຄື່ອງໜຶ່ງ,ເມື່ອໃຊ້ໄດ້ເດືອນປາຍແລ້ວ,ດຽວນີ້ຮູ້ສຶກວ່າດີພໍສົມຄວນ.ເຖິງວ່າບໍ່ໄດ້ໃຊ້ຜົງຊັກຟອກ,ແຕ່ຍັງຊັກເຄື່ອງໄດ້ສະອາດທີ່ສຸດ.ຍ້ອນວ່າບໍ່ມີວັດຖຸເຄມີທີ່ມີຜົນຮ້າຍ,ສະນັ້ນ,ເຄື່ອງນຸ່ງຊັ້ນໃນກໍຊັກດ້ວຍຈັກຊັກເຄື່ອງຊະນິດນີ້ໄດ້."
ຄຽງຄູ່ກັບການເຜີຍແຜ່ຄວາມຮູ້ວິທະຍາສາດເຕັກນິກໃໝ່,ປະຈຸບັນນີ້,ຄົນທັງຫຼາຍກໍໄດ້ ຄ່ອຍໆເຂົ້າໃຈແລະຮັບເອົາທັດສະນະຄະຕິໃໝ່ທີ່ບໍ່ໃຊ້ຜົງຊັກຟອກກໍຊັກເຄື່ອງໃຫ້ສະອາດໄດ້.ແຕ່ວ່າລາຄາແພງກວ່າຈັກຊັກເຄື່ອງທຳມະດາປະມານເທົ່າໜຶ່ງ,ຈຶ່ງເຮັດໃຫ້ຜູ້ຊື້ຫຼາຍ ຄົນບໍ່ກ້າຊື້.
ແຕ່ວ່າ,ນາງວາງອ້ຽນຝ່າງທີ່ໄດ້ໃຊ້ຈັກຊັກເຄື່ອງຊະນິດນີ້ພັດຄິດໄລ່ແບບຕ່າງຫາກ,ຄື ຈັກ ຊັກເຄື່ອງຊະນິດນີ້ປະຢັດເງິນຊື້ຜົງຊັກຟອກ,ແລະຍ້ອນບໍ່ຕ້ອງໄລ່ຫຼາຍເທື່ອ,ຈຶ່ງປະຢັດຄ່ານ້ຳແລະຄ່າໄຟຟ້ານຳໄດ້ອີກ.
"ເຖິງວ່າລາຄາຂອງມັນຢາກແພງແດ່,ແຕ່ຫຼັງຈາກຊື້ແລ້ວ,ຕົ້ນທຶນໃນການໃຊ້ພັດຕ່ຳລົງ,ໃຊ້ນ້ຳໜ້ອຍກວ່າ,ບໍ່ຕ້ອງຊື້ຢາຊັກຟອກ,ທໍ່ກັບວ່າລົງທຶນເທື່ອດຽວກໍພໍແລ້ວ."
ຫວ່າງກ່ອນນີ້ບໍ່ດົນ,ພໍ່ຄ້າຈຳໜ່າຍຂອງ10ກວ່າປະເທດເຊັ່ນອາເມລິກາ ນູແວນເຊລັງ ຍີ່ ປຸ່ນ ປາກີສະຖານແລະອິນເດຍເປັນຕົ້ນໄດ້ພາກັນເຊັນຂໍ້ຜູກພັນກັບກຸ່ມໄຫເອີ,ເພື່ອຈອງຊື້ຈັກຊັກເຄື່ອງຊະນິດນີ້,ຜູ້ຕາງໜ້າບໍລິສັດຈຳໜ່າຍຂອງສີ່ປະເທດ ຄື ມາເລເຊຍ ໄທ ສິງກະໂປແລະອິນໂດເນເຊຍໄດ້ຊື້ຂາດສິດຈຳໜ່າຍຈັກຊັກເຄື່ອງຊະນິດນີ້ແຕ່ຝ່າຍດຽວ4ໝື່ນເຄື່ອງຢູ່ທ້ອງຖິ່ນດັ່ງກ່າວນຳກຸ່ມໄຫເອີ.ໃນອະນາຄົດທີ່ບໍ່ດົນປານໃດ,ຈັກຊັກເຄື່ອງຊະນິດນີ້ຈະປະກົດຕົວຢູ່ຕະຫຼາດຕ່າງປະເທດ,ຮັບໃຊ້ຜູ້ບໍລິໂພກຫຼາຍກວ່າເກົ່າ.
|
|
|
