|
ທ່ານຈ່າງອີ້ຊ່ານກ່າວເນັ້ນວ່າສະພາສິດທິມະນຸດຄວນຫຼີກເວັ້ນບໍ່ໃຫ້ຊ້ຳຮອຍເກົ່າຂອງຄະນະກຳມາທິການສິດທິມະນຸດທີ່ເປັນປໍລະປັກກັນດ້ານການເມືອງ
cri
Author: min
ຕາມຂ່າວCRI: ຫຼັງຈາກສະມັດຊາໃຫຍ່ອົງການສະຫະປະຊາຊາດຄັ້ງທີ 60 ໄດ້ຜ່ານມະຕິສ້າງຕັ້ງສະພາສິດທິມະນຸດແລ້ວ, ວັນທີ 15 ມີນາ, ທ່ານຈ່າງອີ້ຊ່ານ ຮອງຜູ້ແທນຈີນປະຈຳສະຫະປະຊາຊາດໄດ້ກ່າວຄຳປາໄສຊີ້ອອກວ່າ, ຫວັງໃຫ້ສະພາສິດທິມະນຸດສາມາດເສີມຂະຫຍາຍບົດບາດທີ່ເທົ່າຄວນຂອງຕົນ, ຊຸກຍູ້ສິດທິມະນຸດແລະເສລີພາບພື້ນຖານຂອງໝົດທຸກຄົນຢ່າງບັງເກີດຜົນຕື່ມອີກໃນຂອບເຂດທົ່ວໂລກ, ຫຼີກເວັ້ນບໍ່ໃຫ້ຊ້ຳຮອຍເກົ່າຂອງຄະນະກຳມາທິການສິດທິມະນຸດທີ່ເປັນປໍລະປັກກັນດ້ານການເມືອງຂອງ.
ທ່ານຈ່າງອີ້ຊ່ານເວົ້າວ່າ, ສະມັດຊາໃຫຍ່ອົງການສະຫະປະຊາຊາດຜ່ານຮັບຮອງມະຕິດັ່ງກ່າວແມ່ນວາລະອັນເປັນປະຫວັດການ. ມະຕິບໍ່ພຽງໄດ້ກ່າວລື້ມຫຼັກການສິດທິມະນຸດອັນສຳຄັນເທົ່ານັ້ນ, ຍັງໄດ້ກ່າວເຖິງການແກ້ໄຂບັນຫາສິດທິມະນຸດດ້ວຍວິທີທ່ຽງທຳແລະບໍ່ແມ່ນຄັດເລືອກເອົາຕັ້ງຫຼາຍເທື່ອ, ຫຼີກເວັ້ນບໍ່ໃຫ້ເປັນສອງມາດຖານແລະການກາຍເປັນການເມືອງ, ຊຸກຍູ້ການສົນທະນາແລະການຮ່ວມມືທີ່ມີລັກສະນະສ້າງສັນໃນຂົງເຂດສິດທິມະນຸດ. ຝ່າຍຈີນເຫັນວ່າ, ຫຼັກການເຫຼົ່ານີ້ຄວນກາຍເປັນເຂັມທິດຊີ້ນຳວຽງງານສະພາສິດທິມະນຸດໃນອະນາຄົດ, ເພື່ອຫຼີກເວັ້ນບໍ່ໃຫ້ຊ້ຳຮອຍເກົ່າຂອງຄະນະກຳມາທິການສິດທິມະນຸດ ທີ່ເປັນປໍລະປັກກັນດ້ານການເມືອງ.
|
|
