ຕາມ​ຂ່າ​ວcri:ລັດຖະບານ​ຈີນ​ເອົາ​ໃຈ​ໃສ່​ນຳການ​ເຈລະຈາ​ກ່ຽວ​ກັບ​ລາຄາ​​ໃນ​ສັນຍາ​ຫີນ​​ແຮ່​ເຫຼັກ​ໄລຍະຍາ​ວຂອງ​ປີ2006,​ແລະ​ກ່າວ​ເນັ້ນ​ວ່າການ​ກຳນົດ​ລາຄາ​ຫີນແຮ່​ເຫຼັກ​ຕ້ອງ​ມີ​ຜົນ​ດີ​ຕໍ່​ການສ້າງ​ຕັ້ງ​ລະບຽບ​ເສດຖະກິດ​ສາກົນ​ທີ່ທ່ຽງ​ທຳ,​ເຮັດ​ໃຫ້ການ​ຮ່ວມ​ມື​ລະຫວ່າງ​ປະ​ເທດ​ຜະລິດ​ຊັບພະຍາ​ກອນ​ກັບ​ປະ​ເທດບໍລິ​ໂພ​ກບັນ​ລຸ​ຜົນ​ພ້ອມ​ກັນ.

ຫວ່າງ​ມໍ່ໆ​ນີ້,​ເຈົ້າ​ໜ້າ​ທີ່​ລັດຖະບານ​ຈີນ​ກ່າວ​ວ່າ,ບໍລິສັດ​ຂ້າມ​ຊາດ​ບາງບໍລິສັດ​ສວຍໃຊ້​ຖານະ​ຜູກຂາດ​ໃນ​ການ​ຄ້າ​ຫີນ​ແຮ່​ເຫຼັກ​ລະຫວ່າງ​ຊາດ,​ໄດ້​ຮັບ​ກຳ​ໄລ​ຜູກຂາດ​ທີ່ບໍ່​ສົມ​ເຫດ​ສົມ​ຜົນ​ເປັນ​ຈຳນວນ​ຫຼວງ​ຫຼາຍ,ບໍ່ພ​ຽງ​ແຕ່​​ໄດ້​ທຳລາຍ​ຜົນ​ປະ​ໂຫຍ​ດຂອງ​ວິ​ສາ​ຫະກິດນຳ​ເຂົາ​ຫີນແຮ່​ເຫຼັກທີ່​ລວມທັງ​ວິ​ສາ​ຫະກິດ​ຈີນ​ເທົ່າ​ນັ້ນ,ຍັງ​ໄດ້ລະ​ເມີດ​ຫຼັກການ​ການ​ຄ້າທີ່​ທ່ຽງ​ທຳ,ນີ້​ຈະ​ບໍ່​ມີ​ຜົນ​ດີ​ຕໍ່​ຝ່າຍ​ສະໜອງ​ກັບ​ຄວາມຕ້ອງການ​ຫີນ​ແຮ່​​ເຫຼັກ​ສ້າງ​ການ​ພົວພັນ​ຮ່ວມ​ມື​ການ​ຄ້າ​ໃນ​ໄລຍະຍາວ​ແລະ​ໝັ້ນ​ທ່ຽງ,ບໍ່​ມີ​ຜົນ​ດີ​ຕໍ່​ການຮັກສາ​ລະບຽບ​ເສດຖະກິດ​ສາກົນທີ່​ທ່ຽງ​ທຳ​ແລະ​ສົມ​ເຫດ​ສົມ​ຜົນ.

ປີ​ກາຍ​ນີ້,ຈີນ​ນຳ​ເຂົາ​ຫີນ​ແຮ່​ເຫຼັກ275ລ້ານ​ໂຕນ,ກວມ43%ຂອງປະລິມານການ​ຄ້າ​ທີ່ຂົນ​ສົ່ງ​ທາງ​ທະ​ເລ​ສາກົນ,ສະ​ນັ້ນ,ວິ​ສາ​ຫະກິດບໍ່​ແຮ່​ຂອງ​ປະ​ເທດ​ກ່ຽວຂ້ອງໄດ້​ຮັບ​ກຳ​ໄລກ້ອນ​ໄຫ​ຍ່,ພ້ອມ​ກັນ​ນັ້ນ​ຍັງ​ຊຸກ​ຍູ້ເສດຖະກິດ​ຂອງ​ປະ​ເທດ​ແລະ​ເຂດ​ແຄວ້ນ​ທີ່​ສົ່ງ​ອອກ​ຫີນ​​ແຮ່​ເຫຼັກ​ໄດ້​ພັດທະນາຢ່າງ​ວ່ອງ​ໄວ​.