|
ຕາມຂ່າວcri:ວັນທີ16 ມີນາ,ຢູ່ປັກກິ່ງ,ທ່ານວາງຈົ່ງຢູ ປະທານສະພາມົນຕີເສດຖະກິດສັງຄົມຈີນ,ປະທານຄະນະກຳມະການສາກົນສະພາມົນຕີເສດຖະກິດສັງຄົມແລະອົງການຈັດຕັ້ງຄ້າຍຄືກັນກ່າວວ່າ,ທຸກປະເທດຄວນເພີ່ມທະວີການຮ່ວມມືຕື່ມອີກ,ພະຍາຍາມສຸດຂີດຫຼຸດຄວາມຜິດໂຕນກັນຂອງການພັດທະນາໃຫ້ໜ້ອຍລົງ,ຮັບປະກັນການບັນລຸຈຸດໝາຍສະຫັດສະວັດດ້ານການພັດທະນາຂອງສະຫະປະຊາຊາດ.
ທ່ານວາງຈົ່ງຢູໃຫ້ທັດສະນະດັ່ງກ່າວໃນ"ກອງປະຊຸມໂຕະມົນການສຶກສາແລະອົບຮົມກ່ຽວກັບຈຸດໝາຍສະຫັດສະວັດດ້ານການພັດທະນາຂອງສະຫະປະຊາຊາດ"ທີ່ຈັດຂຶ້ນໃນມື້ດຽວກັນ.ທ່ານສະເໜີໃຫ້ບັນດາປະເທດເອົາຈຸດໝາຍສະຫັດສະວັດດ້ານການພັດທະນາຂອງສະຫະປະຊາຊາດປະສົມປະສານກັບຍຸດທະສາດພັດທະນາຂອງປະເທດຕົນ,ວາງຕາລາງເວລາແລະແຜນການທີ່ປະຕິບັດໄດ້,ເສີມຂະຫຍາຍບົດບາດຊີ້ນຳແລະປະສານງານຂອງສະພາມົນຕີເສດຖະກິດສັງຄົມສະຫະປະຊາຊາດໃນຂົງເຂດພັດທະນາ,ສ້າງສະພາບແວດລ້ອມສາກົນອັນດີງາມໃຫ້ບັນດາປະເທດໂດຍສະເພາະແມ່ນປະເທດທີ່ພວມພັດທະນາ.
|
