ຕາມ​ຂ່າວສານ​ຊິນ​ຮວາ​: ວັນ​ທີ 16 ມີນາ ຢູ່​ເມືອງຈາ​ຢາ​ປູຣາ ​ເທດສະບານ​ແຂວງ​ປາ​ປູ​ອາ ພາກ​ຕາ​ເວັນ​ອອກ​ຂອງ​ອິນ​ໂດ​ເນ​ເຊຍ ​ໄດ້​ເກີດ​ການ​ປະ​ທະ​ກັນ​ນອງ​ເລືອດ​ລະ​ຫວ່າງ​ຕຳ​ຫຼວດກັບ​ມວນ​ຊົນ​ທີ່ສະ​ແດງ​ກຳລັງ, ຕຳຫຼວດ 3 ຄົນ​ຖືກ​ຕີ​ຕາ​ຍ, 19 ຄົນ​ບາດ​ເຈັບ.

ທ່ານ​ຄາ​ໂທ​ໂນ ​ໂຄສົກ​ຕຳຫຼວດປາ​ປູ​ອາ​ໄດ້​ໃຫ້​ສຳພາດ​ຕໍ່​ສື່​ມວນ​ຊົນ​ທາງ​ໂທ​ລະ​ສັບ​ວ່າ, ການ​ປະ​ທະ​ກັນ​ທີ່​ເກີດ​ຂຶ້ນ​ໃນ​ມື້​ດຽວ​ກັນ ​ແມ່ນ​ຍ້ອນ​ຝ່າຍ​ຕຳ​ຫຼວດ​ໃຊ້​ໝາກ​ແຕກ​ຄວັນ​ແສບ​ຕາ​​ໂດຍ​ມີເຈດ​ຕະນາຢາກ​ຂັບ​ໄລ່ຜູ່​ສະ​ແດງ​ກຳລັງ.

ທ່ານ​ກ່າວ​ວ່າ, ​ໃນ 3 ມື້​ຕິດໆ​ກັນ​ມາ​ນີ້, ຢູ່​ເມືອງ​ດັ່ງກ່າວ​ມີ​ນັກ​ສຶກສາ​ແລະ​ມວນ​ຊົນ​ຫຼາຍ​ຮ້ອຍ​ຄົນ​ສະ​ແດງ​ກຳລັງ​ຢູ່​ບ່ອນມໍ່ມະຫາວິທະຍາ​ໄລ​ແຫ່ງ​ໜຶ່ງ, ທວງ​ໃຫ້​ລັດ​ຖະ​ບານ​ປິດ​ບໍລິສັດ​ທ່າ​ເຮືອ​ເສລີ​​ເຊິ່ງ​ແມ່ນບໍລິສັດອາ​ເມ​ລິ​ກາທີ່ທຸລະ​ກິດຂຸດ​ຄົ້ນ​ແຮ່​ຄຳ​ແລະ​ທອງ​ແດງ​​, ຍ້ອນການ​ທຸລະ​ກິດ​ຂຸດ​ຄົ້ນຂອງ​ບໍລິສັດ​ດັ່ງກ່າວ​ໄດ້​ເຊື່ອມ​ພິດ​ສິ່ງ​ແວດ​ລ້ອມ ​ແລະ​ບໍ່​ໄດ້​ນຳ​ເອົາ​ຜົນ​ປະ​ໂຫຍ​ດ ມາ​ໃຫ້​ແກ່ຊີວິດ​ການ​ເປັນ​ຢູ່​ຂອງ​ຄົນ​ທັງຫຼາຍ.