|
|
 |
| (GMT+08:00)
2006-03-17 18:28:30
|
 |
|
ແພດແຜນບູຮານແລະຢາພື້ນເມືອງຈີນໄດ້ເຜີຍແຜ່ໄປຮອດ 130 ປະເທດແລະເຂດແຄວ້ນແລ້ວ
cri
Author: cai
ຕາມໜັງສືພິມ"ເຢີນມິນຢື້ປ້າວ"ສະບັບພົ້ນທະເລໃນວັນທີ 17 ມີນາ:ປະຈຸບັນ,ແພດແຜນບູຮານແລະຢາພື້ນເມືອງຈີນໄດ້ເຜີຍແຜ່ໄປຮອດ 130 ປະເທດແລະເຂດແຄວ້ນແລ້ວ,ຜູ້ເຮັດວຽກດ້ານນີ້ຢູ່ຕ່າງປະເທດມີຫຼາຍແສນຄົນ.
ນັກຂ່າວໄດ້ຊາບຈາກສະຫະພັນສະມາຄົມຄົ້ນຄວ້າແພດແຜນບູຮານແລະຢາພື້ນເມືອງຈີນຂອງໂລກທີ່ໄດ້ຕັ້ງສຳນັກງານໃຫຍ່ຢູ່ປັກກິ່ງນັ້ນວ່າ,ປະຈຸບັນ,ພຽງແຕ່ຢູ່ອັງກິດ ຝະຣັ່ງແລະໂຮນລັງສາມປະເທດກໍ່ໄດ້ມີສຸກສາລາແພດແຜນບູຮານຈີນ 7000 ກວ່າຫຼັງ,ໃນແຕ່ລະປີ,ມີຫຼາຍລ້ານຄົນໃຊ້ວິທີປິ່ນປົວຕາມແພດແຜນບູຮານຈີນແບບດັ້ງເດີມເຊັ່ນກິນຢາພື້ນເມືອງຈີນ ນວດແລະຝັງເຂັມເປັນຕົ້ນ.ການເຄື່ອນໄຫວສຶກສາແລະວິຊາການກ່ຽວກັບແພດແຜນບູຮານຈີນກໍ່ໄດ້ຂະຫຍາຍຕົວຢ່າງວ່ອງໄວ,ໃນທົ່ວໂລກ,ຢ່າງໜ້ອຍມີ 40 ປະເທດໄດ້ສ້າງໂຮງຮຽນຝັງເຂັມແບບແພດແຜນບູຮານຈີນ.
ນອກນີ້,ຂ່າວແຈ້ງວ່າ,ຫວ່າງກ່ອນນີ້,ສະຫະພັນສະມາຄົມແພດແຜນບູຮານແລະຢາພື້ນເມືອງຈີນຂອງໂລກໄດ້ສ້າງສູນບໍລິການແລກປ່ຽນຜູ້ມີຄວາມຮູ້ຄວາມສາມາດ,ສູນດັ່ງກ່າວຈະໃຫ້ການສະໜັບສະໜູນດ້ານຜູ້ມີຄວາມຮູ້ຄວາມສາມາດແລະເຕັກນິກແກ່ອົງການແພດແຜນບູຮານແລະຢາພື້ນເມືອງຈີນຢູ່ພົ້ນທະເລ.
|
|
|
