ຕາມ​ຂ່າວສານ​ຊິນ​ຮວາ: ວັນ​ທີ 16 ມີນາ, ນັກວິທະຍາສາດ​ອາ​ເມ​ລິ​ກາ​ກ່າວ​ວ່າ, ​ເມື່ອ​ພວກ​​ເຂົາ​ເຈົ້າ​ໄດ້​ວິ​ໄຈ​​​ໂປຼຕິນທາດໜ່ຽວ​ເລືອດ​ຂອງຕົວຢ່າງ​ເຊື້ອ​ພະຍາ​ດ​ໄຂ້​ຫວັດ​ສັດ​ປີກ​ແບບ H5N1 ​ແລ້ວ​​ເຫັນ​ວ່າ, ປັດຈຸບັນ ​ເຊື້ອ​ພະຍາດ​ໄຂ້ຫວັດ​ສັດ​ປີກ​ປະ​ເພດ​ນີ້​ຍັງ​ບໍ່​​ທັນ​ໄດ້​ແປ​ຮູບ​ທີ່​ສາ​ມາດ​ແຜ່​ລະບາດ​ຢູ່​ລະຫວ່າງ​ຄົນ.

ພະນັກງານ​ຄົ້ນຄວ້າ​ຂອງ​ສະ​ຖາ​ບັນ​ຄົ້ນຄວ້າ​ສະຄຼີບສ໌ອາ​ເມ​ລິ​ກາ​ໄດ້​ປະກາດ​ຜົນ​ວິ​ໄຈ​ໂປຼ​ຕິນ​ທາດໜ່ຽວ​ເລືອດ​ຂອງ​ເຊື້ອ​ພະຍາ​ດ​ໄຂ້ຫວັດ​ສັດ​ປີກ​ແບບ H5N1 ​​ໃນ​​ເວັບ​ໄຊ​ວາ​ລະ ສານ "ວິ​ທະຍາສາດ" ສະບັບ​ວັນ​ທີ 16 ມີນາ.

ພະນັກງານ​ຄົ້ນຄວ້າ​ໄດ້​ວິ​ໄຈ​ເຊື້ອ​ພະຍາດ H5N1 ​ໃນ​ຮ່າງກາຍ​ເດັກ​ຫວຽດນາມ​ທີ່​ຕາຍ​ຍ້ອນ​ໄຂ້​ຫວັດ​ສັດ​ປີກ​ເມື່ອ​ປີ 2004, ​ແລະ​ປະກົດ​ເຫັນ​ວ່າ​ມັນ​ແຕກ​ຕ່າງ​ກັນຫຼາຍ​ກັບ​ເຊື້ອ​ພະຍາດ H5N1 ທີ່​ເອົາ​ຈາກ​ສັດ​ປີກ​ຕາຍ​ເມື່ອ 1997, ອັນ​ໄດ້ສະ​ແດງ​ໃຫ້​ເຫັນ​ວ່າ ​ເຊື້ອ​ພະຍາດ​ໄດ້​ມີ​ການປ່ຽນ​ແປງ​ແລ້ວ. ​ແຕ່​ອົງ​ປະ​ກອບ​ທາດ​ໜ່ຽວ​ເລືອດ​ຂອງ​ສອງຕົວຢ່າງ​ເຊື້ອ​ພະຍາດ H5N1 ສະ​ແດງ​ໃຫ້​ເຫັນ​ວ່າ, ມັນ​ຍັງ​ບໍ່​ສາມາດ​ແຜ່​ລະບາດ​ຢູ່​ລະຫວ່າງ​ຄົນ​ໄດ້.