|
ຕາມຂ່າວCRI: ວັນທີ 17 ມີນາ ຢູ່ທີ່ປັກກິ່ງ, ທ່ານໂກຈ້ຽນນິງ ຫົວໜ້າສູນປະຍຸກດາວທຽມວັດແທກຊັບພະຍາກອນຈີນເຜີຍໃຫ້ຮູ້ວ່າ, ປີນີ້ ຈີນໄດ້ຕົກລົງໃນເບື້ອງຕົ້ນຈະທົດລອງການຮັບສັນຍານແລະແຈກຢາຍຂໍ້ມູນຊັບພະຍາກອນໜ່ວຍໂລກທີ່ວັດແທກດ້ວຍດາວທຽມທີ່ຈີນປາກິສຖານຮ່ວມກັນຄົ້ນຄວ້າຜະລິດນັ້ນຢູ່ອົສຕຼາລີເປັນຕົ້ນ.
ດາວທຽມວັດແທກຊັບພະຍາກອນໜ່ວຍໂລກຫຼາຍໜ່ວຍແມ່ນຈີນກັບປາກິສຖານຮ່ວມກັນລົງທຶນແລະຄົ້ນຄວ້າຜະລິດ. ທ່ານໂກຈ້ຽນນິງແນະນຳວ່າ, ຈີນປາກິສຖານໄດ້ຍິງສົ່ງດາວທຽມວັດແທກຊັບພະຍາກອນໜ່ວຍໂລກຫຼາຍໜ່ວຍແລ້ວ, ຄຸນນະພາບຂໍ້ມູນທີ່ດາວທຽມເຫຼົ່ານີ້ວັດແທກໄດ້ນັ້ນດີຂຶ້ນຫຼາຍ, ລະດັບບໍລິການການແຈກຢາຍຂໍ້ມູນກໍ່ຍົກສູງຂຶ້ນຢ່າງຫຼວງຫຼາຍ. ປັດຈຸບັນ, ຈີນໄດ້ສະໜອງຂໍ້ມູນຊັບພະຍາກອນຈາກດາວທຽມໃຫ້ແກ່ມາເລເຊຍ ຫວຽດນາມແລະອີຣານເປັນຕົ້ນ; ໄດ້ສະໜອງພາບຂອງເຂດກ່ຽວຂ້ອງໃຫ້ມົງໂກລີຢ່າງຕໍ່ເນື່ອງ; ປີນີ້ ຝ່າຍຈີນຍັງຈະຕັ້ງໜ້າຊຸກຍູ້ການຮັບສັນຍານຂໍ້ມູນຊັບພະຍາກອນຈາກດາວທຽມຢູ່ອົສຕຼາລີ ການາດາແລະນອກແວອີກ.
|
