|
ຕາມຂ່າວcri:ວັນທີ17 ມີນາ,ຢູ່ກັດມັງດູ,ສົມເດັດຈາເນັນດຼາ ເຈົ້າຊີວິດເນປານຊົງໄດ້ຕ້ອນຮັບການເຂົ້າພົບຂອງທ່ານຖາງເຈ່ຍຊວນ ທີ່ເປິກສາແຫ່ງລັດຈີນ.ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການເຮັດໃຫ້ໄມຕີຈິດອັນເປັນມູນເຊື້ອແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບເນປານລົງສູ່ລວງເລິກຕື່ມອີກ.ມື້ດຽວກັນ,ທ່ານຖາງເຈ່ຍຊວນຍັງໄດ້ກ່າວປາຖະກະຖາຢູ່ກັດມັງດູ,ເພື່ອບັນລະຍາຍນະໂຍບາຍຂອງລັດຖະບານຈີນຕໍ່ເນປານຢ່າງຮອບດ້ານ.
ໃນເວລາຕ້ອນຮັບການເຂົ້າພົບຂອງທ່ານຖາງເຈ່ຍຊວນ,ສົມເດັດຈາເນັນດຼາຊົງໄດ້ຕີລາຄາຢ່າງຕັ້ງໜ້າຕໍ່ຈີນທີ່ໄດ້ປະຕິບັດນະໂຍບາຍໄມຕີຈິດຕໍ່ເນປານ,ຂອບພະໄທຕໍ່ຝ່າຍຈີນທີ່ສະໜັບສະໜູນໂດຍຕະຫຼອດຕໍ່ເນປານທີ່ພະຍາຍາມຮັກສາອະທິປະໄຕ,ຄວາມເປັນເອກະລາດແລະຜືນແຜ່ນດິນອັນຄົບຖ້ວນແຫ່ງຊາດ.ສົມເດັດຍັງຕັດວ່າ,ເນປານຍຶດໝັ້ນນະໂຍບາຍຈີດດຽວ.
ທ່ານຖາງເຈ່ຍຊວນຊີ້ອອກວ່າ,ລັດຖະບານຈີນເດັດດ່ຽວປະຕິບັດຕາມນະໂຍບາຍທີ່ມີໄມຕີຈິດຕໍ່ເນປານ,ຍິນດີພ້ອມກັນກັບຝ່າຍເນປານອອກແຮງເຮັດໃຫ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆລະຫວ່າງສອງປະເທດລົງສູ່ລວງເລິກ,ແລະສະແຫວງຫາການພັດທະນານຳກັນ.
|
