|
ເຈົ້າໜ້າທີ່ອົງການອະນາໄມໂລກສະເໜີໃຫ້ລັດຖະບານຈີນເສີມຂະຫຍາຍບົດບາດສຳຄັນກວ່າເກົ່າໃນຂົງເຂດສາທາລະນະສຸກ
cri
ຕາມຂ່າວCRI,ວັນທີ18ມີນາ,ທ່ານເບເຄດາມ ຜູ້ຕາງໜ້າອົງການອະນາໄມໂລກປະຈຳຈີນສະເໜີໃຫ້ລັດຖະບານຈີນເສີມຂະຫຍາຍບົດບາດສຳຄັນໃນຂົງເຂດສາທາລະນະສຸກ.
ໃນເວລາເຂົ້າຮ່ວມກອງປະຊຸມຂອງເວທີປາໄສຂັ້ນສູງແຫ່ງການພັດທະນາຂອງຈີນປີ2006ຢູ່ປັກກິ່ງ,ທ່ານເບເຄດາມເວົ້າວ່າ,ໃນຫຼາຍປີມານີ້,ຈີນໄດ້ຮັບໝາກຜົນອັນພົ້ນເດັ່ນໃນຂົງເຂດສາທາລະນະສຸກໂດຍສະເພາະໃນດ້ານປ້ອງກັນປິ່ນປົວວັນນະໂຣກແລະໂຣກເອດສ໌ເປັນຕົ້ນ,ແຕ່ກໍ່ມີບັນຫາທີ່ຄ່າປິ່ນປົວສູງເປັນຕົ້ນ.ທ່ານສະເໜີໃຫ້ລັດຖະບານຈີນເພີ່ມການລົງທຶນດ້ານການເງິນເຂົ້າໃນຂົງເຂດສາທາລະນະສຸກ,ພ້ອມທັງສຸມກຳລັງເຂົ້າໃນການຄວບຄຸມຕົ້ນທຶນປິ່ນປົວພະຍາດ,ສ້າງແລະບູລະນະລະບອບປະກັນໄພປິ່ນປົວຢູ່ຕົວເມືອງແລະຊົນນະບົດ,ເພື່ອຮັບປະກັນການພັດທະນາພາລະກິດສາທາລະນະສຸກຂອງຈີນ.
|
|
