|
|
 |
| (GMT+08:00)
2006-03-19 18:51:28
|
 |
|
ວິສາຫະກິດຂະໜາດກາງຂະໜາດນ້ອຍ1500ຫຼັງຂອງຢຸນນານເຂົ້າຮ່ວມການຮ່ວມມືເສດຖະກິດຂອງອະນຸພາກພື້ນແມ່ນ້ຳຂອງ
cri
Author: shuo
ຕາມຂ່າວສານຊິນຮວາ:ຢູ່ແຂວງຢຸນນານຂອງຈີນທີ່ແປະກັບອາຊີອາຄະເນ,ມີວິສາຫະກິດຂະໜາດກາງແລະຂະໜາດນ້ອຍນັບມື້ນັບຫຼາຍເລີ່ມເຂົ້າຮ່ວມການຮ່ວມມືດ້ານເສດຖະກິດຂອງອະນຸພາກພື້ນແມ່ນ້ຳຂອງ.ນັກຂ່າວໄດ້ຊາບຈາກພະແນກການຄ້າຂອງແຂວງຢຸນນານວ່າ,ຕາມສະຖິຕິບໍ່ຄົບຖ້ວນ,ຢູ່ແຂວງຢຸນນານມີວິສາຫະກິດຂະໜາດກາງແລະຂະໜາດນ້ອຍ1500ແຫ່ງໄດ້ເຂົ້າຮ່ວມການຮ່ວມມືດ້ານເສດຖະກິດຂອງອະນຸພາກພື້ນແມ່ນ້ຳຂອງ.
ຕາມຮອງປະທານສະມາຄົມການຄ້າແຂວງຢຸນນານແນະນຳວ່າ,ປະຈຸບັບນີ້,ໄດ້ມີວິສາຫະກິດຂະໜາດກາງແລະຂະໜາດນ້ອຍຫຼາຍຫຼັງຂອງແຂວງຢຸນນານດຳເນີນການຮ່ວມມືພັດທະນາກະສິກຳທີ່ມີຂະໜາດຢູ່ລາວ ມຽນມາແລະກຳປູເຈຍ,ຍັງມີວິສາຫະກິດສ່ວນໜຶ່ງໄດ້ຕັ້ງສຳນັກງານຢູ່ໄທແລະຫວຽດນາມເພື່ອດຳເນີນການເຄື່ອນໄຫວເສດຖະກິດການຄ້າ, ອາດເວົ້າໄດ້ວ່າ,ວິສາຫະກິດຂະໜາດກາງແລະຂະໜາດນ້ອຍສ່ວນໜຶ່ງຂອງຢຸນນານໄດ້ ຊືມເຂົ້າການຮ່ວມມືດ້ານເສດຖະກິດການຄ້າກັບປະເທດອະນຸພາກພື້ນຢ່າງບັງເກີດຜົນ,ແລະໄດ້ເສີມຂະຫຍາຍບົດບາດເພື່ອຊຸກຍູ້ການພັດທະນາເສດຖະກິດຂອງປະເທດອະນຸພາກພື້ນ.
ທ່ານຢິ່ນຢົງລີນ ເຈົ້າໜ້າທີ່ຂອງຫ້ອງການການພົວພັນເສດຖະກິດການຄ້າກັບຕ່າງປະເທດຂອງພະແນກການຄ້າແຂວງຢຸນນານວິເຄາະວ່າ,ປະຈຸບັນນີ້,ໃນເວລາເຂົ້າຮ່ວມການຮ່ວມມືດ້ານເສດຖະກິດຂອງອະນຸພາກພື້ນແມ່ນ້ຳຂອງ,ວິສາຫະກິດຂະໜາດກາງແລະຂະໜາດນ້ອຍຂອງແຂວງຢຸນນານຕົ້ນຕໍຢູ່ໃນຂົງເຂດການຄ້າ,ທ່ານເຫັນວ່າ,ຄຽງຄູ່ກັບການຄ້າການລົງທຶນຂອງອະນຸພາກພື້ນແມ່ນ້ຳຂອງສະດວກກວ່າເກົ່າຕື່ມອີກ,ວິສາຫະກິດຂະໜາດກາງແລະຂະໜາດນ້ອຍຂອງແຂວງຢຸນນານຈະສ້າງຜົນງານຫຼາຍໃນການພັດທະນາຂະ ແໜງການຈໍລະຈອນສິນຄ້າ.
|
|
|
