|
|
 |
| (GMT+08:00)
2006-03-19 20:08:38
|
 |
|
ທະຫານອາເມລິກາຍິງສາມັນຊົນ7ຄົນຕາຍຢູ່ເມືອງນ້ອຍຂອງອີຣັກ
cri
ຕາມຂ່າວສານຊີນຮວາ,ຕອນຂ້ອນແຈ້ງວັນທີ19ມີນາ,ທະຫານອາເມລິກາປະຈຳອີຣັກໄດ້ຫຼອນໂຈມຕີເມືອງດູລຸຍຢາແຂວງຊາລາຮາດີນທາງພາກກາງແລະພາກເໜືອຂອງອີຣັກຢ່າງກະທັນຫັນ,ໄດ້ຍິງສາມັນຊົນ7ຄົນຕາຍໃນເວລາຊອກຈັບຜູ້ປະກອບອາວຸດຕ້ານອາເມລິກາ.
ທ່ານມູຮາມເມັດ ຈູໂບຣີ ຫົວໜ້າພະແນກຕຳຫຼວດດູລຸຍຢາເຜີຍໃຫ້ຮູ້ວ່າ,ກອງທະຫານອາເມລິກາແລະອີຣັກໄດ້ກໍ່ການເຄື່ອນໄຫວກວາດລ້າງພວກປະກອບອາວຸດໃຕ້ການປະສານສົມທົບຂອງລົດຫຸ້ມເກາະແລະຍົນເຮລິກົບຢູ່ດູລຸຍຢາໃນຕອນຂ້ອນແຈ້ງປະມານ4ໂມງ,ມີພົນລະເມືອງທ້ອງຖິ່ນ7ຄົນຖືກຍິງຕາຍ,ໃນນັ້ນມີ3ຄົນຢູ່ຄອບຄົວດຽວ.ນອກນັ້ນ,ທະຫານອາເມລິກາຍັງໄດ້ຍິງ3ຄົນບາດເຈັບແລະຈັບຕົວ8ຄົນ.
ຕາມໄດ້ຊາບ,ການຫຼອນໂຈມຕີດ້ວຍກຳລັງອາວຸດໄດ້ສືບເນື່ອງຫຼາຍຊົ່ວໂມງ,ພົນລະເມືອງທ້ອງຖິ່ນອອກນອກບໍ່ໄດ້,ຈຳເປັນຕ້ອງຮັບເອົາການຊອກຈັບຂອງທະຫານອາເມລິກາຢູ່ໃນເຮືອນ.ປັດຈຸບັນ,ເມືອງດູລຸຍຢາຍັງໄດ້ຖືກກອງທະຫານອາເມລິກາປິດລ້ອມຢູ່.
|
|
|
