|
ເຂດກວາງຊີຈີນຕັ້ງຢູ່ພາກຕາເວັນຕົກສຽງໃຕ້ຂອງຈີນ,ເມື່ອໄດ້ຜ່ານການກ້າວກະໂດດຄັ້ງປະຫວັດສາດທີ່ຈາກການກິນອີ່ນນຸ່ງອຸ່ນໄປສູ່ການພໍຢູ່ພໍກິນຍັງມີສ່ວນເຫລືອໃນໄລຍະປະຕິບັດແຜນພັດທະນາຫ້າປີຄັ້ງທີ 10, ເຂດກວາງຊີໄດ້ເຂົ້າສູ່ໄລຍະພັດທະນາດີທີ່ສຸດໃນປະຫວັດສາດ. ໃນແຜນພັດທະ ນາຫ້າປີຄັ້ງທີ 11 ຂອງເຂດກວາງຊີໄດ້ກຳນົດຢ່າງຈະແຈ້ງວ່າ, ເປົ້າຫມາຍພັດທະນາອຸດສາຫະກຳຂອງກວາງຊີເຊິ່ງລວມ ທັງມູນຄ່າເພີ່ມຂອງອຸດສາ ຫະກຳສະເລ່ຍຈະເພີ່ມຂຶ້ນ 13% ຕໍ່ປີ;ເມື່ອຮອດປີ 2020, ເຮັດໃຫ້ອັດຕາສ່ວນຂອງມູນຄ່າເພີ່ມອຸດສາຫະກຳກວມ 45% ;ມີວິສາຫະກິດທີ່ມີທ່າແຮງແລະເຂດອຸດສາຫະກຳຂະຫນາດໃຫຍ່ງວດຫນຶ່ງ, ພະຍາຍາມສ້າງເຂດ ກວາງຊີເປັນສູນອຸດສາຫະກຳປຸງແຕ່ງຂອງເຂດການຄ້າເສລີຈີນອາຊຽນໃນປີ 2020.
ເຂດກວາງຊີແມ່ນເຂດດ້ອຍພັດທະນາຢູ່ພາກຕາເວັນຕົກຂອງຈີນ,ແຕ່ເຂດນີ້ມີມີທາງອອກສູ່ທະເລແລະການຄ້າກັບຕ່າງປະເທດເຊິ່ງເປັນທ່າແຮງຂອງຕົນ.ປັດຈຸບັນ, ກວາງຊີໄດ້ຖືການພັດທະນາເຂດແຄມທະເລເປັນຈຸດຫນັກຂອງວຽກງານ, ເປີດປະຕູພັດທະນາເຂດເສດຖະກິດກວາງຊີຢູ່ອ່າວພາກເຫນືອຢ່າງຮອບດ້ານ.ເຂດເສດຖະກິດກວາງຊີອ່າວພາກເຫນືອແມ່ນຫມາຍເຖິງເຂດເສດຖະກິດທີ່ປະກອບດ້ວຍເມືອງໄປຫາຍ ເມືອງຊິນໂຈວ ເມືອງທ່າຟາງເຊິງທີ່ຢູ່ເຂດແຄມທະເລກວາງຊີແລະເຂດບໍລິຫານທີ່ຂຶ້ນກັບນະຄອນນານນິງ.ເຊິ່ງຕັ້ງຢູ່ເຂດໃຈກາງຂອງວົງເສດຖະກິດອ້ອມອ່າວພາກເຫນືອ,ຕໍ່ພາຍໃນແມ່ນຊ່ອງທາງອອກສູ່ທະເລທີ່ສະດວກທີ່ສຸດຢູ່ພາກຕາເວັນຕົກສຽງໃຕ້ຂອງຈີນ,ທັງເປັນຂົວສະພານແລະທີ່ຫມັ້ນສຳຄັນທີ່ຈີນຮ່ວມມືກັບອາຊຽນ.
ທ່ານລູ້ປິ່ງ ປະທານອົງການປົກຄອງເຂດກວາງຊີເຜົ່າຈວ້າງປົກຄອງຕົນເອງເວົ້າວ່າ, ການເລັ່ງລັດການເປີດປະຕູແລະການພັດທະນາຂອງພາກພື້ນນີ້,ຈະຊຸກຍູ້ການເປີດປະຕູແລະການພັດທະນາຂອງທົ່ວເຂດກວາງຊີຢ່າງຫລວງຫລາຍ, ຈະຊຸກຍູ້ການເປີດປະຕູແລະການພັດທະນາຂອງເຂດພາກຕາເວັນຕົກສຽງໃຕ້ຂອງຈີນຢ່າງຫລວງຫລາຍ, ແລະຈະຊຸກຍູ້ວົງເສດຖະກິດຢູ່ພາກໃຕ້ ພາກຕາເວັນອອກສຽງໃຕ້ຂອງຈີນກັບອາຊຽນເຊື່ອມຕໍ່ກັນຢ່າງຮອບດ້ານ,ກໍ່ຈະຊຸກຍູ້ການກໍ່ສ້າງເຂດການຄ້າເສລີຈີນອາຊຽນຢ່າງຫລວງຫລາຍ,ທັງຊຸກຍູ້ວົງເສດຖະກິດອ້ອມອ່າວພາກເຫນືອໂປໂລຂຶ້ນ,ກາຍເປັນວົງເສດຖະກິດໃຫຍ່ທີສີ່ທີ່ເລັ່ງລັດພັດທະນາເສດຖະກິດຈີນ ເຊິ່ງຖັດຈາກເຂດສາມຫລ່ຽມປາກແມ່ນ້ຳຈູຈ່ຽງ ເຂດສາມຫລ່ຽມປາກແມ່ນ້ຳຢາງເຊແລະວົງເສດຖະກິດອ້ອມທະເລໂປຫາຍ.
ປັດຈຸບັນ,ເຂດກວາງຊີໄດ້ມີໂຄງຄວາມຄິດເບື້ອງຕົ້ນກ່ຽວກັບການເປີດປະຕູແລະພັດທະນາເຂດເສດຖະກິດກວາງຊີອ່າວພາກເຫນືອ.ເຊິ່ງກໍ່ຄື:ຖືການວາງແຜນເປັນການຊັກນຳ,ຖືການເປີດປະຕູແລະການປະດິດສ້າງເປັນກຳລັງແມ່ແຮງ,ຖືຝູງຕົວເມືອງເປັນບ່ອນອີງ,ຖືການກໍ່ສ້າງທ່າກຳປັ່ນແລະອຸດສາຫະກຳແຄມທະເລເປັນບ່ອນບຸກທະລຸ, ເສດຖະກິດເທິງທະເລກັບເທິງບົກພ້ອມກັນພັດທະນາ, ພະຍາຍາມຫລາຍປີ,ສ້າງເຂດດັ່ງກ່າວເປັນສູນອຸດສາຫະກຳປຸງແຕ່ງ ສູນຈໍລະຈອນວັດສະດຸບໍລິການ ສູນການຄ້າ ສູນຂໍ້ມູນຂ່າວສານແລະສູນແລກປ່ຽນວັດທະນະທຳຂອງເຂດການຄ້າເສລີຈີນອາຊຽນ,ແລ້ວສ້າງທັນສະໄຫມແລະພໍຢູ່ພໍກິນຍັງມີສ່ວນເຫລືອຮອບດ້ານກ່ອນຫມູ່.
ທ່ານລູ້ປິ່ງເວົ້າວ່າ,ການເລັ່ງລັດສ້າງສາທ່າກຳປັ່ນປະສົມຂະຫນາດໃຫຍ່,ສ້າງແຫລ່ງອຸດສາຫະກຳຫນັກແລະອຸດສາຫະກຳເຄມີຢູ່ແຄມທະເລ,ບູລະນະ ພື້ນຖານໂຄງລ່າງແຄມທະເລ,ພັດທະນາເສດຖະກິດທະເລ, ເປັນເຈົ້າການຮ່ວມມືກັບບັນດາຝ່າຍຢູ່ພາກພື້ນອ້ອມອ່າວພາກເຫນືອຄື ແຂວງກວາງຕູ້ງແລະແຂວງໄຫຫລຳເປັນຕົ້ນແລະບັນດາແຂວງ ເຂດປົກຄອງຕົນເອງແລະກຳແພງນະຄອນໃນທົ່ວປະເທດ,ຕັ້ງຫນ້າຮ່ວມມືກັບບັນດາປະເທດອາຊຽນຄື ຫວຽດນາມເປັນຕົ້ນ, ຈະແມ່ນຫນ້າທີ່ຕົ້ນຕໍຂອງເຂດກວາງຊີໃນໄລຍະປະຈຸບັນກໍ່ຄືໃນຕໍ່ໄປພາຍຫນ້າ.
|
