|
|
 |
| (GMT+08:00)
2006-03-20 11:09:44
|
 |
|
ມູນຄ່າການຄ້າຈີນຣັດເຊຍເພີ່ມຂຶ້ນຢ່າງຫຼວງຫຼາຍ
cri
ຕາມໜັງສືພິມເຢິນມີນຢື້ປ້າວ:ຂໍ້ມູນສະຖິຕິຂອງດ່ານພາສີຈີນສະແດງໃຫ້ເຫັນວ່າ,ປີ2005,ມູນຄ່າການຄ້າຈີນຣັດເຊຍໄດ້ເພີ່ມຂຶ້ນຮອດ29ຕື້100ລ້ານໂດລາ,ເພີ່ມຂຶ້ນເກືອບ40%ເມື່ອທຽບໃສ່ປີ2004,ໄດ້ລື່ນກາຍຄວາມໄວເພີ່ມຂຶ້ນທີ່ສະເລ່ຍແລ້ວ20ຫາ25%ຕໍ່ປີທີ່ກຳນົດໃນແຜນເສດຖະກິດການຄ້າຈີນຣັດເຊຍໄລຍະກາງໄລຍະຍາວ.
ທ່ານລິວກູຊ່າງ ເອກອັກຄະລັດຖະທູດຈີນປະຈຳຣັດເຊຍກ່າວວ່າ,ໃນຫຼາຍປີມານີ້,ການພົວພັນເສດຖະກິດການຄ້າຈີນຣັດເຊຍໄດ້ຂະຫຍາຍຕົວຢ່າງວ່ອງໄວ.ວິທີຮ່ວມມືນັບມື້ນັບຫຼາຍຂຶ້ນ,ແລະຂົງເຂດຮ່ວມມືໄດ້ເປີດກວ້າງອອກຕື່ມອີກ.
ໂດຍຕອບສະໜອງຄຳເຊີນຂອງທ່ານຫູຈິນທ່າວ ປະທານປະເທດຈີນ,ທ່ານປູຕິນ ປະທານາທິບໍດີສະຫະພັນຣັດເຊຍຈະມາຢ້ຽມຢາມຈີນທາງລັດຖະກິດແຕ່ວັນທີ21ຫາວັນທີ22ມີນາ,ແລະເຂົ້າຮ່ວມພິທີເປີດສາກຂອງ"ປີຣັດເຊຍ"ແລະພິທີເປີດສາກຂອງເວທີປາໄສຊັ້ນສູງຂອງວົງການເສດຖະກິດ ອຸດສາຫະກຳການຄ້າຈີນຣັດເຊຍ.ນອກນີ້,ສອງຝ່າຍຍັງຈະຈັດໃຫ້ມີການເຄື່ອນໄຫວຮ່ວມມືເສດຖະກິດການຄ້າຕ່າງໆ ເຊັ່ນສັບປະດາການຄ້າຣັດເຊຍເປັນຕົ້ນ.ທັງໝົດເຫຼົ່າ ນີ້ລ້ວນແຕ່ຈະຂຸກຍູ້ໃຫ້ການພົວພັນເສດຖະກິດການຄ້າລະຫວ່າງສອງປະເທດຂະຫຍາຍຕົວຕື່ມອີກ.
|
|
|
