|
ຫຼາຍມື້ມານີ້,ກອງປະຊຸມສະໄໝສາມັນປະຈຳປີຂອງສະພາເປີກສາການເມືອງປະຊາຊົນແຫ່ງຊາດຈີນພວມຈັດຂຶ້ນຢູ່ປັກກິ່ງ.ພາລະບົດບາດຕົ້ນຕໍຂອງສະພາເປິກສາການເມືອງປະຊາຊົນແຫ່ງຊາດຈີນແມ່ນການເປີກສາການເມືອງແລະຕິດຕາມກວດກາປະຊາທິປະໄຕ,ບຸກຄົນບັນດາພັກຝ່າຍ,ໝູ່ຄະນະແລະບັນດາຊົນເຜົ່າແລະວົງການຕ່າງໆທີ່ເຂົ້າຮ່ວມກອງປະຊຸມສະພາເປິກສາການເມືອງໄດ້ເປິກສາຫາລືກ່ຽວກັບທິດທາງນະໂຍບາຍໃຫຍ່ແລະບັນຫາສຳຄັນໃນດ້ານການເມືອງ,ເສດຖະກິດ,ວັດທະນະທຳແລະຊີວິດສັງຄົມຂອງຈີນ.ໃນບັນດາວົງການທີ່ປະກອບເປັນສະພາເປິກສາການເມືອງແຫ່ງຊາດນັ້ນ,ທຳມະດາແລ້ວ,ແມ່ນຂາດກຳມະການວົງການສາສະໜາຈີນບໍໄດ້.ໃນໄລຍະໄຂກອງປະຊຸມ,ກຳມະການຫຼາຍທ່ານທີ່ມາຈາກວົງການພຸດທະສາສະໜາໄດ້ໃຫ້ສຳພາດຕໍ່ນັກຂ່າວcriກ່ຽວກັບບັນຫາການແລກປ່ຽນກັບຕ່າງປະເທດຂອງພຸດທະສາສະໜາຈີນ.ພວກເພິ່ນເຫັນວ່າ,ລັກສະນະປຸ້ມລຸມຕຸ້ມຕ່ອມຂອງສາສະໜາພຸດໄດ້ຊຸກຍູ້ການແລກປ່ຽນວັດທະນະທຳພຸດທະສາສະໜາ ລະຫວ່າງບັນດາປະເທດ,ຊຸກຍູ້ໃຫ້ບັນດາປະເທດໄປມາຫາສູ່ກັນດ້ວຍໄມຕີຈິດ,ແລະຊຸກຍູ້ໃຫ້ສັງຄົມກົມກຽວກັນ.ໃນລາຍການ"ຈີນປະຈຸບັນ"ພາກນີ້,ເຊີນຟັງບົດລາຍງານຂ່າວເລື່ອງ:ກຳມະການສະພາເປິກສາການເມືອງວົງການພຸດທະສາສະໜາກ່າວເຖິງການແລກປ່ຽນກັບຕ່າງປະເທດຂອງສາສະໜາພຸດຈີນ.
ສາສະໜາພຸດບໍ່ພຽງແຕ່ມີສາສະນິກະຊົນຫຼວງຫຼາຍພາຍມາກຢູ່ປະເທດອາຊີຄືຍີ່ປຸ່ນ,ສ.ເກົາຫຼີ,ລາວ,ໄທ,ມຽນມາ,ຫວຽດນາມ,ກຳປູເຈຍເປັນຕົ້ນ,ຄຽງຄູກັບການເຜີຍແຜ່ແລະແລກປ່ຽນຂອງສາສະໜາພຸດ,ໃນຫຼາຍປີມານີ້,ສາສະໜາພຸດກໍ່ໄດ້ຮັບຄວາມນິຍົມຫຼາຍຂຶ້ນຢູ່ປະເທດເອີລົບອາເມລິກາ,ແລະພວມໃຫ້ຜົນສະທ້ອນຕໍ່ທັດສະນະຄະຕິຊີວິດຂອງຄົນຝ່າຍຕາເວັນຕົກຢ່າງບໍ່ຮູ້ສືກຕົວ.
ທ່ານຕ່າວຊູ້ເຢັນ ກຳມະການສະພາເປິກສາການເມືອງແຫ່ງຊາດແລະຮອງຫົວໜ້າພຸດທະສະມາຄົມແຫ່ງຊາດຈີນໄດ້ເລົ່າເລື່ອງເກົ່າເລື່ອງໜຶ່ງໃຫ້ນັກຂ່າວຟັງວ່າ:
"ກ່ອນຟື້ນຟູສາຍສຳພັນການທູດລະຫວ່າງຈີນກັບຍີ່ປຸ່ນ,ທ່ານຈ້າວຜູຊູ່ ອະດີດປະທານສະມາຄົມຈີນໄດ້ໄປເຂົ້າຮ່ວມກອງປະຊຸມສາກົນເທື່ອໜຶ່ງຢູ່ຍີ່ປຸ່ນ.ໃນເວລາຂຽນໃນແຈ້ງເຂົ້າເມືອງ,ຍ້ອນວ່າທ່ານຂຽນໃສ່ໃນຊ່ອງສາສະໜາວ່າ:ສາສະໜາພຸດ,ເລີຍໄດ້ຮັບການຕ້ອນຮັບພິເສດຈາກຝ່າຍຍີ່ປຸ່ນໂດຍທັນທີ.ຫຼັງຈາກນັ້ນ,ທ່ານນາຍົກລັດຖະມົນຕີໂຈ່ວເອີນລາຍໄດ້ຮູ້ເລື່ອງນີ້,ເລີຍຢາກທ່ານປະທານຈ້າວເອົາພະພຸດທະຮູບຄຳອົງນ້ອຍອົງໜຶ່ງມອບໃຫ້ນາຍົກລັດຖະມົນຕີຍີ່ປຸ່ນ.ເມື່ອນາຍົກລັດຖະມົນຕີຍີ່ປຸ່ນໄດ້ຮັບພະພຸດທະຮູບກໍຮູ້ສຶກດີໃຈຫຼາຍ,ດ້ວຍເຫດນີ້,ຜູ້ນຳສອງປະເທດແລະວົງການສາສະໜາພຸດຂອງສອງປະເທດໄດ້ສ້າງມິດຕະພາບອັນເລິກເຊິ່ງຕໍ່ກັນ.ພາຍຫຼັງມາ,ຄະນະຜູ້ແທນພຸດທະສາສະໜາສອງປະເທດໄດ້ໄປມາຢ້ຽມຢາມກັນຢ່າງເນື່ອງນິດ,ຊຸກຍູ້ການໄປມາຫາສູ່ກັນລະຫວ່າງສອງປະເທດ."
ການແລກປ່ຽນລະຫວ່າງວົງການພຸດທະສາສະໜາຈີນຍີ່ປຸ່ນແລະສ.ເກົາຫຼີທີ່ທ່ານຈ້າວຜູຊູ່ລິເລີ່ມດຳເນີນນັ້ນໄດ້ເຮັດໃຫ້ສາສະໜາພຸດຂອງປະເທດຈີນໃໝ່ເດີນອອກປະເທດຕົນ,ໄດ້ເສີມຂະຫຍາຍບົດບາດສຳຄັນໃນດ້ານສ້າງການພົວພັນໄມຕີຈິດຖານບ້ານໃກ້ເຮືອນຄຽງກັບປະເທດໃກ້ຄຽງ.ເຖິງວ່າການເຄື່ອນໄຫວແລກປ່ຽນດ້ານພຸດທະສາສະໜາລະຫວ່າງຈີນກັບປະເທດອາຊີໃຕ້ແລະອາຊີອາຄະເນ,ເລີ່ມຕົ້ນຊ້າແດ່,ແຕ່ໄດ້ພັດທະນາຢ່າງວ່ອງໄວໃນ20ປີມານີ້.ທ່ານຕ່າວຊູເຢີນຮອງປະທານພຸດທະສະມາຄົມຈີນແນະນຳວ່າ,ໃນຊຸມປີ80ສະຕະວັດ20,ພຸດທະສະມາຄົມຈີນໄດ້ຊ່ອຍສ້າງວັດຈີນແຫ່ງໜຶ່ງຢູ່ເນປານ,ແລະໄດ້ແຕ່ງພະມະຫາອາຈານໄປປະຈຳຢູ່ເນປານ;ປະຈຸບັນ,ຍັງມີພະສົງ20ກວ່າອົງຮຽນຢູ່ມະຫາວິທະຍາໄລພຸດທະສາສະໜາຂອງສີລັງກາ.
ສາສະໜາພຸດມີນິກາຍມະຫານແລະຫິນະຍານ,ຍີ່ປຸ່ນແລະສ.ເກົາຫຼີຖືນິກາຍມະຫາຍານ,ສ່ວນປະເທດສ່ວນຫຼາຍຢູ່ອາຊີໃຕ້ແລະອາຊີອາຄະເນຖືນິກາຍຫິນະຍານ,ແຕ່ວົງການພຸດທະສາສະໜາຈີນໄດ້ຮັກສາການໄປມາຫາສູ່ກັນຢ່າງດີງາມກັບວົງການພຸດທະສາສະໜາຂອງປະເທດເຫຼົານີ້.ຈີນເຮັດໄດ້ແນວນີ້ບໍ່ພຽງແຕ່ຍ້ອນວ່າຈີນມີຫຼາຍສາສະໜາແລະຍັງຍ້ອນວ່າຈີນໄດ້ປະຕິບັດນະໂຍບາຍເສລີພາບໃນການເຊື່ອຖືສາສະໜາ.ພະມະຫາອາຈານເຊິ້ງຮຸ່ຍ ກຳມະການປະຈຳສະພາເປິກສາການເມືອງແຫ່ງຊາດ,ຮອງປະທານພຸດທະສະມາຄົມຈີນເວົ້າວ່າ,ພຸດທະສາສະໜາຮ້ານ,ພຸດທະສາສະໜາຕິເບດແລະພຸດທະສາສະໜາຫິນະຍານໄດ້ຊົງຕົວຢ່າງສະເໝີພາບກັນຢູ່ຈີນ.ນະໂຍບາຍເສລີພາບໃນການເຊື່ອຖືສາສະໜາຂອງຈີນບໍ່ພຽງແຕ່ໄດ້ຮັບປະກັນໃຫ້ເສລີພາບໃນການເຊື່ອຖືສາສະໜາບໍ່ຖືກລ່ວງລ້ຳທໍ່ນັ້ນ,ຫາກຍັງໄດ້ສະໜອງພື້ນຖານໃຫ້ສາສະໜານິກາຍຕ່າງໆຂອງຈີນພັດທະນາຢ່າງສະເໝີພາບກັນ.ນີ້ກໍ່ມີຜົນດີຕໍ່ການແລກປ່ຽນລະຫວ່າງພຸດທະສາສະໜາຂອງຈີນກັບຂອງບັນດາປະເທດ.
ມະຫາອາຈານໃຫຍ່ເຊິ້ງຮຸ່ຍເວົ້າວ່າ:
"ເຖິງວ່າເຊື່ອຖືພຸດທະສາສະໜາມະຫາຍານກັບຫິນະຍານມີຄວາມແຕກຕ່າງກັນທາງນິກາຍ,ແຕ່ສາສະໜາພຸດສົ່ງເສີມຄວາມເມດຕາ,ຄວາມສະເໝີພາບ,ຄວາມມີສະຕິປັນຍາ,ສ່ວນຫົວຂໍ້ຂອງໂລກປະຈຸບັນແມ່ນສັນຕິພາບແລະການພັດທະນາ,ສະນັ້ນ,ຄວາມເມດຕາກະລຸນາແລະຄວາມສະເໝີພາບຂອງສາສະໜາພຸດກໍແມ່ນພື້ນຖານຂອງສັນຕິພາບ.ຄວາມເມດຕາກະລຸນາແລະຄວາມສະເໝີພາບທີ່ສາສະໜາພຸດສົ່ງເສີມນັ້ນມີບົດບາດໃຫຍ່ຫຼວງຕໍ່ຄວາມສະຫງົບສຸກຂອງປະເທດຊາດ,ແລະຕໍ່ການໄປມາຫາສູ່ກັນລະຫວ່າງປະເທດກັບປະເທດ.
ເພື່ອທຳການກະກຽມຈັດເວທີປາໄສພຸດທະສາສະໜາໂລກຄັ້ງປະຖົມມະເລີກ ຢູ່ຈີນໃນເດືອນເມສາປີນີ້,ເລີ່ມແຕ່ທ້າຍປີ2004ເປັນຕົ້ນມາ,ມະຫາອາຈານເຊິ້ງຮຸ່ຍກໍ່ໄດ້ນຳພາຄະນະຜູ້ແທນພຸດທະສາສະໜາຈີນໄປຢ້ຽມຢາມບັນດາປະເທດອ້ອມຂ້າງ,ຄືສິງກະໂປ,ມຽນມາ,ຫວຽດນາມ,ລາວ,ກຳປູເຈຍແລະປະເທດອື່ນໆເປັນລຳດັບ,ໄດ້ແລກປ່ຽນກັບສະມາຄົມສາສະໜາຂອງປະເທດເຫຼົ່ານັ້ນ,ແລະກ່າວປາຖະກະຖາໃນສະຖາບັນສາພຸດທະສາສະໜາ.ນັບຮອດປະຈຸບັນ,ໄດ້ມີ30ກວ່າປະເທດແລະເຂດແຄວ້ນສະແດງວ່າຫວັງໄປເຂົ້າຮ່ວນເວທີປາໄສພຸດທະສາສະໜາໂລກທີ່ຈັດຂຶ້ນຢູ່ຈີນ.
ນອກຈາກໄປເຊິ່ງກັນແລະກັນ,ຈັດກອງປະຊຸມສາກົນແຕ່ງພຸດທະບັນດິດແລະຄະນະຜູ້ແທນຢ້ຽນຢາມກັນແລ້ວ,ການອັນເຊີນແລະວາງສະແດງສິ່ງສັກສິດຂອງວົງການພຸດທະສາສະສາສະໜາກໍ່ແມ່ນແບບວິທີໜຶ່ງທີ່ວົງການພຸດທະສາສະສາສະໜາຈີນແລກປ່ຽນກັບຕ່າງປະເທດ.ສາລີລິກກະທາດພະທັນຕາຂອງພະສະກາຍະມູນີທີ່ປະດິດສະຖານຢູ່ຈີນກໍແມ່ນສິ່ງສັກສິດລ້ຳເລີດກວ່າທຸກສິ່ງທຸດຢ່າງຂອງພຸດທະສາສະໜາ,ເຄີຍແຫ່ໄປປະດິດສະຖານຢູ່ມຽນມາ,ສີລັງກາ,ໄທແລະໄຕ້ຫວັນຈີນເພື່ອໃຫ້ຍາດໂຍມໄດ້ນະມັດສະການບູຊາ,ສາລີລິກກະທາດພະອົງຄຸລີກໍ່ເຄີຍແຫ່ໄປຮົງກົງແລະສ.ເກົາຫຼີເພື່ອໃຫ້ຍາດໂຍມນະມັດສະການ,ອັນໄດ້ຮັບການຂາບໄຫວ້ບູຊາດ້ວຍຄວາມເຫຼື້ອມໃສສັດທາຂອງພຸດທະສາສະນິກກະຊົນໃນແຫ່ງດັ່ງກ່າວ.ການແລກປ່ຽນຊະນິດນີ້,ເສີມຂະຫຍາຍບົດບາດອັນຕັ້ງໜ້າເພື່ອເພີ່ມທະວີຄວາມເຂົ້າໃຈລະຫວ່າງປະຊາຊົນ,ຊຸກຍູ້ໄມຕີຈິດມິດຕະພາບລະຫວ່າງບັນດາປະເທດ.
ກຳມະການສະພາເປິກສາການເມືອງແຫ່ງຊາດຂອງວົງການພຸດທະສາສະໜາຍັງໄດ້ແນະນຳຕໍ່ນັກຂ່າວcriກ່ຽວກັບບາງແບບວິທີໃຫມ່ຂອງວົງການສາສະໜາພຸດຈີນໃນການແລກປ່ຽນກັບຕ່າງປະເທດ,ເຊັ່ນຄະນະດົນຕີພະດທະສາສະໜາຈີນຈະທ່ຽວສະແດງຢູ່ໄປຕ່າງປະເທດ,ກອງປະຊຸມໂຕະມົນພຸດທະສາສະໜາສອງຝັ່ງຊ່ອງແຄບໄຕ້ຫວັນແລະຮົງກົງມາກາວ, ແລະແຕ່ງພະເຖລະໄປໃຫ້ສິນແລະປະຕິບັດທຳສິງກະໂປແລະອິນໂດເນເຊຍ,ການຈັດການເຄື່ອນໄຫວເຫຼົ່ານີ້ຢ່າງສຳເລັດຜົນໄດ້ໄຂຊ່ອງທາງໃຫມ່ໃຫ້ການເຜີຍແຜ່ວັດທະນະທຳພຸດທະສາສະໜາ.ຄຽງຄູ່ກັບການກ້າວໜ້າຂອງວິທະຍາສາດເຕັກນິກ,ເວບໄຊ້ຍັງໃຊ້ໃນການແລກປ່ຽນສາສະໜາພຸດ.ປະຈຸບັນ,ຈີນໄດ້ມີເວບໄຊອິນເຕີແນັດກໍໄດ້ນຳໃຊ້ເຂົ້າສາສະໜາພຸດພາສາຈີນຫຼາຍຮ້ອຍເວບໄຊແລ້ວ,ທ່ານບໍ່ຕ້ອງໄປໃສກໍສາມາດຊອກຮູ້ຄວາມຮູ້ແລະການເຄື່ອນໄຫວກ່ຽວກັບສາສະໜາພຸດ.
|
