ວິທະຍຸສາກົນແຫ່ງປະເທດຈີນລາຍງານວ່າ: ຕອນບ່າຍວັນທີ 20 ມີນາ ທ່ານເຈຍຊິງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ເດີນທາງໄປຮອດນະຄອນຫລວງຮ່າໂນຍ,ເລີ່ມຢ້ຽມຢາມສັນທະວະໄມຕີຕໍ່ຫວຽດນາມຢ່າງເປັນທາງການ.
ພາຍຫລັງເດີນທາງໄປຮອດສະຫນາມບິນຮ່າໂນຍ,ທ່ານເຈຍຊິງລິນໄດ້ກ່າວຄຳປາໃສທາງລາຍລັກອັກສອນວ່າ, ໃນຫລາຍປີມານີ້, ໃຕ້ການຊີ້ນຳຂອງທິດທາງຫມັ້ນຄົງຍາວນານ,ອວ່າຍຫນ້າໄປສູ່ອະນາຄົດ, ມີໄມຕີຈິດຖານບ້ານໃກ້ເຮືອນຄຽງແລະຮ່ວມມືຮອບດ້ານ, ການພົວພັນຈີນຫວຽດນາມໄດ້ຮັບຄວາມຄືບຫນ້າໃຫມ່ເລື້ອຍໆ.ຜູ່ນຳສອງປະເທດໄດ້ຕິດຕໍ່ພົວພັນກັນຢ່າງເນື່ອງນິດ, ການຮ່ວມມືດ້ານເສດຖະກິດການຄ້າໄດ້ຮັບຜົນຢ່າງຈະແຈ້ງ,ບັນ ຫາເສັ້ນຊາຍແດນໄດ້ຮັບການແກ້ໄຂເປັນກ້າວໆ,ການແລກປ່ຽນແລະການຮ່ວມມືຢ່າງມີໄມຕີຈິດໃນທຸກຂົງເຂດໄດ້ກ້າວໄປສູ່ລວງເລິກແລະລວງກວ້າງໃຫມ່ເລື້ອຍໆ.
ທ່ານເຈຍຊິງລິນເວົ້າວ່າ, ໃນໄລຍະປະຫວັດສາດໃຫມ່ນີ້, ການປັບປຸງແລະເພີ່ມທະວີການພົວພັນມີໄມຕິຈິດຖານບ້ານໃກ້ເຮືອນຄຽງແລະການຮ່ວມມືຮອບດ້ານ,ສອດຄ່ອງກັບຜົນປະໂຫຍດກົກຮາກຂອງສອງປະເທດແລະປະຊາຊົນສອງຊາດ, ມີຜົນດີຕໍ່ສັນຕິພາບ ສະຖຽນລະພາບແລະການພັດທະນາຂອງພາກພື້ນກໍ່ຄືຂອງໂລກ.
|
