|
|
 |
| (GMT+08:00)
2006-03-20 15:56:48
|
 |
|
ຈີນຈະສ້າງທາງລົດໄຟດ່ວນແລ່ນດ້ວຍແຮງແມ່ເຫລັກສາຍທີສອງ
cri
Author: min
ໃນການຄົມມະນາຄົມລົດລາງຊະນິດຕ່າງໆ, ທາງລົດລາງແລ່ນດ້ວຍແຮງແມ່ເຫລັກມີຈຸດິພເສດອະນຸລັກສິ່ງແວດລ້ອມ, ໃນທີ່ດິນຫນ້ອຍແລະມີຄວາມໄວສູງເປັນຕົ້ນ.ເມື່ອສາມປີກ່ອນ, ທາງລົດໄຟດ່ວນດ້ວຍແຮງແມ່ເຫລັກສາຍທີຫນຶ່ງ ແມ່ນຈີນນຳເຂົ້າເຕັກນິກຂອງເຢຍລະມັນທັງໄດ້ສ້າງສຳເລັດແລະເລີ່ມນຳໃຊ້ຢູ່ຊຽງໄຮ້ ນະຄອນອຸດສາຫະກຳການຄ້າໃຫຍ່ກວ່າຫມູ່ຂອງຈີນແລ້ວ.ຫວ່າງມໍ່ໆນີ້, ລັດຖະບານກາງຈີນໄດ້ອະນຸມັດສ້າງທາງລົດໄຟດ່ວນແລ່ນດ້ວຍແຮງແມ່ເຫລັກຢູ່ລະຫວ່າງນະຄອນຊຽງໄຮ້ກັບອີກຕົວເມືອງຫນຶ່ງ, ເພື່ອຍົກລະດັບເຕັກນິກຂອງຈີນໃນຂົງເຂດດັ່ງກ່າວໃຫ້ສູງຂຶ້ນຢ່າງຮອບດ້ານ.
ທາງລົດໄຟດ່ວນແລ່ນດ້ວຍແຮງແມ່ເຫລັກທີ່ຮັບອະນຸມັດສ້າງໃຫມ່ນັ້ນໄດ້ຕິດຕໍ່ລະຫວ່າງນະຄອນຊຽງໄຮ້ກັບນະຄອນຫາງໂຈວ ເທດສະບານແຂວງເຈີຈ່ຽງທີ່ຕັ້ງຢູ່ພາກຕາເວັນຕົກສຽງໃຕ້ຂອງນະຄອນຊຽງໄຮ້,ກະວ່າຈະເລີ່ມນຳໃຊ້ຢ່າງເປັນທາງການກ່ອນງານເອັກສໂປຊຽງໄຮ້ປີ 2010.ເມື່ອຮອດເວລານັ້ນ, ຈາກນະຄອນຊຽງໄຮ້ໄປນະຄອນຫາງໂຈວໃຊ້ເວລາພຽງເຄິ່ງຊົ່ວໂມງທໍ່ນັ້ນ, ສ່ວນປະຈຸບັນໄວສຸດຍັງຕ້ອງການສອງຊົ່ວໂມງ. ເມື່ອຂ່າວກ່ຽວກັບການສ້າງທາງລົດໄຟດ່ວນແລ່ນດ້ວຍແຮງແມ່ເຫລັກດັ່ງກ່າວເຜີຍອອກ, ກໍ່ເຮັດໃຫ້ມີປະຕິກິລິຍາບໍ່ຫນ້ອຍເກີດຂຶ້ນຢູ່ສອງແຫ່ງນະຄອນຊຽງໄຮ້ແລະເມືອງຫາງໂຈວ.ທ່ານໂຈວຫົງໄວ ໄທເມືອງຊຽງໄຮ້ເວົ້າດ້ວຍຄວາມລໍຄອຍວ່າ:
ແຕ່ກ່ອນ,ຂີ່ລົດໄປຫາງໂຈວບໍ່ສະດວກ, ຂັບລົດໄປກໍ່ບໍ່ສະດວກ, ເມື່ອສ້າງທາງລົດໄຟດ່ວນແລ່ນດ້ວຍແຮງແມ່ເຫລັກຈາກຊຽງໄຮ້ໄປຫາງໂຈວແລ້ວ,ໄທເມືອງຊຽງໄຮ້ພວກເຮົາໄປເມືອງຫາງໂຈວຈະສະດວກທີ່ສຸດ,ໄປກັບພຽງຊົ່ວໂມງດຽວທໍ່ນັ້ນ.ສະນັ້ນ,ພວກເຮົາສຸດທີ່ສະຫນັບສະຫນູນກິດຈະການນີ້, ຫວັງໃຫ້ສ້າງສຳເລັດໂດຍໄວ.
ທ່ານເຊິ້ງຈີຟາງ ຮອງເຈົ້າຄອງນະຄອນຫາງໂຈວໄດ້ສະແດງຄວາມຄິດເຫັນວ່າ:ຂ້າພະເຈົ້າເຫັນວ່າ, ການສ້າງກິດຈະການທາງລົດໄຟດ້ວນແລ່ນດ້ວຍແຮງແມ່ເຫລັກຈະເກີດມີຜົນສະທ້ອນໃຫຍ່ຫລວງຕໍ່ການສ້າງສາແລະພັດທະນາຂອງນະຄອນຫາງໂຈວ,ການພັດທະນາເສດຖະກິດແລະສັງຄົມຂອງທົ່ວນະຄອນຫາງໂຈວ, ມັນສາມາດຍົກຊື່ສຽງຂອງນະຄອນຫາງໂຈວຂຶ້ນຢ່າງຫລວງຫລາຍ, ຄວາມຫມາຍອັນທີສອງ, ຂ້າພະເຈົ້າເຫັນວ່າ, ຈະສາມາດເຮັດໃຫ້ນະຄອນຊຽງໄຮ້ກັບນະຄອນຫາງໂຈວມີຜົນບັງເກີດຄືໃນນະຄອນດຽວ.
ທາງລົດໄຟດ່ວນແລ່ນດ້ວຍແຮງແມ່ເຫລັກທີ່ຄົນທັງຫລາຍເຕັມໄປດ້ວຍຄວາມລໍຄອຍສາຍນີ້ແມ່ນລົດໄຟດ່ວນແລ່ນດ້ວຍແຮງແມ່ເຫລັກສາຍທີສອງຂອງຈີນ.ເມື່ອສາມປີກ່ອນ, ທາງລົດໄຟດ່ວນແລ່ນດ້ວຍແຮງແມ່ເຫລັກຂອງຊຽງໄຮ້ໄດ້ເລີ່ມໃຊ້ຢ່າງເປັນທາງການ, ນີ້ແມ່ນທາງລົດໄຟດ່ວນແລ່ນດ້ວຍແຮງແມ່ເຫລັກສາຍທຳອິດທີ່ໃຊ້ທາງການທຸລະກິດໃນໂລກ, ລວມຍາວ 30 ກິໂລແມັດ.ໃນການກໍ່ສ້າງແລະທຸລະກິດທາງລົດໄຟດ່ວນສາຍນີ້, ຈີນໄດ້ຍຶດຫມັ້ນເປັນເຈົ້າຕົນເອງ, ປະດິດສ້າງໃຫມ່, ໄດ້ກຳເຕັກນິກແກນກາງແລະເຕັກນິກເປັນລະບົບຂອງທາງລົດໄຟດ່ວນແລ່ນດ້ວຍແຮງແມ່ເຫລັກທີ່ສິດຊັບສິນທາງປັນຍາປະດິດສ້າງໂດຍຕົນເອງລະດັບນຳຫນ້າຂອງໂລກ.
ທາງລົດໄຟດ່ວນແລ່ນດ້ວຍແຮງແມ່ເຫຼັກແຕ່ນະຄອນຊຽງໄຮ້ຫານະຄອນຫາງໂຈ່ວມີຫວັງຈະເລີ່ມສ້າງໃນປີນີ້, ຍາວເຖິງ 175 ກີໂລເມັດ, ຍອດງົບປະມານກິດຈະການຄາດວ່າຈະເຖິງ 35 ຕື້ຢວນ. ທ່ານຈີ້ເຈ່ຍລຸນ ສາດສະດາຈານມະຫາວິທະຍາໄລຄົມມະນາຄົມປັກກິ່ງເຫັນວ່າ, ການສ້າງທາງລົດໄຟດ່ວນແລ່ນດ້ວຍແຮງແມ່ເຫຼັກຢູ່ລະຫວ່າງສອງນະຄອນດັ່ງກ່າວ, ນອກຈາກແມ່ນຍ້ອນທາງລົດໄຟດ່ວນແລ່ນດ້ວຍແຮງແມ່ເຫຼັກມີທ່າແຮງຂອງຕົນຫຼາຍຢ່າງແລ້ວ, ກິດຈະການນີ້ຍັງມີຄວາມໝາຍທີ່ມີລັກສະນະທົດລອງ:ການສ້າງທາງລົດໄຟດ່ວນແລ່ນດ້ວຍແຮງແມ່ເຫຼັກຢູ່ລະຫວ່ງຊຽງໄຮ້ກັບຮາງໂຈ່ວທີ່ມີລັກສະນະທົດລອງຈຳນວນໜຶ່ງ, ຖ້າໄດ້ບົດຮຽນແລ້ວ, ຄ່ອຍໆສະສົມເຂົ້າກັນ, ບາດໜ້າຈະຂະຫຍາຍເປັນກ້າວໆ, ຈາກການນຳເຂົ້າ, ການຖອດຖອນ, ການຮຽນໄດ້ໃຊ້ເປັນ, ຕະຫຼອດຮອດການປະດິດຄິດສ້າງເຕັກນິກໃໝ່, ເມື່ອເປັນແນວນີ້, ລະດັບເຕັກນິກລວມໃນດ້ານທາງລົດໄຟດ່ວນແລ່ນດ້ວຍແຮງແມ່ເຫຼັກຂອງຈີນຈະສູງຂຶ້ນຢ່າງຫຼວງຫຼາຍ.ຕາມໄດ້ຊາບ, ສິ່ງທີ່ຕ່າງກັນກັບກິດຈະການສ້າງທາງລົດໄຟດ່ວນແລ່ນດ້ວຍແຮງແມ່ເຫຼັກສາຍທີໜຶ່ງນັ້ນ, ທາງລົດໄຟດ່ວນແລ່ນດ້ວຍແຮງແມ່ເຫຼັກຢູ່ລະຫວ່າງນະຄອນຊຽງໄຮ້ຫານະຄອນຫາງໂຈ່ວຈະຖືຝ່າຍຈີນເປັນຝ່າຍຕົ້ນຕໍ, ອັດຕາອຸປະກອນກົນຈັກແລະເຄື່ອງໄຟຟ້າທີ່ຈີນຜະລິດນັ້ນບໍ່ຕ່ຳກວ່າ 70%. ຜ່ານຈາກການສ້າງກິດຈະການດັ່ງກ່າວແລ້ວ, ຈີນມີຫວັງຈະຮັກສາທ່າແຮງນຳໜ້າໃນຂົງເຂດນີ້ຢູ່ໃນໂລກ, ແລ້ວຊຸກຍູ້ການຄົມມະນາຄົມລົດລາງແລະຂະແໜງການທີ່ກ່ຽວຂ້ອງຂອງຈີນບົນລຸການພັດທະນາແບບກ້າວກະໂດດ.
|
|
|
