|
|
 |
| (GMT+08:00)
2006-03-20 18:00:23
|
 |
|
ຈີນລາວມຽນມາແລະໄທຮ່ວມມືກັນສ້າງຊ່ອງທາງຂົນສົ່ງທາງນ້ຳ
cri
ຕາມຂ່າວສານຊິນຮວາ, ໃນກອງປະຊຸມຄັ້ງທີ5ຂອງຄະນະກຳມາທິການປະສານງານການເດີນເຮືອການຄ້າສີ່ປະເທດຈີນລາວມຽນມາແລະໄທທີ່ຈັດຂຶ້ນຢູ່ແຂວງຈຳປາສັກ ແຂວງສຳຄັນທາງພາກໃຕ້ຂອງລາວໃນຫວ່າງມໍ່ໆນີ້, ຜູ້ແທນລັດຖະບານຂອງ4ປະເທດໄດ້ກ້າວເຖິງຂັ້ນມະຕິເອກະສັນຕື່ມອີກ, ຕົກລົງໃຊ້ມາດຕະການສຳຄັນ, ເພື່ອຊຸກຍູ້ໃຫ້ກາງເດີນເຮືອຢູ່ແມ່ນ້ຳລ້າງຊ້າງ-ແມ່ນ້ຳຂອງກາຍເປັນຊ່ອງທາງຂົນສົ່ງທາງນ້ຳຢ່າງແທ້ຈິງ.
ມາດຕະການເຫຼົ່ານີ້ລວມທັງການແຕ້ມແຜນທີ່ເສັ້ນທາງເດີນເຮືອຍ່ານເໜືອແມ່ນ້ຳຂອງ, ປະຕິບັດຂໍ້ກຳນົດເກັບຄ່າເດີນເຮືອຢູ່ຍ່ານເໜືອູແມ່ນ້ຳຂອງທີ່4ປະເທດຮ່ວມກັນວາງອອກນັ້ນຢ່າງເປັນເອກະພາບກັນ, ເພີ່ມທະວີການຮ່ວມມືໃນດ້ານການເດີນເຮືອຢ່າງປອດໄພລະຫວ່າງ4ປະເທດຕື່ມອີກແລະເພີ່ມເຄື່ອງໝາຍເດີນເຮືອຢູ່ທາງເດີນເຮືອແມ່ນ້ຳຂອງເປັນຕົ້ນ.
ຜູ້ຊ່ຽວຊານທີ່ຊົງອິດທິພົນເຫັນວ່າ, ທາງຂົນສົ່ງທາງເຮືອແມ່ນ້ຳລ້າງຊ້າງແມ່ນ້ຳຂອງໄດ້ຖືກຈັດເຂົ້າໃນລະບົບຄຸ້ມຄອງການຂົນສົ່ງທາງນ້ຳສາກົນທີ່ປອດໄພ, ເປັນລະບຽບແລະເປັນແບບສະບັບຢ່າງເປັນທາງການແລ້ວ, ນີ້ເປັນຂີດໝາຍສະແດງໃຫ້ເຫັນວ່າການຮ່ວມມືລະຫວ່າງ4ປະເທດຈີນລາວມຽນມາແລະໄທໄດ້ກ້າວຂຶ້ນລະດັບໃໝ່ແລ້ວ.
|
|
|
