|
ທະນາຄານກາງຈີນຈະໃຊ້ມາດຕະການໃຫ້ປະຊາຊົນສະສົມເງິນຕາຕ່າງປະເທດເພື່ອຮັກສາໃຫ້ລາຍຮັບລາຍຈ່າຍສາກົນດຸນດ່ຽງກັນ
cri
ຕາມຂ່າວສານຊິນຮວາ, ປີນີ້, ທະນາຄານປະຊາຊົນຈີນເຊິ່ງເປັນທະນາຄານກາງຈີນຈະໃຊ້ມາດຕະການຕ່າງໆເຊັ່ນໃຫ້ປະຊາຊົນສະສົມເງິນຕາຕ່າງປະເທດເປັນຕົ້ນ, ຊຸກຍູ້ໃຫ້ລາຍຮັບລາຍຈ່າຍສາກົນດຸນດ່ຽງກັນ.
ໃນກອງປະຊຸມປະຈຳປີຂອງຜູ້ຊ່ຽວຊານທະນາຄານຈີນປີ2006ທີ່ຈັດຂຶ້ນຢູ່ປັກກິ່ງຫວ່າງມໍ່ໆນີ້, ທ່ານນາງອູສຽວຫຼິງ ຮອງຜູ້ວ່າການທະນາຄານກາງຈີນຊີ້ອອກວ່າ, ປະຈຸບັນ, ຄັງສຳຮອງເງິນຕາຕ່າງປະເທດຂອງຈີນເຕີບໂຕໄວເກີນໄປ, ນີ້ເປັນການສ່ອງແສງໃຫ້ເຫັນວ່າລາຍຮັບລາຍຈ່າຍທາງສາກົນຂອງຈີນບໍ່ດຸນດ່ຽງກັນ, ແມ່ນຜົນຍ້ອນໃນເວລາຍາວນານມານີ້ຈີນໄດ້ປະຕິບັດນະໂຍບາຍທີ່ສົ່ງເສີມການຄ້າຂາອອກ, ສົ່ງເສີມໃຫ້ນັກທຸລະກິດຕ່າງປະເທດມາລົງທຶນໂດຍກົງແລະປະຕິບັດນະໂຍບາຍຄຸ້ມຄອງເງິນຕາຕ່າງປະເທດແບບເຂົ້າງ່າຍອອກຍາກ.
ທ່ານນາງອູສຽວຫຼິງກ່າວວ່າ, ປີນີ້ຈີນຈະສືບຕໍ່ສັບຊ້ອນນະໂຍບາຍຄຸ້ມຄອງເງິນຕາຕ່າງປະເທດແບບເຂົ້າງ່າຍອອກຍາກ; ເປີດກວ້າງຮູບການນຳໃຊ້ທຶນທີ່ເປັນເງິນຕາຕ່າງປະເທດຕື່ມອີກ, ປ່ຽນຈາກການໃຫ້ລັດສະສົມເງິນຕາຕ່າງປະເທດເປັນການໃຫ້ປະຊາຊົນສະສົມເງິນຕາຕ່າງປະເທດ; ຂະຫຍາຍຊ່ອງທາງເຂົ້າອອກຂອງທຶນຢ່າງເປັນລະບຽບ, ຊຸກຍູ້ການລົງທຶນຢູ່ຕ່າງປະເທດຢ່າງໜັກແໜ້ນ.
|
|
