|
|
 |
| (GMT+08:00)
2006-03-21 10:48:02
|
 |
|
ຮອງເອກອັກຄະລັດຖະທູດຈີນປະຈຳສະຫະປະຊາຊາດບັນລະຍາຍຫຼັກໝັ້ນຂອງຈີນກ່ຽວກັບບັນຫາອາວຸດເບົາ
cri
Author: shuo
ຕາມຂ່າວCRI:ວັນທີ20ມີນາ,ທ່ານຈ່າງອີ້ຊ່ານ ຮອງເອກອັກຄະລັດຖະທູດຈີນປະຈຳສະຫະປະຊາຊາດໄດ້ບັນລະຍາຍຫຼັກໝັ້ນຂອງຈີນໃນການໂຕ້ວາທີເປີດເຜີຍຂອງສະພາຄວາມໝັ້ນຄົງທີ່ກ່ຽວກັບບັນຫາອາວຸດເບົາ.
ທ່ານຈ່າງອີ້ຊ່ານເວົ້າວ່າ,ການສະສົມອາວຸດເບົາຫຼາຍເກີນໄປແລະການຄ້າອາວຸດເບົາຢ່າງຜິດກົດໝາຍ,ໄດ້ພາໃຫ້ເສິກສົງຄາມຢູ່ບາງປະເທດແລະເຂດແຄວ້ນຊຸດຮ້າຍລົງ,ອັນໄດ້ຊ່ອຍເຫຼືອການເຄື່ອນໄຫວອາຊະຍາກຳຕ່າງໆ ເຊັ່ນລັດທິກໍ່ການຮ້າຍແລະການຄ້າຢາເສບຕິດເປັນຕົ້ນ,ໄດ້ມີຜົນກະທົບທາງລົບໃນດ້ານຕ່າງໆ ເຊັ່ນການເມືອງ ເສດຖະກິດແລະສັງຄົມເປັນຕົ້ນ.
ທ່ານຈ່າງອີ້ຊ່ານເວົ້າວ່າ,ທ້າຍເດືອນມິຖຸນາປີນີ້,ສະຫະປະຊາຊາດຈະຈັດກອງປະຊຸມພິຈາລະນາໂຄງການດຳເນີນງານອາວຸດເບົາ.ທ່ານຫວັງໃຫ້ປະຊາຄົມໂລກກະຈ່າງແຈ້ງໜ້າທີ່ຮັບຜິດຊອບສຳຄັນກວ່າໝູ່ຂອງບັນດາປະເທດໃນການໂຈມຕີການຄ້າອາວຸດເບົາທີ່ຜິດກົດ ໝາຍຕື່ມອີກ,ເພີ່ມທະວີການປະສານງານແລະການຮ່ວມມືລະຫວ່າງຊາດ,ເສີມຂະຫຍາຍບົດບາດຊີ້ນຳຂອງສະຫະປະຊາຊາດຢ່າງເຕັມທີ່.ທ່ານຈ່າງອີ້ຊ່ານຍັງກ່າວເນັ້ນວ່າ,ຕ້ອງລົບລ້າງແຫຼ່ງກຳເນີດແລະແຜ່ຜາຍອາວຸດເບົາທີ່ຜິດກົດໝາຍຈາກກົກຮາກ.
|
|
|
