|
|
 |
| (GMT+08:00)
2006-03-21 16:17:11
|
 |
|
ທ່ານພອນ ໂຄລແມນ ຊາວອັງກິດຜູ່ອາສາສະໝັກໂຄສະນາໂອລິມປິກສີຂຽວ
cri
|
ເພື່ອໂຄສະນາທັດສະນະຄະຕິກ່ຽວກັບການອະນຸລັກສິ່ງແວດລ້ອມມີໄທອັງກິດຜູ່ໜຶ່ງໄດ້ຍ່າງ4ໝື່ນກວ່າກິໂລແມັດ,ປູກຕົ້ນໄມ້ລ້ານກວ່າຕົ້ນຢູ່30ກວ່າປະເທດແລະເຂດແຄວ້ນ.ຫວ່າງກ່ອນນີ້ບໍ່ດົນ,ທ່ານໄດ້ມາຮອດຈີນ,ປະກອບສ່ວນເຂົ້າໃນການຈັດງານກິລາໂອລິມປິກສີຂຽວຄືກັບປະຊາຊົນຈີນດ້ວຍການກະທຳຂອງຕົນ.
ຕອນເຊົ້າວັນທີ10ກຸມພາ,ບຸນກຸດຈີນຫາກໍ່ຜ່ານໄປບໍ່ດົນ,ຢູ່ສູນເຄື່ອນໄຫວຄຸ້ມໂອລິມ ປິກຕົ່ງຊື້ເຂດຕາເວັນອອກນະຄອນປັກກິ່ງ,ຄົນຈີນແລະຄົນຕ່າງປະເທດໝູ່ໜຶ່ງຊຶ່ງເປັນຜູ້ອາສາສະໝັກອະນຸລັກສິ່ງແວດລ້ອມກຳລັງຮ້ອງເພງອະນຸລັກໜ່ວຍໂລກນຳກັນ.ໃນໝູ່ຄົນດັ່ງກ່າວ,ມີໄທອັງກິດຜູ່ໜຶ່ງຄົນບໍ່ສູງປານໃດ,ຈົ່ງໜວດຈົ່ງເຄົາ,ຜົມຫງອກຊອນແຊນ,ປະຈັກຕາຄົນເປັນພິເສດ.ເພິ່ນກໍ່ແມ່ນທ່ານພອນໂຄລແມນທີ່ໂຄສະນາທັດສະນະຄະຕິອະນຸລັກສິ່ງແວດລ້ອມຢູ່ແຫ່ງຕ່າງໆໃນໂລກດ້ວຍຮູບການຍ່າງແລະປູກຕົ້ນໄມ້.
ທ່ານພອນປີນີອາຍຸ51ປີ,ເມື່ອປີ1992,ທ່ານໄດ້ເລີ່ມຍ່າງໄປທ່ອງທ່ຽວແຫ່ງຕ່າງໆເຮັດວຽກອະນຸລັກສິ່ງແວດລ້ອມຂອງທ່ານມຕໍ່ໄປ,ທ່ານເຫັນວ່າເຮັດແນວນີ້ຈະເຮັດໃຫ້ຄົນຍິ່ງຫຼາຍມີສະຕິອະນຸລັກສິ່ງແວດລ້ອມ.ທ່ານໄດ້ຍຶດໝັ້ນເຮັດແບບນີ້ຈົນຮອດຊູ່ມື້ນີ້.
ທ່ານພອນມາຈີນເທື່ອນີ້ແມ່ນເພື່ອເອົາປັກກິ່ງເປັນຕົ້ນທາງໃນການເດີນທາງຈາກປັກກິ່ງ ໄປເຊອຸນແລະໂຕກຽວໃນປີ2006.ກ່ອນວັນໜ່ວຍໂລກຂອງໂລກຄືວັນທີ22ເມສາປີນີ້,ທ່ານຈະຍ່າງຢູ່ສາມເມືອງອາຊີດັ່ງກ່າວຂອງອາຊີເປັນລຳດັບ,ຮຽກຮ້ອງໃຫ້ຄົນທັງຫຼາຍອະນຸລັກສິ່ງແວດລ້ອມ,ປົກປັກຮັກສາໜ່ວຍໂລກ.ທ່ານພອນເວົ້າວ່າ,ໃນສາມເມືອງທີ່ຈະຍ່າງເທື່ອນີ້, ປັກກິ່ງຍິ່ງມີຄວາມໝາຍພິເສດ.ທ່ານເວົ້າວ່າ,ຢູ່ປັກກິ່ງກຳລັງສ້າງກິດຈະການເພື່ອຈັດງານກິລາໂອລິມປິກສີຂຽວ,ທ່ານຍິນດີພ້ອມກັນກັບໄທເມືອງປັກກິ່ງທັງໝົດອຸທິດກຳລັງສ່ວນໜຶ່ງເພື່ອຊຸກຍູ້ກິດຈະການດັ່ງກ່າວ.
ຂ້າພະເຈົ້າມາປັກກິ່ງເທື່ອນີ້,ກ່ອນອື່ນແມ່ນຢາກໂຄສະນາການອະນຸລັກສິ່ງແວດລ້ອມ, ເພື່ອວັນໜ່ວຍໂລກຂອງໂລກຄືວັນທີ22ເມສາປີນີ້,ແລະຍິ່ງກວ່ານັ້ນແມ່ນເພື່ອຊຸກຍູ້ວຽກງານສ້າງສາງານກິລາໂອລິມປິກສີຂຽວຂອງປັກກິ່ງ.ຂ້າພະເຈົ້າຮູ້ສຶກດີໃຈທີ່ສຸດທີ່ໄດ້ເຂົ້າຮ່ວມການຈັດງານກິລາໂອລິມປິກສີຂຽວດັ່ງກ່າວ.
ຫຼັງຈາກມາຮອດປັກກິ່ງໃນວັນທີ15ມັງກອນແລ້ວ,ທ່ານພອນໄດ້ຍ່າງຢູ່ຕະຫຼອດ,ຄືໄດ້ຍ່າງໄປຫາຜ່ານເຂດແລະເມືອງສ່ວນຫຼາຍຂອງປັກກິ່ງ,ໄດ້ມີພາບປະທັບໃຈຢ່າງເລິກເຊິ່ງຕໍ່ ມາດຕະການທີ່ປັກກິ່ງເອົາໃຈໃສ່ນຳການປູກຕົ້ນໄມ້ຕົ້ນຫຍ້າຢູ່ທຸກໆບ່ອນ,ໃຊ້ອຸປະກອນກໍ່ສ້າງທີ່ປະຢັດພະລັງງານແລະບໍ່ເຊື່ອມພິດຕໍ່ສິ່ງແວດລ້ອມໃນການກໍ່ສ້າງກິດຈະການໂອລິມປິກ. ທ່ານຮູ້ສຶກວ່າ,ເຖິງວ່າຈີນກໍ່ປະເຊີນກັບບັນຫາມົນລະພິດດ້ານສິ່ງແວດລ້ອມຄືກັນກັບປະເທດອື່ນໆກໍຕາມ,ແຕ່ຈີນມີທ່າທີອັນຕັ້ງໜ້າຕໍ່ການອະນຸລັກສິ່ງແວດລ້ອມ,ທ່ານເຊື່ອວ່າ,ອີກບໍ່ດົນ, ຈີນຈະກາຍເປັນປະເທດທີ່ນຳໜ້າພາທາງໃນດ້ານອະນຸລັກສິ່ງແວດລ້ອມ,ງານກິລາໂອລິມປິກປັກກິ່ງກໍຍ່ອມຈະຈັດເປັນງານກິລາໂອລິມປິກສີຂຽວທີ່ສຳເລັດຜົນຢ່າງແນ່ນອນ. ໃນເວລາຍ່າງຢູ່ແຫ່ງຕ່າງໆ,ທ່ານພອນກໍ່ໄດ້ເຂົ້າໃກ້ຊິດກັບປະຊາຊົນຈີນຢ່າງຫຼວງຫຼາຍ,ຄວາມ ດູດດື່ມແລະໄມຕີຈິດຂອງປະຊາຊົນຈີນເຮັດໃຫ້ທ່ານຕື້ນຕັນໃຈທີ່ສຸດ.ທ່ານເວົ້າວ່າ,
ໃນເວລາຢູ່ປັກກິ່ງ,ແຕ່ລະມື້ກໍ່ມີເລື່ອງມ່ວນໆເກີດຂຶ້ນ.ພຽງແຕ່ຄົນທີ່ໄດ້ພົບເຫັນໃນທຸກໆມື້ກໍ່ມີໄມຕີຈິດຫຼາຍ.ພວກເຂົາເຈົ້າໃຜໆກໍ່ດູດດື່ມແລະມີໄມຕີຈິດ.ໃນຕອນຄ່ຳວັນສິ້ນປີຂອງບຸນກຸດຈີນ,ຂ້າພະເຈົ້າຍັງຍ່າງຢູ່ຕາມທາງ,ຍັງບໍ່ມີບ່ອນພັກເຊົາ,ບໍ່ຮູ້ຈະເຮັດແນວໃດ.ໃນຂະນະນັ້ນ,ຜູ້ສາວຜູ່ໜຶ່ງໄດ້ຂັບລົດມາຈອດຢູ່ຂ້າງຂ້າພະເຈົ້າ,ເຊີນຂ້າພະເຈົ້າໄປຫຼິ້ນບຸນກຸດຈີນຢູ່ເຮືອນນາງ.
ກໍ່ເໝືອນດັ່ງຄວາມຮູ້ສຶກຂອງທ່ານພອນ,ການກະທຳຂອງທ່ານທີ່ສົ່ງເສີມໂອລິມ ປິກສີຂຽວນັ້ນໄດ້ຮັບການສະໜັບສະໜູນຢ່າງແຂງແຮງຈາກລັດຖະບານແລະສັງຄົມຈີນ.ເຈົ້າໜ້າທີ່ຜູ້ໜຶ່ງຂອງກົມປ່າໄມ້ແຫ່ງຊາດຈີນໄດ້ພົບປະທ່ານໂດຍຈຳເພາະ,ແລະຍ້ອງຍໍການກະທຳຂອງທ່ານ.ຜູ່ປະຕິບັດງານໃນບ້ານໜ່ວຍໂລກປັກກິ່ງເຊິ່ງເປັນອົງການຈັດຕັ້ງອະນຸລັກສິ່ງແວດລ້ອມຝ່າຍພົນລະເມືອງປັກກິ່ງຍັງໄດ້ລະດົມຜູ້ອາສາສະໝັກອະນຸລັກສິ່ງແວດລ້ອມທັງຫຼາຍດຳເນີນການເຄື່ອນໄຫວນຳກັນກັບທ່ານ.ທ່ານຊືທຽນອູໃນບ້ານໜ່ວຍໂລກປັກກິ່ງບອກນັກຂ່າວວ່າ,
ກ່ອນອື່ນພວກເຮົາໄດ້ບອກຜູ້ໃຫ້ອາສາສະໝັກ700ຄົນຂອງບ້ານໜ່ວຍໂລກໂຄສະນາ.ພ້ອມກັນນັ້ນພວກເຮົາກໍໄດ້ເຮັດເວັບໄຊເພື່ອຕິດຕໍ່ພົວພັນກັບຜູ່ອາສາສະໝັກທີ່ຍິນດີຍ່າງນຳທ່ານນັ້ນໂດຍຕະຫຼອດ.ພ້ອມກັນນັ້ນ,ການກະທຳຂອງທ່ານພອນກໍ່ໄດ້ຮັບການຕອບສະໜອງຈາກໄທເມືອງປັກກິ່ງອັນໄພສານ.ພວກເຂົາເຈົ້າໄດ້ຍ້ອງຍໍທ່ານພອນທີ່ມີຄວາມຕັ້ງໃຈຍ່າງໄປທົ່ວໂລກແລະປູກຕົ້ນໄມ້100ລ້ານຕົ້ນໃນເວລາຍັງມີຊີວິດ.
ຫຼັງຈາກອອກກິນເບ້ຍບຳນານແລ້ວ ນາງຢຸຍຊີ່ນປີ່ນ ໄທເມືອງປັກກິ່ງ,ກໍ່ໄດ້ສະໝັກໃຈໂຄສະນາການອະນຸລັກສິ່ງແວດລ້ອມຕະຫຼອດມາ,ນາງເວົ້າວ່າ,ການກະທຳຂອງທ່ານພອນໄດ້ເຮັດໃຫ້ນາງກະຕຸ້ນໃຈຫຼາຍ.ນາງເວົ້າວ່າ,
ການກະທຳຂອງທ່ານທັງສັກສິດທັງຍິ່ງໃຫຍ່,ແຕ່ລຳບາກທີ່ສຸດ.ວຽກນີ້ມີຄວາມໝາຍທີ່ສຸດ.ຂ້າພະເຈົ້າຍັງຈະເຮັດວຽກໂຄສະນາອະນຸລັກສິ່ງແວດລ້ອມຕໍ່ໄປອີກ,ຕົວຢ່າງຄືສອນໄທເມືອງແບ່ງປະເພດຂີ້ເຫຍື້ອໃນຄຸ້ມເຮືອນຢູ່,ດຳລົງຊີວິດແບບປະຢັດແລະອະນຸລັກສິ່ງແວດລ້ອມ,ແລະກໍ່ສ້າງຄຸ້ມເຮືອນຢູ່ໃຫ້ດີງາມ.
ທ່ານພອນເວົ້າວ່າ,ເມື່ອຮອດເວລາຈັດງານກິລາໂອລິມປິກປັກກິ່ງປີ2008,ທ່ານຍັງຈະມາຈີນອີກ,ເພື່ອໂຄສະນາທັດສະນະຄະຕິໂອລິມປິກສີຂຽວໄປສູ່ແຫ່ງຕ່າງໆໃນໂລກ.ທ່ານເວົ້າວ່າ,
ປີ2008ຂ້າພະເຈົ້າຍັງຈະມາໂຄສະນາອະນຸລັກສິ່ງແວດລ້ອມອີກ.ຮອດເວລານັ້ນ,ງານກິລາໂອລິມປີກສີຂຽວກໍ່ບໍ່ພຽງແຕ່ແມ່ນວຽກຂອງປັກກິ່ງເທົ່ານັ້ນແລ້ວ, ຄົນປະເທດຕ່າງໆໃນໂລກມາຊົມງານກິລາໂອລິມປິກຢູ່ປັກກິ່ງ.ພວກເຂົາເຈົ້າຍ່ອມຈະນຳເອົາທັດສະນະຄະຕິໂອລິມປິກສີຂຽວໄປສູ່ແຫ່ງຕ່າງໆໃນໂລກ.
|
|
|
