ຜູ້ນຳອົງການຮາມັດສ໌ເວົ້າວ່າ ການຕໍ່ຕ້ານອິສຣາແອນແມ່ນການເລືອກເອົາ ແຕ່ບໍ່ແມ່ນເປົ້າໝາຍສຸດທ້າຍ
cri
Author: cai
ຕາມຂ່າວCRI:ວັນທີ 20 ມີນາ,ຢູ່ຊານາ ນະຄອນຫຼວງອີເອເມນ,ທ່ານຮາລີດ ມາຊາອານ ຜູ້ນຳກົມການເມືອງຂອງອົງການຮາມັດສ໌ປາເລັສຕີນທີ່ໄປຢ້ຽມຢາມອີເອເມນເວົ້າວ່າ,ການຕໍ່ຕ້ານອິສຣາແອນຢ່າງຊອບກົດໝາຍນັ້ນແມ່ນການເລືອກເອົາຂອງອົງການຮາມັດສ໌,ແຕ່ຫາກບໍ່ແມ່ນເປົ້າໝາຍສຸດທ້າຍ.
ທ່ານຍັງເວົ້າວ່າ,ໃນບັນຫາຄອງອຳນາດ,ອົງການຮາມັດສ໌ໄດ້ຫວັງຢາກຮ່ວມມືກັບພັກຝ່າຍການເມືອງອື່ນໆໂດຍຕະຫຼອດ,ແຕ່ອາເມລິກາໄດ້ໃຊ້ກຳລັງໜີບຕໍ່ຝ່າຍຕ່າງໆຂອງປາເລັສຕີນ,ບັງຄັບບໍ່ໃຫ້ພວກເຂົາເຈົ້າເຂົ້າຮ່ວມຄະນະລັດຖະບານຊຸດໃໝ່ທີ່ນຳໂດຍອົງການຮາມັດສ໌.
ມື້ດຽວກັນ,ໃນເວລາທ່ານຊາເລ ປະທານາທິບໍດີອີເອເມນພົບປະຄະນະຜູ້ແທນອົງການຮາມັດສ໌ນັ້ນ,ທ່ານໄດ້ຮຽກຮ້ອງໃຫ້ອົງການຮາມັດສ໌ຮັບເອົາຂໍ້ລິເລີ່ມຂອງອາລາບກ່ຽວກັບສັນຕິພາບຕາເວັນອອກກາງ,ຮັບຮອງອິສຣາແອນ.
ນອກນີ້,ຂ່າວແຈ້ງວ່າ,ກອງປະຊຸມລັດຖະມົນຕີການຕ່າງປະເທດສະຫະພາບເອີລົບທີ່ຈັດຂຶ້ນຢູ່ບຼູແຊນໃນວັນທີ 20 ມີນາບໍ່ໄດ້ທຳການຕົກລົງໃໝ່ກ່ຽວກັບບັນຫາຊ່ອຍເຫຼືອປາເລັສຕີນ.
|
|