|
ກອງປປະຊຸມປະຈຳປີຂອງສະພາປຶກສາການເມືອງປະຊາຊົນແຫ່ງຊາດຈີນຫາກໍ່ອັດລົງຢູ່ປັກກິ່ງ.ໃນຖານເປັນອົງການຈັດຕັ້ງຂອງການຮ່ວມມືຫລາຍພັກແລະການປຶກສາການເມືອງຂອງຈີນ, ໃນສະພາປຶກສາການເມືອງປະຊາຊົນແຫ່ງຊາດຈີນໄດ້ໂຮມສູນບຸກຄົນຜູ່ຍອດຢ້ຽມທີ່ມາຈາກວົງການຕ່າງໆໃນສັງຄົມຈີນ.ທ່ານອາດຈະຍັງບໍ່ຮູ້ວ່າ, ໃນບັນດາກຳມະການສະພາປຶກສາການເມືອງແຫ່ງຊາດ,ມີເກືອບ 10% ແມ່ນມາຈາກວົງການສິນລະປະວັດທະນະທຳ.ໃນຫລາຍສິບປີມານີ້, ກຳມະການສະພາປຶກສາການເມືອງທີ່ມາຈາກວົງການສິນລະປະກຳໄດ້ຕັ້ງຫນ້າເຂົ້າຮ່ວມການເມືອງແລະປຶກສາການເມືອງ, ປະກອບຄຳຄິດຄຳເຫັນໃຫ້ແກ່ການພັດທະນາຂອງປະເທດຊາດ.ວຽກທີ່ພວກເຂົາເຈົ້າສົນໃຈນັ້ນ, ບໍ່ສະເພາະແມ່ນຂົງເຂດວັດນະທະທຳ,ຍັງກວມເຖິງບັນຫາຈຸດຮ້ອນແລະຈຸດເດືອດທັງຫມົດໃນທຸກຂົງເຂດ.
ໃນການປະຊຸມຈຸຂອງກອງປະຊຸມສະພາປຶກສາການເມືອງປະຊາຊົນແຫ່ງຈີນປີນີ້,ທ່ານນາງໂລທຽນຊານ ນັກຮ້ອງທີ່ມີຊື່ສຽງຂອງຈີນພວມປະ ກອບຄຳຄິດຄຳເຫັນກ່ຽວກັບການກກໍ່ສ້າງໂຮງລະຄອນແຫ່ງຊາດທີ່ສັງຄົມຈີນສົນໃຈໂດຍທົ່ວໄປ.
ໂຮງລະຄອນແຫ່ງຊາດແມ່ນສະຖານທີ່ສະແດງລາຍການວັດທະນະທຳຂະຫນາດໃຫຍ່,ຕັ້ງຢູ່ທິດພາກຕາເວັນຕົກສຽງໃຕ້ຂອງພະລາຊະວັງກູກົງ ໃຈກາງນະຄອນຫລວງປັກກິ່ງ, ດຽວນີ້ກຳລັງກໍ່ສ້າງຢູ່.ໂຮງລະຄອນນີ້ແມ່ນສິ່ງກໍ່ສ້າງຮູບມົນຫນ່ວຍໄຂ່ທີ່ອອກແບບໂດຍທ່ານໂບຣ.ແອນເດີລູ ນັກອອກແບບສິ່ງກໍ່ສ້າງທີ່ມີຊື່ສຽງຂອງຝຼັ່ງ,ຍ້ອນເຂົາມີຮູບຕ່າງກັນກັບສິ່ງກໍ່ສ້າງດັ້ງເດີມຂອງຈີນ, ຕັ້ງແຕ່ເລີ່ມກໍ່ສ້າງເມື່ອປີ 2001 ເປັນຕົ້ນມາ, ໃນວົງການຕ່າງໆກໍ່ມີການຖົກຖຽງກັນໂດຍຕະຫລອດ.ແຕ່ຄຽງຄູ່ກັບວັນເວລາຜ່ານພົ້ນໄປ, ໄທປັກກິ່ງກໍ່ຄ່ອຍໆລຶ້ງກັບເຂົາແລ້ວ. ບັນຫາທີ່ບັນດາກຳມະການສົນໃຈໃນປະຈຸບັນ,ຫນຶ່ງແມ່ນກິດການການດັ່ງກ່າວດຳເນີນຊັກຊ້າທີ່ທ່ານນາງໂລທຽນຊານກ່າວເຖິງ, ອີກບັນຫາຫນຶ່ງແມ່ນໂຮງລະຄອນແຫ່ງຊາດຈະຫມູນເດີນແນວໃດພາຍຫລັງສ້າງສຳເລັດແລ້ວ.
ຈາກເລື່ອງນີ້,ພວກເຮົາສາມາດເຫັນໄດ້ວ່າ, ກຳມະການວົງການສິນລະ ປະກຳໄດ້ເສີມຂະຫຍາຍບົດບາດໃນອົງການຈັດຕັ້ງປຶກສາການເມືອງແນວໃດ.ສະພາປຶກສາການເມືອງຖືກເອີ້ນເປັນສາງທີ່ປືກສາຂອງຈີນ,ມີພາລະບົດ ບາດປຶກສາການເມືອງ, ຕິດຕາມຢ່າງມີປະຊາທິປະໄຕ, ເຂົ້າຮ່ວມການເມືອງແລະປຶກສາການເມືອງ.ກໍ່ເຊັນດຽວກັນກັບທ່ານນາງໂລທຽນຊານ, ບັນດາກຳມະການສະພາປຶກສາການເມືອງທີ່ມາຮ່ວມປະຊຸມຢູ່ປັກກິ່ງໄດ້ນຳເອົາຄວາມປາຖະຫນາ ຄວາມຮຽກຮ້ອງແລະຂໍ້ສະເຫນີຂອງມວນຊົນໃນວົງການຕ່າງໆມາປະກອບຢູ່ທີ່ປະຊຸມ,ສ່ວນບັນຫາທີ່ພວກເຂົາເຈົ້າສົນໃຈຫລາຍກວ່າຫມູ່ນັ້ນູ,ແມ່ນບັນຫາຈຸດຮ້ອນໃນວົງການສິນລະປະວັດທະນະທຳທີ່ພວກເຂົ້າເຈົ້າຮູ້ຈັກດີ.ໃນນັ້ນ, ມີທັງເລື່ອງຕົວຈິງຄື ການກໍ່ສ້າງໂຮງລະຄອນແຫ່ງຊາດ, ກໍ່ມີບັນຫາມະຫາພາກ,ຕົວຢ່າງຄື: ຈະສ້າງສະພາບແວດລ້ອມວັດທະນະທຳອັນດີງາມແນວໃດ, ຈະຊຸກຍູ້ການພັດທະນາອຸດສາຫະກຳດ້ານວັດທະນະທຳແນວໃດ,ຈະເຮັດໃຫ້ຕະຫລາດດ້ານວັດທະນະທຳຈີນເຊື່ອມຕໍ່ກັບສາກົນແນວໃດແລະອື່ນໆ.
ທ່ານລີເຢນເຊິງ ນັກແຕ້ມຜູ່ມີຊື່ສຽງຂອງຈີນ ກຳມະການສະພາປຶກສາການເມືອງເຄີຍຮູ້ສຶກຄຽດແຄ້ນທີ່ສຸດຕໍ່ຜູ່ອື່ນປອມແປງຮູບແຕ້ມຂອງຕົນເອງ.ແຕ່ເມື່ອສຳຫລວດຕະຫລາດສິນລະປະກຳແລ້ວ,ທ່ານຮູ້ແລ້ວວ່ານີ້ແມ່ນບັນຫາສັງຄົມທີ່ສັບສົນ, ຕ້ອງອີງໃສ່ກົດຫມາຍແລະບູລະນະລະບອບໃຫ້ຄົບຖ້ວນບໍລິບູນຈິ່ງແກ້ໄຂໃຫ້ຕົກໄດ້.ໃນກອງປະຊຸມສະພາປຶກສາການເມືອງແຫ່ງຊາດທີ່ຈັດຂຶ້ນໃນປີນີ້, ຍັດຕິທີ່ທ່ານສະເຫນີນັ້ນກໍ່ແມ່ນກ່ຽວພັນເຖິງລະບຽບຕະຫລາດເຄື່ອງສິນລະປະກຳ.ທ່ານເວົ້າຕໍ່ນັກຂ່າວວ່າ:
ຕະຫລາດເຄື່ອງສິນລະປະກຳຄຶກຄັກຫລາຍ, ແຕ່ກໍ່ມີເຄື່ອງປອມຢ່າງຫລວງຫລາຍ, ເຄື່ອງປອມບາງຢ່າງໄດ້ວາງລາຄາຫລາຍຮ້ານຢວນ,ນີ້ກໍ່ເປັນການຫລອກຫລ່ວງ, ສະນັ້ນ, ຍັງຕ້ອງການອີງໃສ່ລະບອບກົດຫມາຍ,ການ ສະເຫນີຍັດຕິສະບັບນີ້ກໍ່ແມ່ນຫວັງຢາກເຮັດໃຫ້ຕະຫລາດເຄື່ອງສິນລະປະ ກຳເປັນແບບສະບັບ, ປົກປັກຮັກສາລິຂະສິດ.
ທ່ານກຳມະການລີຢຽນເຊິງເຫັນວ່າ, ກົດຫມາຍວ່າດ້ວຍການຂາຍເລທີ່ຈີນປະຕິບັດໃນປະຈຸບັນ,ບໍ່ມີການກຳນົດຢ່າງຈະແຈ້ງໃນບັນຫາບໍລິສັດຂາຍເລຮັບປະກັນຄວາມຈິງຂອງເຄື່ອງສິນລະປະກຳ,ເພາະວ່ານີ້ບໍ່ມີຜົນດີຕໍ່ຕະ ຫລາດຂາຍເລຂອງຈີນປັດເຂ່ຍເຄື່ອງປອມແລະຮັກສາເຄື່ອງແທ້ໄວ້, ສະນັ້ນ, ມີຄວາມຈຳເປັນປັບປຸງກົດຫມາຍທີ່ກ່ຽວຂ້ອງໂດຍໄວ.
ໃນຫລາຍປີມານນີ້, ຍັດຕິເປັນຈຳນວນຫລວງຫລາຍທີ່ສະເຫນີໂດຍກຳມະການສະພາປຶກສາການເມືອງວົງການສິນລະປະກຳລ້ວນແຕ່ໄດ້ຮັບຄວາມເອົາໃຈໃສ່ໃນລະດັບສູງຈາກພາກສ່ວນທີ່ກ່ຽວຂ້ອງຂອງລັດຖະບານຈີນ.ບັນຫາບໍ່ຫນ້ອຍທີ່ເກີດຂຶ້ນໃນການພັດທະນາວັດທະນະທຳແລະສິນລະປະກຳໄດ້ຮັບການແກ້ໄຂເທື່ອລະກ້າວ.ໃນກອງປະຊຸມສະພາປຶກສາການເມືອງທົ່ວປະເທດຈີນທີ່ໄຂຂຶ້ນໃນເດືອນມີນາປີ 2001,ທ່ານກຳມະການຢີຢາງ ຜູ່ກຳກັບການສະແດງຮູບເງົາທີ່ມີຊື່ສຽງຂອງຈີນໄດ້ຮຽກຮ້ອງວ່າຕ້ອງເອົາໃຈໃສ່ນຳການກກໍ່ສ້າງຫໍພິພິຕະພັນຮູບເງົາຈີນ, ໃນກອງປະຊຸມປີນນີ້, ກຳມະການວົງການຮູບເງົາຫລາຍທ່ານໄດ້ຮ່ວມກັນສະເຫນີຍັດຕິກ່ຽວກັບການສ້າງຫໍພິຕະພັນຮູບເງົາຂອງຈີນ.ຫລັງຈາກນັ້ນຫນຶ່ງປີ, ລັດຖະບານຈີນໄດ້ອະນຸມັດຢ່າງເປັນທາງການໃຫ້ສ້າງຫໍພິພິ ຕະພັນຮູບເງົາລະດັບຊາດ,ແລະໄດ້ສຳເລັດການເລືອກສະຖານທີ່.ທ້າຍປີ 2002,ກໍ່ເລີ່ມສ້າງຫໍພິພິຕະພັນ, ເມື່ອຮອດທ້າຍປີກາຍນີ້,ເຊິ່ງເນື່ອງໃນວັນລະລຶກຮູບເງົາຈີນກຳເນີດຂຶ້ນຄົບຮອບ 100ປີ,ຫໍພິພິຕະພັນຮູບເງົາຈີນໄດ້ເປີດບໍລິການແລ້ວ.
ເມື່ອກ່າວເຖິງບັນຫາກຳມະການສະພາປຶກສາການເມືອງວົງການສິນ ລະປະກຳເຂົ້າຮ່ວມການເມືອງແລະປຶກສາການເມືອງ, ທ່ານຈ່ຽງຄຸນ ນັກສະແດງສີປາກດຶກໃນ ຜູ່ຊື່ດັງໄດ້ເປັນກຳມະການສະພາປຶກສາການເມືອງແຫ່ງຊາດສາມສະໄຫມລຽນຕິດແລ້ວ, ທ່ານເຫັນວ່າ, ກຳມະການວົງການສິນລະປະກຳມີມູນເຊື້ອທີ່ຕັ້ງຫນ້າປະກອບຄຳຄິດຄຳເຫັນໂດຍຕະຫລອດ. ທ່ານເວົ້າວ່າ:
ເວົ້າສຳລັບກຳມະການວົງການສິນລະປະກຳແລ້ວ, ການເຂົ້າຮ່ວມການເມືອງແລະປຶກສາການເມືອງມີມູນເຊື້ອໂດຍຕະຫລອດ, ລວມທັງທ່ານອາ ຈານມາຈີ້,ທ່ານແມ່ນກຳມະການຜູ່ອາວູໂສແລ້ວ,ທ່ານອາຈານໂຫປາວລິນທີ່ເຖິງແກ່ກຳໄປນັ້ນ, ກໍ່ລ້ວນແຕ່ຕາງຫນ້າວົງການສີປາກດຶກໃນເຂົ້າຮ່ວມການເຄື່ອນໄຫວຕ່າງໆຂອງສະພາປຶກສາການເມືອງແຫ່ງຊາດ,ໄດ້ປະກອບຄຳຄິດຄຳເຫັນຢ່າງຫລວງຫລາຍເພື່ອລາຍການສີປາກດຶກໃນຈະເລີນຮຸ່ງເຮືອງ.
ລາຍການຊຽງເຊີນແມ່ນຮູບການດັ້ງເດີມສີປາກດຶກໃນຂອງຈີນ,ນັກສະແດງສີປາກດຶກໃນເຮັດໃຫ້ຜູ່ຊົມຫົວຮະໆໂດຍຜ່ານການເວົ້າແລະຂັບຮ້ອງ,ໄດ້ຮັບຄວາມນິຍົມຊົມຊອບຈາກມວນຊົນຈີນໃນເວລາຍາວນານມານີ້.ທ່ານອາຈານໂຫປາວລິນແລະທ່ານອາຈານມາຈີ້ທີ່ທ່ານຈ່ຽງຄຸນກ່າວຢູ່ຂ້າງເທິງນີ້ລ້ວນແຕ່ແມ່ນນັກສະແດງທີ່ມີຊື່ສຽງໃນປະຫວັດລາຍການສີປາກດຶກໃນຂອງຈີນ.ທ່ານໂຫປາວລິນທີ່ເຖິງແກ່ກຳໄປນັ້ນຍິ່ງແມ່ນມະຫາອານຈານຜູ່ຫນຶ່ງໃນປະຫວັດລາຍການສີປາກດຶກໃນຂອງຈີນ, ທ່ານດັດແປງລາຍການສີປາກດຶກໃນໃຫ້ປອດໃສນັ້ນໄດ້ຮັບຄວາມຮັບຮອງຈາກສັງຄົມຢ່າງກວ້າງຂວາງ,ທ່ານເຄີຍເປັນກຳມະການສະພາປຶກສາການເມືອງແຫ່ງຊາດແລະຜູ່ແທນສະພາປະຊາຊົນແຫ່ງຊາດຈີນຫລາຍຊຸດ.ໃນເວລາທ່ານເປັນກຳມະການສະພາປຶກ ສາການເມືອງ,ທ່ານກໍ່ໄດ້ໃຫ້ຂໍ້ສະເຫນີແລະຄວາມເຫັນຫລວງຫລາຍກ່ຽວກັບການສືບທອດແລະພັດທະນາສີປາກດຶກໃນດັ້ງເດີມຂອງຈີນ,ນີ້ໄດ້ເສີມ ຂະຫຍາຍບົດບາດສຳຄັນຕໍ່ການພັດທະນາລາຍການຊຽງເຊີນ ເຊິ່ງເປັນສິນ ລະປະກຳດັ້ງເດີມຂອງຈີນ.
|
