|
ອາເມລິກາອັງກິດແກ້ຕົວຕາງນະໂຍບາຍຕໍ່ອີຣັກຂອງພວກເຂົາອີກເທື່ອໜຶ່ງ
cri
Author: shuo
ຕາມຂ່າວCRI:ເພື່ອຍາດແຍ່ງເອົາການສະໜັບສະໜູນຂອງປະຊາຊົນພາຍໃນປະເທດໃນບັນຫາອີຣັກ,ວັນທີ21ມີນາ,ໃນງານຖະແຫຼງຂ່າວທີ່ຈັດຂຶ້ນຢູ່ທີ່ທຳນຽບຂາວ,ທ່ານບຸສ ປະທານາທິບໍດີອາເມລິກາໄດ້ແກ້ຕົວຕາງນະໂຍບາຍຕໍ່ອີຣັກຂອງເຂົາອີກເທື່ອໜຶ່ງ.ທ່ານບຸສເວົ້າວ່າ,ທ່ານຕົກລົງກໍ່ສົງຄາມອີຣັກ,ແມ່ນເພື່ອປົກປ້ອງປະຊາຊົນອາເມລິກາ.ທ່ານຍັງໄດ້ກ່າວຕີໂຕ້ຄວາມເວົ້າທີ່ວ່າອີຣັກໄດ້ຕົກຢູ່ໃນເສິກການເມືອງ.
ສ່ວນບັນຫາກອງທະຫານອາເມລິກາຈະຖອນອອກຈາກອີຣັກໃນເວລາໃດນັ້ນ,ທ່ານບຸສເວົ້າວ່າ,ໃນ3ປີຕໍ່ໄປ,ກອງທະຫານອາເມລິກາປະຈຳອີຣັກຍັງອາດຈະຕ້ອງປະຈຳຢູ່ອີຣັກຄືເກົ່າ,ຖອນທະຫານໃນເວລາໃດຕ້ອງໃຫ້ປະທານາທິບໍດີອາເມລິກາຊຸດໜ້າແລະລັດຖະບານອີຣັກເປັນຜູ້ຕົກລົງ.
ພ້ອມກັນນີ້,ໃນເວລາທ່ານໂທນີ ແບຼນາຍົກລັດຖະມົນຕີອັງກິດກ່າວປາຖະກະຖາບັນລະຍາຍນະໂຍບາຍການຕ່າງປະເທດຂອງທ່ານໃນວັນທີ21ມີນາ,ທ່ານກໍໄດ້ແກ້ຕົວຕາງນະໂຍບາຍຕໍ່ອີຣັກຂອງທ່ານ.ທ່ານແບຼເວົ້າວ່າ,ອັງກິດສົ່ງທະຫານໄປອີຣັກ,ແມ່ນເພື່ອຄວາມປອດໄພຂອງຊາດໃນອະນາຄົດ.
|
|
