|
|
 |
| (GMT+08:00)
2006-03-22 14:16:07
|
 |
|
ຮອງຜູ່ແທນການຄ້າອາເມລິກາເຫັນວ່າການພົວພັນການຄ້າຈີນອາເມລິກາເຮັດໃຫ້ສອງຝ່າຍໄດ້ຮັບຜົນປະໂຫຍດນຳກັນ
cri
ຕາມຂ່າວສານຊິນຮວາ,ໃນເວລາກ່າວຄຳປາໄສຢູ່ຊຽງໄຮ້ໃນວັນທີ21ມີນາ,ທ່ານຄາລານບາເຕຍ ຮອງຜູ່ແທນການຄ້າອາເມລິກາກ່າວວ່າ,ການພົວພັນເສດຖະກິດການຄ້າຈີນອາເມລິກາແມ່ນການພົວພັນການຄ້າສອງຝ່າຍທີ່ສຳຄັນກວ່າໝູ່ໃນໂລກປະຈຸບັນ, ການຄ້າແລະການລົງທຶນລະຫວ່າງສອງປະເທດເຮັດໃຫ້ສອງຝ່າຍໄດ້ຮັບຜົນປະໂຫຍດນຳກັນ.
ປີ2005,ມູນຄ່າການຄ້າລະຫວ່າງຈີນກັບອາເມລິກາໄດ້ເພີ່ມຂຶ້ນຫຼາຍກວ່າປີ1981 50ເທົ່າ,ຈີນໄດ້ກາຍເປັນປະເທດຂາອອກໃຫຍ່ທີ4ແລະຂາເຂົ້າໃຫຍ່ທີສອງຂອງອາເມລິກາ,ອາເມລິກາລົງທຶນຢູ່ຈີນໂດຍກົງ ໄດ້ບັນລຸເຖິງ15ຕື້400ລ້ານໂດລາ.ທ່ານບາເຕຍກ່າວວ່າ,ຜູ່ບໍລິໂພກຂອງອາເມລິກາຈະໄດ້ຊື້ສິນຄ້າຈີນທຸກປະເພດທີ່ຄຸນນະພາບດີລາຄາຖືກ,ບໍລິສັດອາເມລິກາສ້າງຖານຜະລິດສິນຄ້າຢູ່ຈີນ,ໄດ້ເພີ່ມທະວີກຳລັງແກ່ງແຍ່ງຂອງເຂົາຢູ່ໃນໂລກ.ສ່ວນຝ່າຍຈີນເຂົ້າສູ່ຕະຫຼາດອາເມລິກາພັດໄດ້ຊຸກຍູ້ໃຫ້ເສດຖະກິດຂອງຕົນພັດທະນາ.
ເມື່ອກ່າວເຖິງບັນຫາຂັດສີກັນດ້ານການຄ້າຈີນອາເມລິການັ້ນ,ເຈົ້າໜ້າທີ່ທີ່ຮັບຜິດຊອບນະໂຍບາຍການຄ້າຕໍ່ຈີນຂອງອາເມລິກາຜູ່ນີ້ເຫັນວ່າ,ທະແນມແຕ່ສອງຝ່າຍສະແຫວງຫາແຜນການແກ້ໄຂໃຕ້ກົນໄກຂອງອົງການການຄ້າໂລກແລ້ວ,ລະຫວ່າງສອງປະເທດກໍບໍ່ອາດຈະເກີດສົງຄາມການຄ້າ.ທ່ານຍັງກ່າວວ່າ,ອາເມລິກາຈະເພີ່ມທະວີການພົວພັນການຄ້າແລະການລົງທຶນຢູ່ພາກພື້ນອາຊີ,ປັບປຸງການພົວພັນລະຫວ່າງຈີນອາເມລິກາໃຫ້ລົງສູ່ລວງເລິກຕື່ມອີກ.
|
|
|
