|
|
 |
| (GMT+08:00)
2006-03-22 18:59:52
|
|
ສະຫະພາບເອີລົບບໍ່ໄດ້ປ່ຽນແປງຫຼັກໝັ້ນທີ່ສະໜັບສະໜູນອົງການອຳນາດແຫ່ງຊາດປາເລັສຕີນ
cri
Author: cai
ຕາມຂ່າວສານຊີນຮວາ:ວັນທີ 21 ມີນາ,ຢູ່ກາຊາບຼັງກາ,ທ່ານນາງເຟເລໂລ ວາດເນີ ກຳມາທິການສະຫະພາບເອີລົບທີ່ຮັບຜິດຊອບການພົວພັນກັບຕ່າງປະເທດແລະນະໂຍບາຍໄມຕີຈິດຕໍ່ປະເທດໃກ້ຄຽງຂອງເອີລົບເວົ້າວ່າ,ພາຍຫຼັງອົງການຮາມັດສ໌ຂອງປາເລັສຕີນປະກາດປະກອບລັດຖະບານຊຸດໃໝ່ແລ້ວ,ສະຫະພາບເອີລົບບໍ່ໄດ້ປ່ຽນແປງຫຼັກໝັ້ນທີ່ສະໜັບສະໜູນອົງການອຳນາດແຫ່ງຊາດປາເລັສຕີນນັ້ນຢ່າງໃຫຍ່.
ທ່ານນາງວາດເນີພວມຢ້ຽມຢາມເຮັດວຽກຢູ່ມາລົກ,ນາງກ່າວເນັ້ນວ່າ,ອົງການຮາມັດສ໌ຕ້ອງຮັບຮອງອິສຣາແອນ ປະລະກຳລັງຮຸນແຮງແລະປະຕິບັດຕາມສັນຍາທຸກສະບັບທີ່ໄດ້ເຊັນກັນໃນເມື່ອກ່ອນ.
ທ່ານນາງວາດເນີຍັງກ່າວວ່າ,ສະຫະພາບເອີລົບພວມລໍຖ້າຜົນການເຈລະຈາລະຫວ່າງທ່ານອັບບາສ ປະທານອົງການອຳນາດແຫ່ງຊາດປາເລັສຕີນກັບລັດຖະບານອົງການຮາມັດສ໌ທີ່ຈະຈັດຂຶ້ນໃນໄວໆນີ້,ເພື່ອຕົກລົງວ່າຈະໃຫ້ການຊ່ອຍເຫຼືອແກ່ລັດຖະບານຊຸດໃໝ່ຂອງປາເລັສຕີນຫຼືບໍ່ແລະຊ່ອຍເຫຼືອຫຼາຍປານໃດ.
|
|
|
