|
|
 |
| (GMT+08:00)
2006-03-22 19:35:04
|
 |
|
ທ່ານເຈຍຊີ້ງລີງເຈລະຈາກັບທ່ານຟານວັນຄາຍ
cri
|
ຕາມຂ່າວCRI,ວັນທີ21ມີນາຢູ່ທີ່ຮາໂນຍ,ທ່ານເຈຍຊິ້ງລິງ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນທີ່ພວມຢ້ຽມຢາມຫວຽດນາມໄດ້ເຈລະຈາກັບທ່ານຟານວັນຄາຍ ກຳມະການກົມການເມືອງສູນກາງພັກກອມມູນິດຫວຽດນາມ ນາຍົກລັດຖະມົນຕີຫວຽດນາມ.
ໃນການເຈລະຈາ,ທ່ານຟານວັນຄາຍເວົ້າວ່າ,ໃນສະເພາະໜ້ານີ້,ການພົວພັນລະຫວ່າງຫວຽດນາມກັນຈີນຂະຫຍາຍຕົວເປັນຢ່າງດີ,ຫວຽດນາມຍິນດີຖອດຖອນບົດຮຽນອັນສຳເລັດຜົນຂອງຈີນໃນການຊຸກຍູ້ການປະຕິຮູບແລະໄຂປະຕູສູ່ພາຍນອກແລະຊຸກຍູ້ການພັດທະນາ.ຝ່າຍຫວຽດນາມຍິນດີເພີ່ມທະວີການຮ່ວມມືເສດຖະກິດການຄ້າກັບຝ່າຍຈີນ,ຊົມເຊີຍວິສາຫະກິດຈີນມາລົງທຶນສ້າງທຸລະກິດຢູ່ຫວຽດນາມ,ແລະຈະອຳນວຍຄວາມສະດວກຫຼາຍກວ່າເກົ່າໃຫ້ແກ່ພວກເຂົາເຈົ້າ.
ທ່ານເຈຍຊິ້ງລີງກ່າວວ່າ,ຈີນຫວຽດນາມລ້ວນແຕ່ຢູ່ໃນໄລຍະເສດຖະກິດພັດທະນາຢ່າງວ່ອງໄວ.ການຮ່ວມມືເສດຖະກິດລະຫວ່າງຈີນກັບຫວຽດນາມມີກຳ ລັງບົ່ມຊ້ອນຢ່າງຫຼວງຫຼາຍ.ຝ່າຍຈີນຍິນດີສືບຕໍ່ປະຕິບັດຕາມຫຼັກການຕ່າງຝ່າຍຕ່າງມີຜົນປະໂຫຍດ,ລົງເລິກການຮ່ວມມືເສດຖະກິດການຄ້າກັບຝ່າຍຫວຽດນາມ.
|
|
|
