|
ທ່ານຜູ້ຟັງທີ່ໂຄລົບ,ຊົມເຊີຍທ່ານຮັບຟັງລາຍການ"ຂົວອາກາດ".ກ່ອນນີ້ບໍ່ດົນ,ພວກເຮົາໄດ້ຮັບຈົດໝາຍກ້ອນໜຶ່ງຂອງທ່ານທອງຈັນ.ໄຊຍະວົງ ຮອງຫົວໜ້າຫ້ອງການຖະແຫຼງຂ່າວແລະວັດທະນະທຳ ເມືອງນາໝໍ້ ແຂວງອຸດົມໄຊ,ໃນຈົດໝາຍ,ທ່ານກ່າວວ່າ,ທ່ານຫວັງຢາກຊອກຮູ້ກ່ຽວກັບປະເທດຈີນໃຫ້ຫຼາຍຕື່ມອີກ,ແລະໄດ້ຕັ້ງຫຼາຍຄຳຖາມທີ່ທ່ານສົນໃຈ,ກ່ຽວກັບຄຳຖາມເຫຼົ່ານີ້,ພວກເຮົາຈະຕອບ ໃນລາຍການ"ເພື່ອນມິດຜູ້ຟັງ"ຫຼືຕອບໃນຈົດໝາຍທີ່ຝາກໃຫ້ທ່ານ.ນອກນີ້,ໃນຈົດໝາຍ,ທ່ານທອງຈັນ.ໄຊຍະວົງຍັງໄດ້ຝາກໃບຕອບຄຳຖາມເສັງຄວາມຮູ້ກ່ຽວກັບໄຕ້ຫວັນຂອງວິທະຍຸcriພວກເຮົາ,ແລະໄດ້ຂຽນກອນຍາວ2ບົດມາໃຫ້ພວກເຮົາ,ເພື່ອສະແດງຄວາມຮູ້ສຶກການເຂົ້າຮ່ວມການເສັງຄວາມຮູ້ເນື້ອໃນບາງຕອນຂອງກອນ, ຂຽນວ່າ:
ຂ້າຂໍສັນລະເສີນ ຄວາມສຳພັນໄມຕີ,
ຍ້ອນສອງຊາດເຮົາມີ ສາມັກຄີແຕ່ດຶກດຳບັນ,
ໃຫ້ສອງຊາດຈີນ-ລາວ ຄຽງກ້າວຕະຫຼອດໄປ ແທ້ໄດ
ກອນຂອງທ່ານທອງຈັນ ເຕັມໄປດ້ວຍຄວາມຮັກແພງອັນຈິງໃຈ,ເມື່ອອ່ານແລ້ວ ຮູ້ສຶກຕື້ນຕັນໃຈຫຼາຍ,ໃນລາຍການພາກນີ້,ພວກເຮົາຂໍມອບເພງມ່ວນໆເພງໜຶ່ງສູ່ທ່ານຟັງເປັນພິເສດ,ເພງນີ້ຊື່ວ່າ"ຫວໍຢ້າວເວີ້ຍນີເກີຊ້າງ",ແປວ່າຂ້ອຍຈະຮ້ອງເພງເພື່ອເຈົ້າ,ພ້ອມນີ້ ກໍຟັງນຳກັນກັບທ່ານຜູ້ຟັງອື່ນໆ.ກ່ຽວກັບລາຍຊື່ຂອງຜູ້ທີ່ໄດ້ຮັບລາງວັນໃນການເສັງຄວາມຮູ້ກ່ຽວກັບໄຕ້ຫວັນເທື່ອນີ້,ພວກເຮົາຈະອອກອາກາດໃນລາຍການ"ເພື່ອນມິດຜູ້ຟັງ"ຂອງວັນສຸກທີ່ຈະມາເຖິງນີ້,ເຊີນບັນດາທ່ານຜູ້ຟັງທີ່ເຂົ້າຮ່ວມການເສັງຄວາມຮູ້ຈົ່ງຕິດຕາມ.
|
