|
|
 |
| (GMT+08:00)
2006-03-23 11:04:33
|
 |
|
ກອງປະຊຸມເວທີປາໃສຊັບພະຍາກອນນ້ຳລະດັບໂລກຄັ້ງທີສີ່ອັດລົງຢູ່ເມືອງແມັກຊິກໂກ
cri
Author: sayvanny
ວິທະຍຸສາກົນແຫ່ງປະເທດຈີນລາຍງານວ່າ: ກອງປະຊຸມເວທີປາໃສຊັບພະຍາກອນນ້ຳລະດັບໂລກຄັ້ງທີສີ່ທີ່ໄຂຂຶ້ນຢູ່ເມືອງແມັກຊິກໂກເປັນເວລາ 7 ມື້ນັ້ນໄດ້ອັດລົງໃນວັນທີ 22 ມີນາ, ມື້ດຽວກັນ, ຜູ່ແທນຂັ້ນລັດຖະມົນຕີຂອງບັນດາປະເທດທີ່ຮ່ວມປະຊຸມໄດ້ຜ່ານຖະແຫລງການລັດຖະມົນຕີ, ໂດຍກ່າວເນັ້ນວ່າ, ມີຄວາມຈຳເປັນຈັດເອົາການປະຢັດນ້ຳແລະຮັບປະກັນຄວາມປອດໄພຂອງນ້ຳກິນເຂົ້າໃນຂົງເຂດບູລິມະສິດໃນການພັດທະນາແບບຍືນຍົງຂອງປະເທດ.
ວັນທີ 21 ມີນາ ໃນກອງປະຊຸມເວທີປາໃສດັ່ງກ່າວ, ທ່ານວາງຊູເສິງ ລັດຖະມົນຕີກະຊວງຊົນລະປະທານຈີນເວົ້າວ່າ, ຈີນຍິນດີຮ໋ວມຊົມໃຊ້ບົດ ຮຽນສຳເລັດຜົນໃນຂົງເຂດຄຸ້ມຄອງແລະນຳໃຊ້ຊັບພະຍາກອນກັບບັນດາປະເທດໃນໂລກພະຍາຍາມແກ້ໄຂບັນຫາຊັບພະຍາກອນນ້ຳທີ່ມວນມະນຸດປະເຊີນ,ເຮັດໃຫ້ຊັບພະຍາກອນນ້ຳໄດ້ຮັບການນຳໃຊ້ແບບຍືນຍົງ, ປົກປັກຮັກສາການພັດທະນາແບບຍືນຍົງຂອງເສດຖະກິດສັງຄົມ.
ວັນທີ 21 ມີນາ ໃນເວລາເຂົ້າຮ່ວມກອງປະຊຸມເວທີປາໃສເທື່ອນີ້, ເຈົ້າຄອງເມືອງຫລືຜູ່ຮັບຜິດຊອບຂອງ 128 ຕົວເມືອງໃນທົ່ວໂລກໄດ້ເຊັນຖະແຫລງການຮ່ວມ,ພ້ອມກັນໃຫ້ຄຳຫມັ້ນສັນຍາຈະທຳຄວາມພະຍາຍາມເພື່ອຫລຸດຈຳນວນຄົນທີ່ບໍ່ມີນ້ຳກິນທີ່ປອດໄພໃນທົ່ວໂລກໃຫ້ຫນ້ອຍລົງເຄິ່ງຫນຶ່ງໃນປີ 2015.
|
|
|
