|
ນ້ອງວີມອນ.ສິຢີມົວແມ່ນຜູ້ຟັງຢູ່ແຂວງຫົວພັນ,ນ້ອງໄດ້ເຂົ້າຮ່ວມການເສັງຄວາມຮູ້ກ່ຽວກັບໄຕ້ຫວັນ--ເກາະປະເສີດຂອງຈີນທີ່ວິທະຍຸcriພວກເຮົາຈັດຂຶ້ນເມື່ອປີກາຍ,ໃນຈົດໝາຍທີ່ນ້ອງຝາກມາໃຫ້ພວກເຮົາ,ນ້ອງຂຽນວ່າ,ໃນອະນາຄົດ,ໄຕ້ຫວັນຄວນຈະໂຮມເຂົ້າເປັນເອກະພາບກັນກັບຈີນແຜ່ນດິນໃຫຍ່ໂດຍສັນຕິວິທີຕາມຄຳຂວັນປະເທດຈີນດຽວສອງລະບອບ,ຈຶ່ງຖືກຕ້ອງຕາມກົດໝາຍຂອງຈີນ,ຕ່າງປະເທດບໍ່ຄວນເຂົ້າໄປຫຍຸ້ງກ່ຽວກັບໄຕ້ຫວັນເພື່ອຈຸດປະສົງແຍກໄຕ້ຫວັນອອກຈາກຈີນ. ພວກເຮົາຂໍຂອບໃຈນ້ອງວີມອນທີ່ໄດ້ເຂົ້າຮ່ວມການເສັງຄວາມຮູ້ກ່ຽວກັບໄຕ້ຫວັນຂອງວິທະຍຸcriພວກເຮົາແລະໄດ້ສະແດງຄວາມຄິດຄວາມເຫັນຂອງຕົນ.ແຕ່ວິທະຍຸcriພວກເຮົາຈັດໃຫ້ມີການເສັງຄວາມຮູ້ກ່ຽວກັບໄຕ້ຫວັນມານີ້,ພວກເຮົາໄດ້ຮັບໃບຕອບຄຳຖາມແລະຈົດໝາຍຈຳນວນຫຼວງຫຼາຍຈາກຜູ້ຟັງ,ໃນຈົດໝາຍເຫຼົ່ານີ້,ທ່ານຜູ້ຟັງສ່ວນຫຼາຍໄດ້ສະແດງຄວາມຄິດຄວາມເຫັນຂອງຕົນຕໍ່ບັນຫາໄຕ້ຫວັນຂອງຈີນ,ພວກເຮົາຈະລວບລວມເອົາຄວາມຄິດຄວາມເຫັນແລະຄວາມຮູ້ສຶກເຫຼົ່ານີ້,ມາອອກອາກາດສູ່ຟັງໃນລາຍການ"ຂົວອາກາດ"ແລະລາຍການ"ເພື່ອນມິດຜູ້ຟັງ"ຕໍ່ໄປ,ເພື່ອສະແດງຄວາມຂອບອົກຂອບໃຈຂອງພວກເຮົາ.ລາຍຊື່ຂອງຜູ້ທີ່ໄດ້ຮັບລາງວັນໃນການເສັງຄວາມຮູ້ຈະປະກາດໃນລາຍການ"ເພື່ອນມິດຜູ້ຟັງ"ຂອງວັນສຸກທີ່ຈະມາເຖິງນີ້,ບໍ່ວ່າທ່ານໄດ້ຮັບລາງວັນຫຼືບໍ່,ພວກເຮົາກໍ່ຫວັງໃຫ້ທ່ານຈົ່ງຕິດຕາມລາຍການຂອງພວກເຮົາຄືແຕ່ເກົ່າເມືອຫຼັງ,ແລະພວກເຮົາກໍ່ຈະສົ່ງຄວາມອວຍພອນອັນຈິງໃຈໄປນຳກະແສໄຟຟ້າ.ໃນລາຍການ"ຂົວອາກາດ"ພາກນີ້,ພວກເຮົາໄດ້ຈັດເພງ"ເຊ້ເຊ້ນີເຕີອ້າຍ"ແປວ່າຂອບໃຈນຳຄວາມຮັກຂອງເຈົ້າທີ່ຂັບຮ້ອງໂດຍທ່ານລີວເຕີຮວາໃຫ້ແກ່ນ້ອງວີມອນແລະຜູ້ຟັງທຸກຄົນທີ່ຕິດຕາມຮັບຟັງລາຍການຂອງພວກເຮົາ,ຄິດວ່າທ່ານຄົງຈະມັກ.
|
