ຕາມ​ຂ່າວCRI: ວັນ​ທີ 25 ມີນາ, ການປ່ອນ​ບັດ​ໄລຍະ​ຕົ້ນຂອງ​ການ​ເລືອກ​ຕັ້ງລັດຖະ​ສະ​ພາ​ໄທ​ທີ່​ຈະ​ຈັດ​ຂຶ້ນຢ່າງ​ເປັນ​ທາງ​ການ​ໃນ​ວັນ​ທີ 2 ​ເມສາ​ ໄດ້​ເລີ່​ມດຳ​ເນີນ​ໄປ​ຢູ່​ທີ່​ບາງ​ກອກ. ນີ້​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ, ການ​ເລືອກ​ຕັ້ງລັດຖະສະພາ​ຂອງ​ໄທ​ມີ​ຫວັງ​ຈະ​​ໄດ້ຈັດ​ຂຶ້ນຕາມ​ເວລາ​ກຳນົດ.

ຕາມ​ຂ່າວສານ​ໄທ​ລາຍ​ງານ​ວ່າ, ທ່ານ​ເປຼມ ຕິນສຸລາ​ນົນ ປະ​ທານ​ອົງ​ຄະ​ມົນຕີໄທ​ໄດ້​ປ່ອນ​ບັດ​ກ່ອນໝູ່​ໃນ​ວັນ​ທີ 25 ມີນາ. ​ໃນ​ເວລາ​ປ່ອນ​ບັດ ທ່ານ​ເວົ້າຕໍ່​ນັກ​ຂ່າວ​ວ່າ, ທ່ານ​ຫວັງ​ໃຫ້​ຜູ່​ອື່ນ​ກໍ່ຕັ້ງໜ້າ​ເຂົ້າຮ່ວມ​ການ​ປ່ອນ​ບັດ.

ບຸກຄົນ​ວິ​ເຄາະ​ເຫັນ​ວ່າ, ການ​ຈັດການ​ປ່ອນ​ບັດ​​ໄລຍະ​ຕົ້ນ​ເປັນ​ຂີດ​ໝາຍ​ສະ​ແດງ​ໃຫ້​ເຫັນ​ວ່າ, ການ​ເລືອກ​ຕັ້ງລັດຖະສະພາ​ໄທ​ຈະ​​ເລື່ອນ​ເວລາຫຼື​ຍົກ​ເລີກ​ຍາກ.