|
ທ່ານຜູ້ຟັງທີ່ໂຄລົບ,ລາຍການ"ເພື່ອນມິດຜູ້ຟັງ" ໄດ້ວຽນມາພົບກັບທ່ານອີກຕາມເຄີຍ.
ແຕ່ວິທະຍຸcriພວກເຮົາຈັດການເສັງຄວາມຮູ້ກ່ຽວກັບ"ໄຕ້ຫວັນ--ເກາະປະເສີດຂອງຈີນ"ມານີ້,ພວກເຮົາໄດ້ຮັບໃບຕອນຄຳຖາມແລະຈົດໝາຍຂອງມິດລາຍການຢ່າງຫຼວງຫຼາຍ,ຜູ້ຟັງທີ່ເຂົ້າຮ່ວມການເຄື່ອນໄຫວສ່ວນຫຼາຍໄດ້ເລົ່າຄວາມຮູ້ສຶກຂອງຕົນໃນການເຂົ້າຮ່ວມການເສັງຄວາມຮູ້ແລະສະແດງຄວາມຄິດຄວາມເຫັນຂອງຕົນຕໍ່ບັນຫາໄຕ້ຫັວນ,ເມື່ອໄດ້ປະກວດມາຫຼາຍເດືອນແລ້ວ,ໃນທີ່ສຸດພວກເຮົາໄດ້ຄັດເອົາຜູ້ໄດ້ຮັບລາງວັນທີໜຶ່ງຜູ້ໜຶ່ງ,ລາງວັນທີສອງ2ຄົນແລະລາງວັນທີສາມ3ຄົນ.ຫຼັງຈາກປະກາດລາຍຊື່ຜູ້ຟັງທີ່ໄດ້ຮັບລາງວັນແລ້ວ,ພວກເຮົາກໍ່ຈະຝາກລາງວັນໄປໃຫ້ທ່ານຜູ້ໂຊກດີເຫຼົ່ານີ້ໂດຍໄວ.ເຊື່ອວ່າໃນຂະນະນີ້,ເລື່ອງທີ່ຜູ້ຟັງທີ່ໄດ້ເຂົ້າຮ່ວມການເຄື່ອນໄຫວທັງໝົດເອົາໃຈໃສ່ທີ່ສຸດນັ້ນກໍ່ແມ່ນຕົນເອງໄດ້ຮັບລາງວັນຫຼືບໍ່?ຢ່າຟ້າວໃຈຮ້ອນເດີ້,ລໍຖ້າບຶດດຽວ ພວກເຮົາກໍ່ຈະປະກາດລາຍຊື່ເລີຍ,ແຕ່ກ່ອນອື່ນ,ພວກເຮົາຂໍແຈ້ງກະຕິກາປະກວດຂອງພວກເຮົາໃຫ້ທ່ານຊາບ,ຄື,ພວກເຮົາໄດ້ປະກວດຜູ້ໄດ້ຮັບລາງວັນທີໜຶ່ງ,ແຕ່ທ່ານຜູ້ຟັງທັງຫຼາຍຮູ້ບໍ່ວ່າແມ່ນຄັດຈ້ອນອອກ,ທີສອງແລະທີສາມແນວໃດ.ຫຼັກການອັນດັບໜຶ່ງຂອງພວກເຮົາໃນການປະກວດຜູ້ໄດ້ຮັບລາງວັນກໍ່ແມ່ນຕ້ອງຕອບຄຳຖາມໃຫ້ຖືກຕ້ອງທັງໝົດ,ແຕ່ຍ້ອນວ່າຜູ້ທີ່ໄດ້ເຂົ້າຮ່ວມການເສັງຄວາມຮູ້ມີຫຼວງຫຼາຍພາຍນາກ,ແລະຜູ້ທີ່ຕອບຄຳຖາມຖືກຕ້ອງທັງໝົດກໍ່ມີຫຼາຍບໍ່ຢອກ,ສະນັ້ນ,ພວກເຮົາກໍ່ໄດ້ກຳນົດຫຼັກການທີສອງ,ຄືເບິ່ງວ່າທ່ານມີຄວາມຮູ້ສຶກກ່ຽວກັບການເຂົ້າຮ່ວມການເສັງຄວາມຮູ້ຫຼາຍປານໃດ,ຄວາມຄິດຄວາມເຫັນເລິກເຊິ່ງປານໃດ?ເມື່ດໄດ້ຄັດຈ້ອນຫຼາຍຮອບແລ້ວ,ໃນທີ່ສຸດ,ພວກເຮົາໄດ້ເລືອກເອົາ6ຄົນທີ່ໄດ້ຮັບລາງວັນ.ທ່ານຜູ້ຟັງ！ຜູ້ທີ່ໄດ້ຮັບລາງວັນທີໜຶ່ງແມ່ນ ທ້າວວີມອນ.ສີຢີມົວຂອງບ້ານໂພນແບ່ງ ວຽງໄຊ ແຂວງຫົວພັນ,ຂໍຊົມເຊີຍ!ຜູ້ທີ່ໄດ້ຮັບລາງວັນທີສອງມີ:ນ້ອງພານຸໄຊ.ອຳແພງໄພຂອງອົງການວິທະຍາສາດເຕັກໂນໂລຊີແລະສິ່ງແວດລ້ອມ ແຂວງຫຼວງນ້ຳທາແລະນ້ອງຊາຍຟອງ.ຈັນທະພອນຂອງກອງບັນຊາການ ປກສ ແຂວງຫຼວງນ້ຳທາ,ຂໍຊົມເຊີຍ!ຜູ້ທີ່ໄດ້ຮັບລາງວັນທີສາມມີ:ນ້ອງອຸລາ.ມິ່ງຂວັນຫາ ຂອງຫ້ອງການສຶກສາປະຈຳເມືອງຮຸນ ແຂວງອຸດົມໄຊ ທີ່ບ້ານໂພນສະຫວັນເມືອງຮຸນ,ທ່ານລຽນພອນ.ຈື່ຈູທໍ່ ອາຈານສອນຢູ່ມະຫາວິທະຍາໄລຄູຄັງໄຂແຂວງຊຽງຂວາງແລະນາງແສງທອງ.ດວງສາລີ ທີ່ຮຽນຢູ່ມະຫາວິທະຍາໄລແຫ່ງຊາດລາວຄູປິຊິກປີ5.ຂໍຊົມເຊີຍ.
ເອົາລະ,ທ່ານຜູ້ຟັງອີກເທື່ອໜຶ່ງພວກເຮົາຈົ່ງພາກັນຊົມເຊີຍທ່ານຜູ້ຟັງທີ່ໄດ້ຮັບລາງວັນ6ຄົນດັ່ງກ່າວ,ພວກເຮົາຈະຝາກລາງວັນໄປໃຫ້ທ່ານໂດຍໄວ,ຫວັງວ່າ,ຫຼັງຈາກທ່ານໄດ້ຮັບລາງວັນແລ້ວ,ທ່ານແຮ່ງເອົາໃຈໃສ່ແລະຮັບຟັງລາຍການຂອງພວກເຮົາ,ແລະຝາກຈົດໝາຍມາຍັງພວກເຮົາຫຼາຍແດ່,ແລະສະເໜີຂໍ້ສະເໜີຫຼາຍກວ່າເກົ່າ.ສຳລັບເພື່ອນຜູ້ຟັງທີ່ບໍ່ໄດ້ຮັບລາງວັນຮູ້ເທື່ອນີ້,ກໍຢ່າເສຍກຳລັງໃຈ,ຂໍໃຫ້ພວກທ່ານຈົ່ງສືບຕໍ່ເອົາໃຈໃສ່ແລະຕັ້ງໜ້າເຂົ້າຮ່ວມການເຄື່ອນໄຫວລາຍຕ່າງໆທີ່ວິທະຍຸcriພວກເຮົາຈັດຂຶ້ນ,ນະທີ່ນີ້,ພວກເຮົາຂໍສະແດງຄວາມຂອບອົກຂອບໃຈດ້ວຍຄວາມຈິງໃຈອີກເທື່ອໜຶ່ງຕໍ່ທ່ານທີໄດ້ໃຫ້ການສະໜັບສະໜູນພວກເຮົາ,ເຊື່ອວ່າທະແນນແຕ່ທ່ານຕັ້ງໜ້າເຂົ້າຮ່ວມ,ຕິດຕາມຮັບຟັງລາຍການຂອງພວກເຮົາຫຼາຍແດ່,ທ່ານຍ່ອມຈະມີໂອກາດໄດ້ຮັບລາງວັນຢ່າງແນ່ນອນ.ຫວັງວ່າການກະຈາຍສຽງພາກພາສາລາວຂອງວິທະຍຸcriພວກເຮົາຄົງກາຍເປັນເພື່ອນມິດທີ່ດີໃນຊີວິດການເປັນຢູ່ຂອງພວກທ່ານ,ມີແຕ່ພວກທ່ານເຂົ້າຮ່ວມແລ້ວ,ລາຍການຂອງພວກເຮົາຈິ່ງຍິ່ງມີຊີວິດຊີວາແລ້ວ,ກາຍເປັນຂົວສະພາບທີ່ເຊື່ອມຕໍ່ຈິດໃຈຂອງປະຊາຊົນຈີນລາວ.ເອົາລະທ່ານຜູ້ຟັງ,ຕໍ່ໄປ,ພວກເຮົາຂໍເລືອກອ່ານຄວາມຮູ້ສຶກແລະຄວາມຄິດຄວາມເຫັນຂອງຜູ້ຟັງທີ່ໄດ້ເຂົ້າຮ່ວມການເສັງຄວາມຮູ້ສູ່ທ່ານຟັງ, ຢ່າໜີຈາກວິທະຍຸເດີ.
ໃນຈົດໝາຍຂອງນ້ອງຊາຍຟອງ.ຈັນທະພອນຂອງກອງບັນຊາການ ປກສ ແຂວງຫຼວງນ້ຳທາໄດ້ຂຽນວ່າ,ຂ້າພະເຈົ້າຮູ້ສຶກພາກພູມໃຈເມື່ອຮູ້ວ່າcriໄດ້ຈັດໃຫ້ມີລາຍການເສັງຄວາມຮູ້ກ່ຽວກັບໄຕ້ຫວັນ-ເກາະປະເສີດຂອງຈີນ ເຮັດໃຫ້ຂ້າພະເຈົ້າໄດ້ຮູ້ຈັກ ໄຕ້ຫວັນແລະ ແຜ່ນດິນໃຫຍ່ ຈີນ ຫຼາຍຂຶ້ນກວ່າເກົ່າ.
ຕາມທັດສະນະຂອງຂ້າພະເຈົ້າແລ້ວຮູ້ສຶກແລະຊາບຊື້ງວ່າ:ໄຕ້ຫວັນແມ່ນດິນແດນສ່ວນໜຶ່ງຂອງຈີນຕັ້ງແຕ່ໃດໆມາທີ່ບໍ່ສາມາດຕັດຂາດອອກຈາກກັນໄດ້ ໂລກນີ້ມີແຕ່ປະເທດຈີນດຽວ ຂ້າພະເຈົ້າເຫັນດີເຫັນພ້ອມຕາມແນວທາງນະໂຍບາຍຂອງລັດຖະບານຈີນເພື່ອບັນລຸການໂຮມປະເທດຊາດເຂົ້າເປັນເອກະພາບກັນໂດຍສັນຕິ,ຮູ້ໄດ້ຄວາມປາຖະໜາອັນແຮງກ້າຂອງປະຊາຊົນສອງຝັ່ງຊ່ອງແຄບໄຕຫວັນທີ່ຄອງຄອຍໃຫ້ປະເທດຊາດໂຮມເຂົ້າເປັນເອກະພາບກັນ.
ມີຈົດໝາຍອີກກ້ານໜຶ່ງຝາກມາຈາກຝຣັ່ງ,ຜູ້ຂຽນຈົດໝາຍແມ່ນນັກການທູດຜູ້ໜຶ່ງຂອງສະຖານທູດລາວປະຈຳຝຣັ່ງ,ເພິ່ນຊື່ວ່າ ບຸນຄ້າຍ ຈະເລີນສຸກ, ໃນນາມເປັນນັກການທູດຜູ້ໜຶ່ງຂອງປະເທດສັງຄົມນິຍົມທ່ານໄດ້ສະແດງຄວາມຄິດຄວາມເຫັນຂອງຕົນຕໍ່ໄຕ້ຫວັນ,ໃນຈົດໝາຍຂອງທ່ານຂຽນວ່າ,ສຳລັບ ບັນຫາໄຕ້ຫວັນ,ຂ້າພະເຈົ້າເຫັນວ່າລັດຖະບານຈີນ ໄດ້ປະຕິບັດຖືກຕ້ອງ ແລ້ວ ແລະບັນຫານີ້ກໍ່ເປັນບັນຫາການເມືອງທີ່ຫໍ່ຼແຫຼມທີ່ສຸດ ທັງຕໍ່ສປ ຈີນ,ຕໍ່ພາກພື້ນອາຊີ ຂອງພວກເຮົາ.ແຕ່ບັນຫາໃຫຍ່ທີ່ສຸດ ແມ່ນຕໍ່ຄວາມໝັ້ນຄົງ ແລະລະບອບການເມືອງການປົກຄອງ,ເພາະຍ້ອນວ່າເປົ້າໝາຍໃຫຍ່ ທີ່ພວກປະຕິການ ແລະພວກບໍ່ຫວັງດີ ແມ່ນທຳລາຍລະບອບການປົກຄອງທີ່ເຂັ້ມແຂງ ຂອງ ສປ ຈີນ.ຈັກກະພັດແມ່ນຫວັງທຳລາຍ ພັກກອນມູນິດຈີນ ໃຫ້ພັງທະລາຍລົງແລ້ວສືບຕໍ່ໃສ່ບັນດາປະເທດສັງຄົມນິຍົມອື່ນໆ ໃນນັ້ນ ລວມທັງ ສປປ ລາວ ທີ່ເປັນປະເທດຂອງຂ້າພະເຈົ້າ.
ສະນັ້ນ,ຂ້າພະເຈົ້າ ຂໍສະໜັບສະໜູນນະໂຍບາຍ ຂອງລັດຖະບານ ສປຈີນໃນການແກ້ໄຂບັນຫາໄຕ້ຫວັນ ແລະຂໍເປັນກຳລັງໃຈໃຫ້ຊາວຈີນ ຈົ່ງເຂັ້ມແຂງ ແລະສາມັກຄີກັນທີ່ສຸດ ເພື່ອບໍ່ໃຫ້ພວກຈັກກະພັດ ມາກໍ່ກວນ ແລະຮຸກຮານແລະເປັນເຈົ້າຜືນແຜ່ນດິນທີ່ອຸດົມຮັ່ງມີ ຂອງທ່ານ ແລະຂໍໃຫ້ສັນຕິພາບໃນພາກພື້ນນີ້ ແລະທົ່ວໂລກຈົ່ງຍືນຍາວ ແລະຕະຫຼອດການ.ສິ່ງທັງໝົດນີ້ເປັນຄວາມຮູ້ສຶກຈາກໃຈຈິງ ຂອງຂ້າພະເຈົ້າ ແລະນະໂຍບາຍລວມຂອງຊາດລາວກໍ່ແມ່ນສະໜັບສະໜູນຂະບວນການສັນຕິພາບໂລກ.ຍິ່ງກວ່ານັ້ນ,ສປຈີນເປັນປະເທດອ້າຍນ້ອງກັບພວກເຮົາ,ຈິ່ງຍິ່ງມີຄວາມເຂົ້າໃຈແລະໃຫ້ການສະໜັບສະໜູນກັນທີ່ສຸດ.
ນ້ອງ ວີມອນ ສີຢີມົວ ແມ່ນຜູ້ຟັງຂອງແຂວງຫົວພັນ,ໃນຈົດໝາຍທີ່ຝາກມາຍັງພວກເຮົາ,ນ້ອງຂຽນວ່າ.ຕາມທັດສະນະຕົນເອງແລ້ວ ຂໍສະແດງຄວາມຮ້ສຶກູກ່ຽວກັບໄຕ້ຫວັນໃນ3ໄລຍະຄື:
-ໄລຍະຜ່ານມາ:ຕາມປະຫວັດສາດຂອງຈີນ ກໍຄືປະຫວັດສາດຂອງໂລກເຫັນໄດ້ວ່າ,ເກາະໄຕ້ຫວັນເປັນດິນແດນທີ່ຂຶ້ນກັບຈີນ ແຜ່ນດິນໃຫຍ່ແລະຕາມຄຳຖະແຫຼງການທີ່ໄດ້ລົງນາມໃນເອກະສານສະບັບໜຶ່ງລະຫວ່າງຈີນ,ອາເມລິກາ,ອັງກິດທີ່ເລີແກປະເທດດເອຢີບ ປີ1943ກໍ່ໄດ້ຮັບຮອງວ່າເກາະໄຕ້ຫວັນເປັນດິນແດນສ່ວນໜຶ່ງຂອງຈີນໃນດ້ານກົດໝາຍ.
-ໄລຍະປະຈຸບັນ:ໄຕ້ຫວັນປຽບເໝືອນປະເທດໜຶ່ງທີ່ອຸດສົມບູນທີ່ເຕັມໄປດ້ວຍຊັບພະຍາກອນທຳມະຊາດ,ຄວາມສວຍສົດງົດງາມທາງສັງຄົມ,ຄວາມຈະເລີນກ້າວໜ້າທາງດ້ານເຕັກນິກວິທະຍາສາດ,ເຕັກໂນໂລຢີທີ່ທັນສະໄໝ,ທາງດ້ານອຸດສາຫະກຳ,ກະສິກຳກໍ່ເຂັ້ມແຂງແລະອື່ໆ.ສະນັ້ນອຳນາດການປົກຄອງຂອງໄຕ້ຫວັນຈຶ່ງພະຍາຍາມເພື່ອແຍກໄຕ້ຫວັນອອກຈາກຈີນແລ້ວສ້າງເປັນປະເທດເອກະລາດທີ່ປົກຄອງດ້ວຍຕົນເອງ.
-ໄລຍະໃນອານາຄົດ:ໄຕ້ຫວັນ ຄວນຈະໂຮມເຂົ້າເປັນເອກະພາບກັນກັບຈີນ,ແຜ່ນດິນໃຫຍ່ດ້ວຍສັນຕິວິທີພາຍໃຕ້ຄຳຂວັນປະເທດຈີນດຽວສອງລະບອບ,ຈຶ່ງຖືກຕ້ອງຕາມກົດໝາຍຂອງຈີນ,ແລະຕ່າງປະເທດບໍ່ຄວນເຂົ້າໄປຫຍຸ້ງກ່ຽວກັບໄຕ້ຫວັນເພື່ອຈຸດປະສົງແຍກໄຕ້ຫວັນອອກຈາກຈີນ.
ນ້ອງອຸລາ ມິ່ງຂວັນຫາເຮັດວຽກຢູ່ຫ້ອງການສຶກສາປະຈຳເມືອງຮຸນ ແຂວງອຸດົມໄຊ,ໃນຈົດໝາຍ,ຂອງນ້ອງຂຽນວ່າ:ເຖິງແມ່ນວ່າຂ້າພະເຈົ້າບໍ່ໄດ້ມາທ່ຽວໄຕ້ຫວັນກໍ່ຕາມ,ແຕ່ໃນເມື່ອຟັງໃນລາຍການຂ່າວ ກໍ່ຄືວ່າ:ຕົນເອງໄດ້ມາທ່ຽວຢູ່ທີ່ໄຕ້ຫວັນໃນທາງຄວາມຝັນໂດຍສະເພາະແມ່ນຍາມບຸນປະເພນີຂອງຈີນກໍ່ຄືຂອງໄຕ້ຫວັນ.
ທ່ານຜູ້ຟັງທີ່ໂຄລົບ,ຄວາມຮູ້ສຶກແລະຄວາມຄິດຄວາມເຫັນຂອງທ່ານຜູ້ຟັງທີ່ເຂົ້າຮ່ວມການເສັງຄວາມຮູ້ກໍ່ຂໍອ່ານພຽງທໍ່ນີ້ກ່ອນ,ໃນຕອນມ້ວນທ້າຍຂອງລາຍການພາກນີ້,ພວກເຮົາຂໍມອບເພັງມວນໆແລະໃຫ້ກຳລັງໃຈແກ່ທ່ານ,ເພັງນີ້ຊື່ວ່າ"ຈຸ້ຍຊູ່ເຕີເມີ້ງສຽງ",ແປວ່າຄວາມໃຝ່ຝັນທຳອິດ,ອວຍພອນໃຫ້ທ່ານຈົ່ງມີເລີມງາມຍາມດີໃນທ່າມກາງທຳນອງເພງມ່ວນໆເພງນີ້,ແລະຂໍອວຍພອນເພື່ອນມິດຜູ້ຟັງທັງໝົດບໍ່ວ່າໄດ້ຮັບລາງວັນຫຼືບໍ່ໄດ້ຮັບລາງວັນ,ຈົ່ງມີຄວາມເບີກບານມ່ວນຊື່ນ,ມີຄວາມສຸກຕະຫຼອດໄປ！ຂໍແຕ່ວ່າທ່ານໄດ້ພະຍາຍາມຢ່າງບໍ່ລົດລະແລ້ວ,ຄວາມໃຝ່ຝັນທຳອິດຂອງທ່ານກໍ່ຈະບັນລຸຜົນເປັນຈິງໄດ້ຢ່າງແນ່ນອນ,ລາຍການພາກພາສາລາວຂອງວິທະຍຸcriທີ່ຢູ່ປັກກິ່ງຄອງຄອຍທ່ານຈົ່ງສືບຕໍ່ຕິດຕາມຮັບຟັງລາຍການຂອງພວກເຮົາ,
|
