|
|
 |
| (GMT+08:00)
2006-03-27 11:24:15
|
 |
|
ນາຍົກລັດຖະມົນຕີປາເລັສຕິນຜູ່ໃຫມ່ຫວັງສິ້ນສຸດການປະທະກັນນອງເລືອດກັບອິສລະແອນ
cri
Author: sayvanny
ຕາມຂ່າວ cri :ວັນທີ 26 ມີນາ ຢູ່ກາຊາ ທ່ານຮານີອາ ນາຍົກລັດ ຖະມົນຕີປາເລັສຕິນຜູ່ໃຫມ່ ຜູ່ນຳຮາມາສເວົ້າຕໍ່ສື່ມວນຊົນວ່າ,ປາເລັສຕິນ ຫວັງສິ້ນສຸດການປະທະກັນນອງເລືອດກັບອິສລະແອນ.ນີ້ແມ່ນທ່ານຮານີອາກ່າວຄວາມເວົ້າຄ້າຍຄືກັນນີ້ເປັນຄັ້ງທຳອິດ.
ທ່ານຮານີອາເວົ້າວ່າ, ຮາມາສບໍ່ຫວັງມີການປະທະກັນນອງເລືອດທີ່ເກີດຂຶ້ນຢູ່ເຂດນີ້ຢ່າງສືບເນື່ອງ,ພຽງແຕ່ຫວັງໃຫ້ປະຊາຊົນປາເລັສຕິນມີສິດແລະກຽດສັກສີຂອງປະຊາຊົນປາເລັສຕິນ,ແລະສິ້ນສຸດສະຖານະການສັບສົນລະຫວ່າງປາເລສຕິນອິສລະແອນທີ່ຍືດເຍືອມາເປັນເວລາຫລາຍສິບປີ.ທ່ານຮານີອາເວົ້າວ່າ, ຝ່າຍປາເລັສຕິນປະຕິເສດບໍ່ຮັບຮອງເສັ້ນຊາຍແດນປະເທດປາເລັສຕິນທີ່ຝ່າຍອິສລະແອນຂີດແບ່ງແຕ່ຝ່າຍດຽວ, ຫວັງໃຫ້ບັນລຸສະຖຽນລະພາບແລະຄວາມສະຫງົບຢູ່ພາກພື້ນນີ້ບົນພື້ນຖານອິສລະແອນສິ້ນສຸດການຍຶດຄອງປາເລັສຕິນແລະບັນລຸຄວາມທ່ຽງທຳແລະສັນຕິພາບ.
ມື້ດຽວກັນ, ທ່ານຮາລິດ.ມາຍຊາອາເລ ຜູ່ນຳກົມການເມືອງອົງການຮາມາສທີ່ກຳລັງຢ້ຽມຢາມຢູ່ໂກແວດກໍ່ກ່າວເນັ້ນວ່າ,ຮາມາສເດັດດ່ຽວບໍ່ປະລະສິດຊອບກົດຫມາຍຂອງປະຊາຊົນປາເລັສຕິນ.ມື້ດຽວກັນ, ຢູ່ເມືອງຊຳຊາອິດຂອງເອຢິບ ທ່ານອາບັສ ປະທານອົງການອຳນາດແຫ່ງຊາດປາເລັສຕິນຮຽກຮ໊ອງລັດຖະບານຊຸດໃຫມ່ທີ່ກຳເນີດຈາກການເລືອກຕັ້ງສະພາອິສລະແອນສາມາດຕິດຕໍ່ແລະຮ່ວມມືກັບຝ່າຍປາເລັສຕິນ.
|
|
|
