|
ຕາມຂ່າວcri:ວັນທີ26 ມີນາ,ທ່ານເຈຍຊິງລິນ ປະທານສະພາເປິກສາການເມືອງປະຊາຊົນແຫ່ງຊາດຈີນທີ່ພວມຢ້ຽມຢາມສັນຖະວະໄມຕິຢູ່ອິນໂດເນເຊຍໄດ້ກ່າວປາຖະກະຖາໃນງານລ້ຽງຮັບຮອງທີ່ຈັດໂດຍບຸກຄົນວົງການຕ່າງໆອິໂດເນເຊຍ.ໃນການປາຖະກະຖາ,ທ່ານກ່າວເນັ້ນວ່າ,ການພັດທະນາໂດຍສັນຕິຂອງຈີນແມ່ນໂອກາດດີສຳລັບການພັດທະນາຂອງອາຊີ.
ທ່ານເຈຍຊິງລິນກ່າວວ່າ,ຈີນປະຕິບັດທິດທາງການຕ່າງປະເທດຕໍ່ປະເທດໃກ້ຄຽງຄືມີໄມຕີຈິດຕໍ່ປະເທດໃກ້ຄຽງຖືປະເທດໃກ້ຄຽງເປັນເພື່ອນ,ຕັ້ງໜ້າສະແຫວງຫາບັນລຸຕ່າງຝ່າຍຕ່າງມີຜົນປະໂຫຍດກັບປະເທດໃກ້ຄຽງ.ການຊຸກຍູ້ການພົວພັນຄູ່ຂາຍຸດທະສາດກັບອາຊຽນແມ່ນພາກສ່ວນອັນສຳຄັນຂອງການຕ່າງປະເທດຕໍ່ປະເທດໃກ້ຄຽງຂອງຈີນ.ໃນຖານເປັນປະເທດທີ່ມີອິດທິພົນສຳຄັນໃນກຸ່ມອາຊຽນ,ການຮ່ວມມືລະຫວ່າງອິນໂດເນເຊຍກັບຈີນມີຫຼາຍຊ່ອງທາງ,ຂອບເຂດກໍກວ້າງຂວາງທີ່ສຸດ.ສອງຝ່າຍຄວນເພີ່ມທະວີການແລກປ່ຽນແລະການຮ່ວມມືກັນໃນຂອບເຂດການການຄ້າເສລີຈີນອາຊຽນ,ຊຸກຍູ້ການພົວພັນລະຫວ່າງຈີນອາຊຽນພັດທະນາໄປໜ້າຢ່າງບໍ່ຢຸດຢັ້ງ.
ທ່ານກ່າວວ່າ,ໃນ50ປີແຕ່ຈີນອິນໂດເນເຊຍສ້າງສາຍສຳພັນການທູດມານີ້,ການພົວພັນລະຫວ່າງສອງປະເທດໄດ້ມີການພັດທະນາໃຫຍ່ຫຼວງ.ຄວາມໄວ້ເນື້ອເຊື່ອໃຈທາງການເມືອງເຊິ່ງກັນແລະກັນລະຫວ່າງສອງຝ່າຍເພີ່ມທະວີຢ່າງບໍ່ຢຸດຢັ້ງ,ໝາກຜົນການຮ່ວມມືດ້າເສດຖະກິດການຄ້າມາກມາຍກາຍກອງນີ້ໄດ້ເອົາຜົນປະໂຫຍດຕົວຈິງໃຫ້ປະຊາຊົນສອງຊາດ.ຈີນກັບອິໂດເນເຊຍພັດທະນາການພົວພັນຄູ່ຂາຍຸດທະສາດສອດຄ່ອງກັບຜົນປະໂຫຍດກົກຮາກຂອງສອງປະເທດແລະປະຊາຊົນສອງຊາດ.
ສຸດທ້າຍທ່ານເຈຍຊິງລິນຫວັງໃຫ້ເພື່ອນມິດວົງການຕ່າງໆຂອງອິນໂດເນເຊຍພ້ອມກັບປະຊາຊົນຈີນພ້ອມກັນ,ຄັດຄ້ານ"ໄຕ້ຫວັນເປັນເອກະລາດ"ພ້ອມກັນ,ປົກປັກຮັກສາສັນຕິພາບແລະຄວາມສະຫງົບຂອງພາກພື້ນແຫ່ງນີ້.
|
