|
|
 |
| (GMT+08:00)
2006-03-28 10:27:32
|
 |
|
ຜູ້ຈັດການສ.ເກົາຫຼີຂອງຮ້ານຂາຍເຂົ້າໜົມຝ່າຍຕາເວັນຕົກ
cri
|
ຫວ່າງກ່ອນນີ້ບໍ່ດົນ,ຢູ່ເຂດການຄ້າທີ່ຮຸ່ງເຮືອງສິວິໄລແລະຟົດຟື້ນແຫ່ງໜຶ່ງທີ່ພາກຕາເວັນອອກນະຄອນປັກກິ່ງ, ໄດ້ມີຮ້ານຂາຍເຂົ້າໜົມແບບຝລັ່ງທີ່ຊື່ວ່າ ປາລີບາເກເຕເປີດໃໝ່,ຮ້ານນີ້ມີເຄື່ອງໝາຍສິຟ້າແລະແສງໄຟສີແສດໄດ້ດຶງດູດສາຍຕາຂອງຜູ້ສັນຈອນໄປມາ.ເມື່ອເຂົ້າໜົມໃໝ່ອອກເຕົາແລ້ວ,ຊ່າງເຂົ້າໜົມກໍ່ຈະສັ່ນກະດິງ,ແລະແຈ້ງຊື່ເຂົ້າໜົມທີ່ເຮັດໃໝ່ໆ.
ເຂົ້າຈີ່ເຂົາແບ້ທີ່ຫາກໍອອກເຕົາ.ເຂົ້າໜົມອົບດ້ວຍໝາກອະຫງຸ່ນແຫ້ງທີ່ຫາກໍ່ອອກເຕົາ.
ຮ້ານຂາຍເຂົ້າໜົມຝ່າຍຕາເວັນຕົກຮ້ານນີ້ແມ່ນໜຶ່ງໃນສາຂາທີ່ຢູ່ປັກກິ່ງແຫ່ງໜຶ່ງຂອງບໍລິສັດSPCເຊິ່ງເປັນບໍລິສັດອາຫານທີ່ໃຫຍ່ກວ່າໝູ່ຂອງສ.ເກົາຫຼີ,ທ່ານເຈມູນເປັນຜູ້ຈັດການຂອງສາຂາຮ້ານນີ້,ແມ່ນຄົນເຊອຸນ ນະຄອນຫຼວງສ.ເກົາຫຼ,ເຈົ້າຊູ້ຫຼາຍ.
ທ່ານເຈມູນໄດ້ມາຈີນເກືອບ4ປີແລ້ວ,ທ່ານເວົ້າວ່າ,ທ່ານມາເຮັດວຽກຢູ່ຈີນ,ແມ່ນຍ້ອນວ່າແຕ່ຍາມຍັງນ້ອຍທ່ານຮູ້ສຶກສະໜິດສະໜົມຕໍ່ຈີນ.
ໃນຍາມຍັງນ້ອຍ ຂ້າພະເຈົ້າກໍມັກອ່ານນະວະນິຍາຍຂອງຈີນ,ມັກເບິ່ງຮູບເງົາຂອງຈີນ,ຈຶ່ງຄ່ອຍໆມັກຈີນ.ເມື່ອເຂົ້າຮຽນຢູ່ມະຫາວິທະຍາໄລຂ້າພະເຈົ້າກໍໄດ້ເລືອກເອົາພະແນກພາສາຈີນ,ຫຼັງຈາກຮຽນຈົບແລ້ວຢາກເຮັດວຽກກ່ຽວກັບຈີນ.
ທ່ານເຈມູນບອກນັກຂ່າວວ່າ,ທ່ານມີສາຍແນນກັບຈີນແມ່ນຍ້ອນເອື້ອຍຂອງທ່ານ.ໃນຍາມຍັງນ້ອຍ,ເອື້ອຍໄດ້ສອນໃຫ້ທ່ານຮ້ອງເພງ ຊິ່ງຊູ່ນອູສີ ແປວ່າເພງເຕັ້ນລຳໄວຄະນອງເຊິ່ງເປັນເພງພື້ນເມືອງຈີນທີ່ມ່ວນໆ,ກໍ່ຍ້ອນເພງນີ້ເອງ,ທ່ານໄດ້ຮັບຄວາມຍ້ອງຍໍຈາກໄທບ້ານໃກ້ຄຽງແລະໝູ່ນ້ອຍທັງຫຼາຍແລ້ວການຄົນທີ່ມີຄວາມເຊື່ອໝັ້ນຕົນເອງເປັນພິເສດ.ຈົນຮອດຊູ່ມື້ນີ້ທ່ານຍັງຈື່ເພງນີ້ຢູ່.
ຕາເວັນລົງຄ້ອຍຄ່ຳແລ້ວມື້ອື່ນຍັງຕ້ອງຂຶ້ນມາຄືໃໝ່,ດອກໄມ້ຮ່ວງໂຮຍແລ້ວປີໜ້າຍັງຈະບານໃໝ່,ນົກນ້ອຍສວຍງາມຫາຍສາບສູນໄປ,ໄວຄະນອງຂອງຂ້ອຍກໍ່ບໍ່ກັບຄືນມາເຊັ່ນດຽວກັນ.
ຫຼັງຈາກຮຽນຈົບມະຫາວິທະຍາໄລແລ້ວ,ທ່ານເຈມູນໄດ້ຊອກຮູ້ວ່າບໍລິສັດSPCຈະຫັນຍຸດທະສາດພັດທະນາໄປສູ່ຈີນ,ສະນັ້ນ,ທ່ານໄດ້ເລືອກເອົາວຽກງານຢູ່ບໍລິສັດດັ່ງກ່າວ.ເມື່ອສາມປີກ່ອນ,ບໍລິສັດດັ່ງກ່າວໄດ້ຕັ້ງສາຂາຮ້ານທຳອິດຢູ່ຊຽງໄຮ້ກໍເປັນສາຂາຮ້ານທຳອິດຢູ່ຈີນ,ທ່ານເຈມູນດຳລົງຕຳແໜ່ງເປັນຮອງຜູ້ອຳນວຍການໃຫຍ່.
ເຂົ້າໜົມຝ່າຍຕາເວັນຕົກຂອງຮ້ານSPCສາຂາຊຽງໄຮ້ມີລົດຊາດແບບຝັ່ຼງຢ່າງແທ້ຈິງ,ສະນັ້ນ,ພໍມາຮອດຊຽງໄຮ້ກໍ່ໄດ້ຮັບຄວາມນິຍົມຊົມຊອບຈາກລູກຄ້າຊຽງໄຮ້ທີ່ມັກເຂົ້າໜົມຝ່າຍຕາເວັນຕົກ,ໃນປີທີ່ເລີ່ມຄ້າຂາຍປີທຳອິດກໍ່ໄດ້ຕັ້ງສາຂາເພີ່ມຂຶ້ນຮອດ8ຮ້ານ.ຕໍ່ຈາກນັ້ນ,ບໍລິສັດດັ່ງກ່າວກໍໄດ້ເລັງສາຍຕາໄປສູ່ປັກກິ່ງ.ໃນກາງເດືອນມັງກອນປີນີ້,ສາຂາປັກກິ່ງກໍໄດ້ເປີດຄ້າຂາຍຢ່າງເປັນທາງການ,ທ່ານເຈມູນກໍ່ໄດ້ເລີ່ມດຳລົງຊີວິດຢູ່ທີ່ປັກກິ່ງ.
ໃນຕະຫຼາດເຂົ້າໜົມຂອງປັກກິ່ງມີການແກ່ງແຍ່ງກັນຢ່າງດຸເດືອດ,ຮ້ານປາລີບາເກເຕຈະເຮັດແນວໃດຍາດເອົາໂກຕາໃນຕະຫຼາດປັກກິ່ງ?ທ່ານເຈມູນແລະຜູ້ຮ່ວມງານມີຄວາມເຫັນວ່າ.
ຢູ່ປັກກິ່ງໄດ້ມີຮ້ານຂາຍເຂົ້າໜົມຝ່າຍຕາເວັນຕົກຫຼາຍຮ້ານແລ້ວ,ເຊິ່ງເປັນການທ້າທາຍຕໍ່ພວກເຮົາ,ແຕ່ຮ້ານພວກເຮົາໄດ້ມີປະຫວັດ60ປີແລ້ວ,ຖ້າພວກເຮົາພະຍາຍາມເຮັດ,ຂ້າພະເຈົ້າເຊື່ອວ່າກໍສາມາດກາຍເປັນຍີ່ຫໍ້ເຂົ້າໜົມຝ່າຍຕາເວັນຕົກທີ່ໄດ້ຮັບຄວາມນິຍົມຊົມຊອບຫຼາຍທີ່ສຸດ.
ແຕ່ລະມື້ ຮ້ານປາລີບາເກເຕກໍ່ຂາຍເຂົ້າໜົມຊະນິດບໍ່ຄືກັນໝົດ,ປັດຈຸບັນ,ຮ້ານນີ້ສາມາດຜະລິດເຂົ້າໜົມຝ່າຍຕາເວັນຕົກ250ກວ່າຊະນິດ,ທັງມີເຂົ້າຈີ່ຝລັ່ງແບບຍາວໆແລະເຂົ້າຈີ່ປະເພດທີ່ມີຜິວກອບຫຼາຍຊັ້ນທີ່ຄົນຝ່າຍຕາເວັນຕົກມັກກິນ,ທັງມີເຂົ້າຈີ່ໃສ່ຜັກທີ່ໄທປັກກິ່ງມັກກິນ,ແລະເຂົ້າໜົມເຄັກຫຼາຍຮູບຫຼາຍແບບ.
ທ່ານເຈມູນໄດ້ປະດັບປະດາຮ້ານປາລີບາເກເຕເປັນແບບວົງເປີດ,ຜ່ານຈາກແກ້ວໂປ່ງໃສຂອງຫ້ອງເຮັດເຂົ້າໜົມ,ຈະໄດ້ເຫັນພໍ່ຄົວເຮັດເຂົ້າໜົມຢ່າງຈະແຈ້ງ.ໃນຮ້ານຍັງໄດ້ສະໜອງໂຕະຕັ່ງແລະກາເຟ,ລູກຄ້າສາມາດທັງກິນກາເຟທັງຊິມເຂົ້າໜົມທີ່ອອກເຕົາໃໝ່.
ນາງເຟິງລີ້ເຮັດວຽກຢູ່ໃນບໍລິສັດຫຼັງໜຶ່ງທີ່ມໍ່ຮ້ານນີ້,ແຕ່ລະເທື່ອນາງກັບໝູ່ຍ່າງຜ່ານຮ້ານນີ້ກໍມັກໄປຢູ່ໃນຮ້ານພັກຜ່ອນ,ສັ່ງກາເຟຈອກໜຶ່ງ,ແລະຊື້ເຂົ້າໜົມທີ່ເຮັດໃໝ່ຈັກຢ່າງສອງຢ່າງ, ລົມກັນຈັກໜ່ອຍ.
ຂ້າພະເຈົ້າຮູ້ສຶກວ່າເຂົ້າໜົມຂອງຮ້ານນີ້ແຊບຫຼາຍ,ບໍ່ຫວານເກີນໄປ,ອ່າວຖືກປາກຂ້າພະເຈົ້າ.ຢູ່ຮ້ານອື່ນຫຼາຍຮ້ານ,ເຂົ້າໜົມຫວານໂພດ,ກິນບໍ່ເທົ່າໃດກໍ່ເບື່ອ,ແຕ່ລົດຊາດຂອງຮ້ານນີ້ກໍ່ດີພໍສົມຄວນ.ທັງມີຫຼາຍຊະນິດກວ່າຮ້ານອື່ນສ່ວນຫຼາຍ.
ຮ້ານເຂົ້າໜົມນີ້ມີຄົນງານປະມານ40ຄົນ,ສ່ວນຫຼາຍທີ່ສຸດແມ່ນຄົນຈີນ.ໃນສາຍຕາຂອງຄົນງານ,ທ່ານເຈມູນເປັນຄົນອ່ອນໂຍນ.ນາງວາງຢາວຊີ່ນແມ່ນສາວປັກກິ່ງ,ມີອາຍຸພຽງແຕ່ 20ກວ່າປີ,ນາງຕີລາຄາເຖົ້າແກ່ວ່າ,
ເຖົ້າແກ່ເອົາໃຈໃສ່ນຳພວກເຮົາຫຼາຍທີ່ສຸດ,ມາຢາມພວກເຮົາເລື້ອຍໆ.ປັດຈຸບັນເຮັດວຽກຢູ່ນີ້ຮູ້ສຶກມ່ວນຫຼາຍ,ຄົນທັງຫຼາຍກໍຢູ່ຮ່ວມກັນຢ່າງປອງດອງກັນ.
ທ່ານເຈມູນກັບພັນລະຍາແລະລູກທີ່ມີອາຍຸສອງປີພັກຢູ່ຄຸ້ມເຮືອນຢູ່ວ້າງຈິ່ງພາກຕາເວັນອອກຂອງນະຄອນປັກກິ່ງ,ຢູ່ຄຸ້ມເຮືອນຢູ່ດັ່ງກ່າວມີຊາວສ.ເກົາຫຼີຫຼາຍ.ຍ້ອນວ່າສາມາດເຫັນພີ່ນ້ອງຮ່ວມຊາດຂອງຕົນຢູ່ທຸກເວລາໄດ້,ຢູ່ມໍ່ເຂດດັ່ງກ່າວກໍມີຮ້ານອາຫານສ.ເກົາຫຼີບໍ່ໜ້ອຍ,ສະນັ້ນຊີວິດການເປັນຢູ່ທີ່ປັກກິ່ງບໍ່ໄດ້ເຮັດໃຫ້ຄອບຄົວຂອງທ່ານເຈມູນມີຄວາມຮູ້ສຶກວ່າຢູ່ຕ່າງປະເທດຫຼາຍປານໃດ.ທ່ານບໍ່ພຽງແຕ່ໄດ້ມີເພື່ອນຈີນຫຼາຍບໍ່ຢອກແລ້ວ,ລະດັບປາກເວົ້າຄວາມຈີນກໍນັບມື້ນັບສູງຂຶ້ນ.
ໃນເວລາອຳລາຈາກທ່ານເຈມູນ,ທ່ານໄດ້ບອກນັກຂ່າວດ້ວຍພາສາຈີນວ່າ,ທ່ານຈະ ດຳລົງຊີວິດຢູ່ປັກກິ່ງເປັນເວລາຍາວນານ.ທ່ານເວົ້າວ່າ,
ຕໍ່ໄປພາຍໜ້າຂ້າພະເຈົ້າຈະຢູ່ປັກກິ່ງເປັນເວລາຍາວນານ,ເຂົ້າພະເຈົ້າຢາກຊອກຮູ້ຈີນຢ່າງເລິກເຊິ່ງກວ່າເກົ່າ,ຮູ້ຈັກກັບເພື່ອນມິດຍິ່ງຫຼາຍ,ແລະກາຍເປັນໄທປັກກິ່ງອ້ອຍຕ້ອຍ,ຂ້າ ພະເຈົ້າຍັງຈະທຳຄວາມພະຍາຍາມສຸດຂີດ,ເຮັດໃຫ້ຮ້ານປາລີບາເກເຕກາຍເປັນຍີ່ຫໍ້ຂະໜົມຝ່າຍຕາເວັນຕົກທີ່ໄດ້ຮັບຄວາມໄວ້ເນື້ອເຊື່ອໃຈຈາກລູກຄ້າປັກກິ່ງ.
ທ່ານເຈມູນຍັງບອກນັກຂ່າວວ່າ,ປີນີ້,ບໍລິສັດຂອງພວກທ່ານກຽມເປີດຮ້ານສາຂາອີກ6ຮ້ານຢູ່ປັກກິ່ງ,ຕໍ່ໄປພາຍໜ້າຍັງຈະເປີດສາຂາຢູ່ໃນຕົວເມືອງຈີນຫຼາຍກວ່າເກົ່າ.
|
|
|
