|
ສະພານິຕິບັນຍັດປາເລັສຕິນເລີ່ມຫາລືແຜນການປະກອບລັດຖະບານຂອງອົງການຮາມາສ
cri
ຕາມຂ່າວCRI,ວັນທີ27ມີນາ,ສະພານິຕິບັນຍັດປາເລັສຕິນໄດ້ແຍກອອກໄຂກອງປະຊຸມວິສາມັນຢູ່ລາມາລາແລະກາຊາ,ເພື່ອຫາລືແຜນການປະກອບລັດຖະບານທີ່ທ່ານຮານີຢາ ນາຍົກລັດຖະມົນຕີຜູ່ໃໝ່ ຜູ່ນຳອົງການຮາມາສຂອງປາເລັສຕິນສະເໜີ.ໃນກອງປະຊຸມ,ທ່ານຮານີຢາປະກາດວ່າ,ລັດຖະບານຊຸດໃໝ່ທີ່ປະກອບໂດຍອົງການຮາມາສ ຍິນດີຕິດຕໍ່ພົວພັນກັບ4ຝ່າຍທີ່ກ່ຽວຂ້ອງກັບບັນຫາຕາເວັນອອກກາງ.
ໃນກອງປະຊຸມທີ່ຈະດຳເນີນເປັນເວລາ3ມື້,ສະມາຊິກສະພານິຕິບັນຍັດຈະຮັບຟັງແລະສຳຫຼວດພິຈາລະນາລາຍຊື່ສະມາຊິກຄະນະລັດຖະບານແລະໂຄງການການເມືອງທີ່ທ່ານຮານີຢາ ສະເໜີ,ແລະຈະຈັດການປ່ອນບັດໄວ້ວາງໃຈໃນວັນທີ29ມີນາ.
ໃນກອງປະຊຸມ,ທ່ານຮານີຢາກ່າວວ່າ,ລັດຖະບານຊຸດໃໝ່ກຽມຈະພົບປະກັບ4ຝ່າຍທີ່ກ່ຽວຂ້ອງກັບບັນຫາຕາເວັນອອກກາງຄືຣັດເຊຍ,ສະຫະພາບເອີລົບ,ສະຫະປະຊາຊາດແລະອາເມລິກາ,ເພື່ອສະແຫວງຫາແຜນການແກ້ໄຂການປະທະກັນຢູ່ພາກພື້ນ,ແລະບັນລຸສັນຕິພາບແລະສະຖຽນລະພາບຂອງພາກພື້ນແຫ່ງນີ້.ທ່ານຮຽກຮ້ອງໃຫ້4ຝ່າຍທີ່ກ່ຽວຂ້ອງແລະປະຊາຄົມໂລກຈົ່ງມີທ່າທີຍຸດຕິທຳ,ເພື່ອເຮັດໃຫ້ພາກພື້ນແຫ່ງນີ້ມີຄວາມທ່ຽງທຳແລະມີສັນຕິພາບຮອບດ້ານ.
ຕໍ່ທ່າທີຂອງທ່ານຮານີຢາ,ວັນທີ27ມີນາ,ໂຄສົກກະຊວງການຕ່າງປະເທດອາເມລິກາກ່າວວ່າ, ກ່ອນອື່ນ,ອົງການຮາມາສ ຕ້ອງຕອບສະໜອງກັບເງື່ອນໄຂຕ່າງໆເຊັ່ນປະລະການໃຊ້ກຳລັງຮຸນແຮງ,ຮັບຮອງອິສຣາແອນແລະເຄົາລົບສັນຍາທຸກສະບັບທີ່ປາເລັສຕິນແລະອິສຣາແອນໄດ້ເຊັນກັນໃນເມື່ອກ່ອນເປັນຕົ້ນ,ຕໍ່ຈາກນັ້ນ,ອາເມລິກາຈິ່ງອາດຈະພິຈາລະນາການຕິດຕໍ່ພົວພັນແລະສົນທະນາກັບເຂົາ.
|
|
