|
ໜຶ່ງແມ່ນຕ້ອງເອົາໃຈໃສ່ນຳຄວາມສະໝ່ຳສະເໝີກັນໃນດ້ານອາຫານທາດກົດກັບອາຫານທາດດັ່ງ: ອາຫານແບ່ງອອກເປັນສອງປະເພດເຊັ່ນ,ອາຫານທາດກົດກັບອາຫານທາດດັ່ງ. ປາ,ຊີ້ນ,ສັດລ້ຽງ,ໄຂ່ໄກ່,ເຂົ້າ,ອາຫານທາດແປ້ງເປັນປະເພດທາດກົດ. ຜັກ,ໝາກໄມ້,ໝາກຖົ່ວຕ່າງໆແລະອາຫານທີ່ເຮັດດ້ວຍໝາກຖົ່າເປັນອາຫານປະເພດທາດດັ່ງ.
ໃນຮ່າງກາຍຄົນເຮົາມີລະບົບທີ່ດັດສົມຄວາມດຸນດ່ຽງກັນລະຫວ່າງທາດກົດກັບທາດດັ່ງເອົາເອງ. ວ່າແຕ່ກິນອາຫານຫຼາຍຢ່າງແລະເຂົ້າປະເພດຕ່າງໆກໍສາມາດຮັກສາຄວາມກ້ຳເກິ່ງກັນລະຫວ່າງທາດກົດກັບທາດດັ່ງ.
ສອງ,ກິນແກງກ່ອນກິນເຂົ້າມີຜົນດີຕໍ່ຮ່າງກາຍ.
ໃຫ້ເດັກນ້ອຍກິນແກງກ່ອນກິນເຂົ້າກໍຄືກັບການອຸ່ນຄີງກ່ອນຫັດກາຍຫຼິ້ນກິລາ,ເຮັດໃຫ້ອະໄວຍະວະຍ່ອຍອາຫານເລີ່ມເຮັດວຽກ,ໃຫ້ຕ່ອມລະລາຍລະບາຍນ້ຳຍ່ອຍອາຫານຢ່າງພຽງພໍ,ເມື່ອກິນເຂົ້າແລ້ວ,ເດັກນ້ອຍຈະຮູ້ສຶກສະບາຍ.
ສາມແມ່ນກິນເຂົ້າເຊົ້າມີຜົນດີຕໍ່ຮ່າງກາຍ
ອາຫານຄາບເຊົ້າດີຫຼືບໍ່ພົວພັນເຖິງການເຕີບໂຕຂອງເດັກນ້ອຍ,ຖ້າບໍ່ເອົາໃຈໃສ່ນຳການກິນເຂົ້າເຊົ້າ,ໃນເວລາຮຽນ,ເດັກນ້ອຍກໍຈະສໝອງຊ້າ,ກຳລັງວັງຊາບໍ່ພຽງພໍ,ທາດນ້ຳຕານໃນເລືອດຕ່ຳລົງ. ກາໂລລີທີ່ຮັບເອົາໃນມື້ໜຶ່ງ,ອາຫານເຊົ້າກວມ 30%,ອາຫານທ່ຽງກວມ 40% ແລະອາຫານຄ່ຳກວມ 30%.
ສີ່,ກ່ອນກິນອາຫານທ່ຽງຢ່າໃຫ້ເດັກນ້ອຍກິນນ້ຳໝາກໄມ້ລ້ວນໆ.
ນ້ຳໝາກໄມ້ສົດມີທາດບຳລຸງຮ່າງກາຍຮັບເອົາງ່າຍ,ແຕ່ວ່າ,ພາຍໃນ 40 ນາທີກ່ອນກິນອາຫານທ່ຽງ ຢ່າໃຫ້ເດັກນ້ອຍກິນນ້ຳໝາກໄມ້. ເພາະວ່າຖ້າກິນນ້ຳໝາກໄມ້ແລ້ວ,ໃນເວລາກິນເຂົ້າ,ເດັກນ້ອຍຈະກິນໜ້ອຍ,ເຮັດໃຫ້ທາດບຳລຸງໃນຄາບທ່ຽງຮັບເອົາໄດ້ໜ້ອຍ.
ຫ້າ,ປາກັບເຕົາຮູ້ກິນນຳກັນຈະເຮັດໃຫ້ຮ່າງກາຍຮັບເອົາທາດການຊີອົມໄດ້ຫຼາຍກວ່າແນວອື່ນ.
ດີທີ່ສຸດແມ່ນແກງປາໃສ່ເຕົ້າຮູ້,ເພາະວ່າໃນຊີ້ນປາມີວິຕາມິນເຕຫຼາຍ,ເຕົາຮູ້ມີທາດການຊຽມຫຼາຍ,ຖ້າກິນແຕ່ເຕົາຮູ້,ຮ່າງກາຍຄົນເຮົາບໍ່ສາມາດຮັບເອົາທາດການຊຽມຢ່າງເຕັມສ່ວນ,ຖ້າກິນປາກັບເຕົ້າຮູ້ນຳກັນ,ວິຕາມິນເຕໃນປາຈະຊ່ອຍໃຫ້ຮັບເອົາທາດການຊຽມຫຼາຍຂຶ້ນ 20 ເທົ່າ.
ຫົກ,ຢ່າໃຫ້ເດັກນ້ອຍກິນເຄື່ອງດື່ມຫຼາຍເກີນໄປ
ກາເຟອິນໃນໂຄຄາໂຄລາຈະເຮັດໃຫ້ລະບົບສູນປະສາດຕື່ນເຕັ້ນ,ແມ່ນມູນເຫດໜຶ່ງທີ່ພາໃຫ້ເດັກນ້ອຍມັກເໜັງຕີງຫຼາຍເກີນໄປ. ນ້ຳອັດລົມຍັງເຮັດໃຫ້ນ້ຳຍ່ອຍອາຫານມີຄວາມສາມາດດັບເຊື້ອໃນກະເພາະລຳໄສ້ອ່ອນລົງ,ແລະເຮັດໃຫ້ເດັກນ້ອຍບໍ່ຢາກກິນເຂົ້າ.
ເຈັດ,ຢ່າກິນໄຂ່ດິບ
ກິນໄຂ່ດິບບໍ່ດີ,ເພາະທາດໂປຼຕິນຊະນິດໜຶ່ງໃນໄຂ່ຂາວຖ້າປະສົມກັບທາດເຫຼັກໃນໄຂ່ເຫຼືອງຈະກາຍເປັນສິ່ງທີ່ກີດຂວາງຮ່າງກາຍຮັບເອົາທາດເຫຼັກ,ໄຂ່ໄກ່ທີ່ຕົ້ມສຸກແລ້ວຈະບໍ່ມີບັນຫາເຫຼົ່ານີ້.
ໄຂ່ໄກ່ກິບຫຼາຍກໍບໍ່ໄດ້,ຖ້າກິນຫຼາຍໂພດ,ໂປຼຕິນສ່ວນທີ່ບໍ່ຍ່ອຍໄປພົບກັບແມ່ພະຍາດໃນລຳໄສ້,ມັນຈະເນົ່າ,ເກີດເປັນວັດຖຸທາດເບື່ອຕໍ່ເດັກນ້ອຍ.
ແປດ,ບໍ່ຄວນໃຫ້ເດັກນ້ອຍກິນເຂົ້າຈານແກງ
ກິນເຂົ້າຈານແກງ,ເດັກນ້ອຍມັກຫຍ້ຳລວບໆແລ້ວກືນໂລດ,ເສັ້ນປະສາດລີ້ນຍັງບໍ່ຮູ້ລົດອາຫານເທື່ອ,ກໍກືນລົງທ້ອງແລ້ວ,ອາຫານບໍ່ທັນຍ່ອຍແລະຮ່າງກາຍບໍ່ທັນຮັບເອົາເປັນຢ່າງດີ,ຖ້າເປັນແບບນີ້ເລື້ອຍໆ,ເດັກນ້ອຍຈະນັບມື້ນັບຈ່ອຍຜອມ,ແລະຈະເປັນໂຣກກະເພາະລຳໄສ້.
|
