|
|
 |
| (GMT+08:00)
2006-03-28 16:19:18
|
 |
|
ຮົງກົງບໍ່ຫ່ອນຈະຖືກບຽດໄປຢູ່ຂອກຂ້າງ
cri
ຕາມຂ່າວCRI,ຫວ່າງມໍ່ໆນີ້,ມີບຸກຄົນຮົງກົງບາງຄົນເປັນຫ່ວງວ່າການພັດທະນາຢ່າງວ່ອງໄວຂອງເຂດໃນຈີນຈະເຮັດໃຫ້ຖານະຂອງຮົງກົງຫຼຸດຕ່ຳລົງ,ແລະໃຫ້ຮົງກົງຖືກບຽດໄປຢູ່ຂອກຂ້າງ.ຕໍ່ເລື່ອງນີ້,ວັນທີ28ມີນາ,ທ່ານຊີລີນ ຮອງຫົວໜ້າກົມແຜນພັດທະນາຂອງຄະນະກຳມະການພັດທະນາແລະປະຕິຮູບແຫ່ງລັດຈີນກ່າວເນັ້ນວ່າ,ເຖິງວ່າເຂດໃນຈີນພັດທະນາແລ້ວ,ຮົງກົງກໍບໍ່ຫ່ອນຈະຖືກບຽດໄປຢູ່ຂອກຂ້າງ.
ທ່ານຊີລີນທີ່ໄປເຂົ້າຮ່ວມງານສຳມະນາແຜນພັດທະນາຫ້າປີຄັ້ງທີ11ແຫ່ງລັດທີ່ຮົງກົງກ່າວວ່າ,ປີກາຍແຂວງກວາງຕຸ້ງໄດ້ສົ່ງອອກສິນຄ້າຕົກເປັນມູນຄ່າ420ຕື້ໂດລາ,ໃນນັ້ນມີສິນຄ້າເກືອບ300ຕື້ໂດລາແມ່ນສົ່ງອອກໂດຍຜ່ານຈາກຮົງກົງ,ທັງນີ້ສະແດງໃຫ້ເຫັນວ່າຮົງກົງມີຖານະສຳຄັນໃນການພັດທະນາເສດຖະກິດຂອງເຂດໃນຈີນ.
ພ້ອມກັນນັ້ນ,ທ່ານຊີ້ອອກວ່າ,ເຖິງວ່າຫຼາຍຕົວເມືອງເຂດໃນຫວັງຢາກກາຍເປັນສູນການທະນາຄານສາກົນກໍຕາມ,ແຕ່ອາໄສເງື່ອນໄຂພາຍນອກຢ່າງດຽວນັ້ນແມ່ນບໍ່ພຽງພໍ,ຮົງກົງມີທ່າແຮງອັນພົ້ນເດັ່ນໃນດ້ານການບໍລິການການທະນາຄານ ຜູ້ມີຄວາມຮູ້ຄວາມສາມາດແລະດ້ານອື່ນໆ.
|
|
|
